.
.
.
|| بعد مرور أسبوع ||
جاء وقت المعاريس يروحون شهر العسل..!
كان سليمان متوجه لسويسرا ويوسف لجزر المالديف ..
طلع يوسف وغزل من الساعه ٦ الصباح للمطار وكان وقتها ابوه وامه نايمين ولا لحقوا يسلمون عليهم لان رحلتهم الساعه ٧
ولكن سليمان وهديل رحلتهم الساعه ٩ الصباح واصلاً للحين نايمين!
صحى سليمان على حركة هديل بحضنه وفتح جواله بسرعه وتمطن ان تو الناس على الرحله باقي لها ساعتين
قام وغسل وتوضا وجاء يصلي صلاة الفجر اللي طافته من غير قصد
بعد م خلص جاء على هديل اللي جت ونامت بمكانه لمن قام
ابتسم على منظرها ومسكها من كتفها وهزها بشويش
سليمان / هديليي .. هدولتييي
صحت هديل ورفعت يدها عن وجهها / هلاا
سليمان/ يلا قومي ! الرحله بعد عشر دقايق
فزت هديل وركضت للحمام
ضحك سليمان قوه وسمعت ضحكته هديل وقالت بصوت يسمعه / اوريكك اوريك
تروشت وتوضت وجت تصلي . صلت وخلصت وقامت على سليمان اللي منسدح على جواله
مسكته من شعره وشدته بخفه / ياخي ليه ليه تخرعني كذا!!
ضحك بقوه سليمان وقال / عشان تقومين
هديل / قول لي قومي وبقوم ماله داعي تخرعني والله من سمعت ضحكتك يوم دخلت للحمام دريت انك تسذب علي!
مسكها سليمان من يدها وقال / خلاص خلاص سامحيني حقك علي
هديل / قول اسف
سليمان / بعد!!
لفت عنه هديل / ايهه
سليمان ابتسم وهو يضمهاا / اسففف ها وش بعد؟
لفت عليه هديل وكان سليمان منظره يدق قلب هديللل قوهه
نظاراته الطبيه وغمازاته الطويله وضحكته الجذابهه وعيونه المسحوبه بخففه وشامته اللي على خده الايمن وسكسوكته اللي تموت عليها هديل ..!!
قامت هديل وهي تحاول تكون طبيعيه
سليمان / شفيك توترتي هههههه
هديل لفت عنه وراحت تحط ميكب خفيف
سليمان اركى ظهره على الكنبه الصغيره وقال / اتعبتي وجهك من كثر المكياج تراك حلوه بطبيعتك
هديل / المنتجات ذي طالبتها توني ومره تطلع الوجه طبيعي وودي اني اجربهاا
سليمان قام وقومها وجلس وجلسها بحضنه / يلا حطي بشوف كذا عن قرب
هديل / سليمان توترني !!
سليمان / لا معليك اذا توترتي قوميني
هديل قربت من المرايا وبدت تحط الميكب باتقان مرهه وكان سليمان يناظرها ويتأمل اصابعها النحيله وهي تتحرك تحت عيونها وعلى وجهها
وكانت هديل ميته من الحيا ومتوتره نظرات سليمان لها تجلطط
بعد م انتهت قامت من حضنه وراحت تزين شعرها بعيد عنه ..
صحى ابو سيف ولقى ام سيف قاعده بالحوش وضايقه شوي
جلس ولف عليها / شفيك ي الهنوف ؟
الهنوف ام سيف / يوسف
ابو سيف / وشفيه ؟
ام سيف / مشى وم ودعنا
ابو سيف / الله معه وبعدين ليه يودعنا اسبوع اسبوعين ويرجع ان شاء الله
لفت ام سيف بضيق وقرب ابو سيف وحبها على راسها / لاتضيقين تراني اضيق من ضيقك
على حركتهم اللطيفه ذي كانت عنود طالعه بالفطور
العنود / ييووههه خربت عليكم رومنسيتكم
ام سيف ناظرتها بطرف عين / ياقليلة الحيا
العنود / والله يبه م توقعتك رومنسي ههههههههه
على كلمتها ذي جو هديل وسليمان
سليمان / صباح الفُل
باس امه وابوه على روسهم ونفس الشي مع هديل
العنود / سليمان تخيل وش صار تو
سليمان لف عليها باستغراب / وشو
العنود / طلعت لقيت ابوه حاضن امي ويبوسها
سليمان ضحك وقال / اف افف
ابو سيف / شف التسذوبه
ضحكت هديل بخفه وقال سليمان ببتسامه / عاد حنا بعد ساعه طيارتنه بنطلع الحين
ام سيف / ومتى بترجعون ؟
سليمان / يعني اسبوعين ونص ان شاء الله وراجعين
ودع امه وابوه وهديل بعد ومشوا
العنود / خوذوني معكم
لف عليها سليمان / يلا جيبي حذيانك وتعالي
ضحكت هديل قوه ومسكت يد سليمان اللي لف عليها بضحك
العنود / اذلف
ام سيف / زين يسوي بك ههههههه
طلعوا هديل وسليمان وركبوا بالسياره بعد م ركب الشنط بالشنطه وحركوا للمطار ..
