.
.
.
يوسف / أبي أخطب غزل الحين !!
ام سيف / وشو!
ابو سيف / وليه مستعجل انتظر يوم يومين ونخطبها الوقت تأخر !!
يوسف نزلت دموعه وفتح اول زرارات ثوبه / يبهه يمهه تكفون الحينن الحيننن
فزت ام سيف وضمت يوسف / شفيك ياامي ليه الدموع امسح دموعك الحين والله اللبس عباتي واروح لاامهم الحين
يوسف / الحينن !
ام سيف / اي ياوليدي اي
راحت رغد وهي خايفه ومصدومه من منظر يوسف ومو بس هي الكل حرفياً
جابت عباية امها ولبستها وطلعت بيت المقرن ونفس الشي عند الرجال
ام سيف دخلتها ام عتيق البيت وهي مستغربه / ياهلا باام سيف تو م نور البيت
ام سيف / البيت منور بااهله يابعد حيي انتم
جلسوا بالمجلس وطلعت ام عتيق تنادي على غزل اللي عدلت ملامح وجهها وخلتها طبيعيه غصب
غزل / هلا يمه
ام عتيق / زيني القهوه ام سيف جت وتعالي
طلعت غزل وهي خايفه للمطبخ تزين القهوه والشاهي
بعد نص ساعه او اقل جت وحطت القهوه وسلمت وجلست جنب امها ..
عند الرجال اللي دخلوا وكان ابو عتيق جالس بالمجلس
فارس / يالله حيهممم يبه ابو سيف جاء وعياله معه
فز ابو عتيق وطلع / ياهلا والله حياكم الله
دخلوا وكان الجو متكهرب !
بعد خمس دقايق دخل يوسف اللي كان مزندخ باللبس وريحة العطور القويه
سلموا عليه العيال وجلس جنب ابوه وكان قلبه يرجففف
ابو سيف ونفس الشي عند ام سيف / والله ياابو عتيق انا عارف الوقت مو مناسب ولا اليوم لكن انا اليوم جاي بيتك ومعي اهلي بخطب بنتك غزل لولدي يوسف
عقد حواجبه ابو عتيق وضحك وقال / والله فاجئتني ياابو سيف
ابو سيف ابتسم وقال / اعذرني يااخوكك اعذرني
شد يوسف على يديننه وكان خايففففف
ابو عتيق / والله هذي ساعة المباركه وانا ماراح الاقي مثل يوسف ابد
ناظر يوسف واكمل كلامه / ياوليدي انا عطيتك ان ربي عطاك .. بس بشوف راي البنت قبل !
ابو سيف / خذ راحتك
طلع عبدالرحمن يسأل اخته
وابو عتيق وفارس وعتيق يسولفون عن مواضيع مختلفه
عبدالرحمن نادا عند الباب وطلعت غزل وهي مدمعه خفيف / هلاا
عبدالرحمن / غزول يوسف ولد المسعود توه خطبك وابوي يقول بشوف راي البنت اول وش رايك انتِ ؟
غزل نزلت راسها وشدت على يدينها / موافقه
عبدالرحمن ضحك وطلع
جلس جنب ابوه وقال / البنت موافقه ابشركم
ارتااااح يوسفف وقال بقلبه / يياااررببي لك الحمد والشكر حتى ترضى ..!
عند غزل اللي راحت لغرفتها وبكت لين صدع راسهاا
رفعت جوالها وارسلت لهديل كل شي بس م قالت لها عن سر يوسف ابداً بس قالت انه خطبها اليوم
فتحت جوالها هديل وانصدمتتتتت
شهقت هديل بقوه وردت عليها / منجدك؟؟
غزل / والله
هديل / ياااعمري مبروكككككك
غزل / الله يبارك فيك
قفلوا بعد السوالف ورجعوا المسعود لبيتهم وكان يوسف طول الوقت بغرفته وم رد حتى على مباركات اخوانه له من الفرجه والصدمه
رفع جواله وارسل لسليمان انه يبي رقم غزل
سليمان / ومن وين اجيبه لكك ؟
يوسف / شف هديل يولد
سليمان / طيب طيب بشوف
دق سليمان على هديل قبل حتى يقولها ترا بدق
انصدمت هديل واستحتتتتت مره
هديل بحيا / هلابك
سليمان / هدولهه
ابتسمت هديل / لبيهه
سليمان بأبتسامه / عطيني رقم غزل بنت المقرن
عقدت حواجبها هديل وقالت بحده خفيفه / نعم!!
سليمان / شفيككك ! ليوسفف
هديل / طيب برسله
قفلت بوجهه وارسلته له بالواتس وقفلت الجوال وقامت تهوجس
- شفيه ذا بارد بزيادهه وفوق ذا م سولف معي علطول ابي رقم غزل ليوسفف خيررر انا اوريك !! -
وسليمان حرفياً مصدوم كيف تقفل بوجهي !!
دخل ارسل الرقم ليوسف اللي فز اول م شافه
وسليمان كان يحاول بتصل عليها وم كانت ترد
جلس سليمان وقعد يناظر صورتها اللي اخذها لها بالحوش
وكان يفكر- معقوله زعلت؟ انا بعد علطول سألتها عن الرقم م سألتها كيفها بعد اليوم - رجع اتصل عليها وردت بعد محاولات
هديل بهدوء / هلا
سليمان / وينك ؟
هديل / كنت احاول انام ماانتبهت للمكالمه
سليمان / كيفك انتِ اليوم ؟
هديل بقت ساكته وانسدح سليمان وحس انه غلطططط / هديلي
دق قلب هديل بقوه وقالت / عيونها
ابتسم سليمان وقال / م كنت قاصد والله وانا كنت بسأل عن رقمها ليوسف وبسولف معك بس فاجئتيني لمن قفلتي
هديل / انت صدمتني الواحد يسأل عن الاخبار وبعدين يسأل عن الحاجه اللي يبيها
سليمان / طيب أحبك
ابعدت الجوال هديل وضحكت بقوه بدون صوتت وقالت بصوت / اهخ يازينههه
ضحك سليمان وقال / ترا سمعتك!
ضحكت هديل وكحت / خلاص تمام بنام تبي شي؟
سليمان / ايهه ووشلون ماابي ؟؟
هديل / وش تبي أمر؟
سليمان / ابيك عندي الحين
هديل / ليه؟
سليمان ضحك / شلون ليه؟
هديل / ليه تبيني عندك ؟
سليمان سكت وقال / ابي ينعاد سيناريو اليوم بس براحهه مو بتوتر نفس اليوم
حطت يدها هديل على فمها وقالت / سليمان!!
سليمان بضحك / قلب وروح سليماانن
هديل / تغير الموضوع ولا انام!
سليمان / بتنامين انتِ؟
هديل / شوي
سليمان / اجل نامي ارتاحي
سكتت هديل وقالت / شكلك مالك خلق للسوالف
سليمان / ياعيوني انا لو بيدي مااقفل والله وانتِ ادرى! بس راحتك أهم
هديل / تمام
سليمان / هديلي
هديل / عيوني
سليمان / عطيني بوسه ولا قوليلي احبكك
هديل / وشو!!
سليمان / يلا !
هديل ابتسمت /اعشقك
حط سليمان يده على قلبه وقال / انا اكثررر !
هديل / باي
سليمان / اهيم فيكك
هديل / يلااا مع السلامههه
ضحك سليمان / مع السلامههه ونوم العافيههه
قفلت هديل اللي انسدحت مبتسمهههه / احبهه !!!!
ونامت بعد هواجيسس
سليمان لف على جهة اليمين وضم المخده
ونام
عند يوسف وغزل ..
ارسل لها يوسف / السلام عليكم
غزل شافت افتاره وعرفته / هلا؟ وعليكم السلام
يوسف / انا يوسف
غزل / وش تبي
يوسف / حبيت اتطمن عليك بس
غزل بعبره خانقتها / عادي تدق ؟
فز يوسف وقال بسرعه / ايوه !!
اتصل يوسف اللي ردت غزل بعد خمس دقايق عليه
يوسف / غزولتي
غزل / تو الناس على الدلع انتظر لين نملك
يوسف ابتسم وقال / كم نسبة حماسك؟
غزل بعبره وهي ترجف / مااعرف يمكن ٨٠٪
يوسف عقد حواجبه / شفيه صوتك؟
غزل بكت وكانت تشاهق بدون صوت بشهقات مكتومه
يوسف / ياغزلل ياعيوني ! وشفيككك
غزل / وتسألنيي ؟؟ يوسف قلبي يوجعنيي يوجعني !!
يوسف نزل راسه / غزل اهدي واسمعينيي
غزل / تعالل بكرا ملكك!!
يوسف / ياغزل ابوي بيلعن جدفيي! بيقول ليه مستعجل
قالت الكلام غزل اللي حرفياً انهت يوسف فيه
غزل / تعال يايوسف بكرا ابيك تصير حلالي واصير حلالك ابي اقابلك وانا مرتاحه واضمك وابكي بحضنك تكفىى
سكت يوسف وقال / طيب ابشري من عيونييي بس اسمعينيي
غزل / ايش؟؟
يوسف / غزولتي انا م كنت أبي اقولكك بس انا خفت عليك وعلى ردة فعلك بالمستقبل لو تعرفين منها وش يصير!! بتحسبيني مغبي عليك لاني مسوي شي غلط وانا بكامل قواي العقليهه انا اسفف اسف والله ياغزولتي اني ندمان ويومياً اصلي واصيح اصيحح ادعي ربي يستجيب ليي سامحيني لاتجين عندي وانتِ زعلانه تكفيننن
غزل ببكي / وكيف ماازعل انت عارف حجم الموضوع وعارف حجم الشي اللي سويته يايوسف؟ اذيتني واذيت مشاعرييي اوجعتني بعدد
يوسف / يابعد دنيتييي انتِ!!!! بكرا بكرا بالملكه ان شاء الله ان وافق ابويي ابي اشوفك شوفه شرعيه وبنتكلم بالموضوع طيب ؟
غزل / طيب ..
نامت غزل وهي بالمكالمه وتبكي ويوسف كان يسمع شهقاتها وموجوععع بس ساكتت يبيها تطلع اللي بقلبها قبل زواجهم ..
.
.
.
أنتهى 🌷.