سليمان / ابتصل على يوسف اتطمن عليه
هديل / اي والله شف احوالهم
رفع جواله واتصل على رقمه ..
عند يوسف وغزل ~
كانوا بالطياره وكانت غزل تسولف مع يوسف عن جداول السفره وبهالمواضيع
وكان يوسف يناظرها بحب وهو يشوفها تطلع الاماكن اللي ودها تروح لها هناك وخاطرها فيها
حس على صوت جواله وهو يدق وناظرته غزل و رد / هلابكك
يوسف / ارحببب
سليمان / ها كيف وضعكم عساكم بخير
يوسف / ياربي لك الحمد الحين بالطياره وباقي لنا ثلاث ساعات تقريباً ونوصل
سليمان / عاد انتبه عليهاا وحطها بعيونك يا يوسف ولاتنسى هدايا امي وخواتي يوسف / لاتوصي حريص
سليمان / يلا اخليك
يوسف / طيب وانت؟
سليمان / وشبي؟
يوسف / م مشيتوا؟
سليمان / طالعين للمطار باقي على الطياره ساعه تقريباً
يوسف / عاد انتبه عليها وحطها بعيونك ياسليمان ولاتنسى هدايا امي وخواتي
ضحك سليمان / لاتوصي حريص
ضحكوا وودعوا بعض وقفل يوسف
بعد دقايق جاه اتصال ثاني وكان عباله سليمان نسى يقوله شي ورجع اتصل
لمن رفع الجوال استغرب من الرقم رد عليه وكان صمت بس شهقات خفيفه
يوسف / من معي !
...... / سفرتكم اليوم ؟ .. ياما تمنيت اكون معك بهاللحظه ياحبيبي .. ليه تركتني ورحت مع غيري
غمض عيونه يوسف قوهه واستغفر
يوسف بحده / انتِ م عندك كرامه!
لفت غزل باستغراب على يوسف !!
مريم / يوسف تكفى ارجعع لاتروح معها انا احبك اكثر منها
يوسف / ابوي تفاهم مع امك ولازلتي تفشلينها اكثر انتِ م تستحين؟
مريم ببكاء / لكني احبكك احبكك
يوسف بحده ونبرة تهديد / لو ترجعين وتتصلين علي مره ثانيه مابيحصلك خير سامعه!!
جت بتتكلم لكن قطع يوسف الاتصال بوجهها ولف على غزل اللي لافه على شباك الطياره الصغير وتناظر وعيونها مليانه دموع
اخذ نفس يوسف / ان لله!! غزلل
غزل م ردت عليه وهي باقي تناظر للارض
يوسف مسك يدها وقال / ردي علي ناظريني انا سويت شي غلط؟ هي اللي اتصلت !
لفت عليه غزل وناظرت عيونه عن قرب / م تطفش وانت توجع قلبي يايوسف ؟
يوسف / وش سويت!!
غزل شدت على يده باظافرها واوجعته / لا تقول وش سويت !! قل وش م سويت ماالومها يوم انها تحبك وتتصل عليكك
يوسف / انتِ منجدك؟
غزل لفت عنه وصارت دموعها تنزل بدون صوت / لو ادري ان بتبقى حياتي معك متوتره كذا والله ماوافقت عليكك ومن اللحظه اللي اعترفت بكل شي بالسياره المفروض اني منهيه كل شي
لف يوسف وهو عارف ان معها حق بكل شي رفع جواله وارسل للعنود
المحادثه ••
يوسف / العنود
بعد دقيقتين ردت العنود / هلا؟؟
يوسف / ابوي عندك؟
العنود / اي ليه عسى ماشر؟
يوسف / قبل شوي اتصلت علي الزفت مريم وغزل سمعت كل شي قالته وكانت تبكي وتقول لاتخليني وارجع وتمنيت اكون معك وكنت انا افشلها وقفلت بوجهها اخر شي ، علمي ابوي وخليه يروح يكلم موضي
العنود / يمه شوي شوي صدمات ورا بعض
يوسف / اخلصي علي
العنود / يلا الحين ابشر
يوسف / والله من بداية هالسفره واضح كدينا خير
العنود / عين خير واستغفر بقول لاابوي وان شاء الله تعتقك
غزل / من تكلم؟
لف عليها يوسف بصدمه وقال / العنود !
لفت عنه غزل ومسك يدها قوه وقال / تكفين ياغزل كل شي الا الشك لاتشكين فيني انا مستحيل اكلم غيرك والله العظيم مستحيل
لفت عليه غزل وكان ودها تقول شي لكن مسكت نفسها عند اخر لحظه لان هي تعرف لو تقول اللي بتقوله بتنهي وتخرب كل شي بينها وبين يوسف ..
غزل / خلاص ماابي اسمع صوتك ابي انام
لف عنها يوسف وسكت
.
.
.
أنتهى 🌷.
