.
.
.
في وقت متأخر بالليل كانت جالسه بالصاله وتبحث بتطبيق الانستا عن الحلويات اللي بتجهزها وتاخذها بكرا في المخيم ، رفعت راسها على اللي دخل البيت وهو مبتسم
سحب شماغه وحطه على كتفه وهو يقول / لبيه يا هالزول !!
ضحكت لين وقالت بحيا واضح وجداً عليها / يوسف تبي اكل ؟
يوسف / ايه لكن مو اكل اللي ابيه أبيك انتِ
لين / كلي لك
ضحك بعلو صوته يقول / ياعلني مااانحرم !!
جاء جلس جنبها يحتضنها ويبي يبوسها لكن دفعته وقالت / كلي لك لكن مو الحين وراي شغل
ضحك يصد عنها ويفتح جواله ، ولين راحت للمطبخ تجهز الحلويات .
≈ في الجهه الثانية من البيت ≈
دخلت هديل غرفتها هي وسليمان وكان منسدح وحاط يده على عيونه
توقعته نايم وصارت تمشط شعرها بخفه على الاضاءه الصفراء الخافته من الابجورة بعد م انتهت جدلت شعرها الطويل لخصرهاا رطبت كامل جسمها وبعد دقاايق انتهت بترطيب شفايفها قامت طفت الاضاءه وشغلت ضوء جوالها ودخلت معه بالفراش بهدوء
كان حاس انها للحين زعلانه طبعاً احساسه غلط لكن حب يمازحها عشان يغير جوها / يوهه ياهديل وش هالازعاج !
توسعت عيونها بصدمه وقالت بهدوء وفشله / اسفه حبيبي
قرب منها وضحكت وقالت / ايوهه اجل مو ازعجتك ؟
ابتسم بوسع ثغره يقول / أمزح معك ياعيوني
هديل / كنت أحسبك نايم
سليمان / لا مو نايم
هديل ناظرته وهي متمسكه بكتوفه / اجل ؟ ليه هادي كذا زعلان مني ؟
سليمان عقد حواجبه وقال / ازعل؟؟ وحتى لو قلبي بيخليني ابقى زعلان وهالزين قدامي ؟
ابعدت خصلتها عن وجهها تناظر على كل مكان بالغرفه
ابتسم يشد على ظهرها مد يده وسحب ربطة شعرها من اخر شعرها وفك جديلتها
هديل / لا توني سويتها
سليمان / أحب شعرك كذاا !
هديل لفت عنه وتمددت على السرير ابتسم وتمدد هو بعد ومسك يدها وغفوا اثنينهم لان بكرا وراهم قومه من الصبح واشغال كثيره ..
≈ الصباح ≈
كانت أم سيف صاحيه تكمل خياطة البطانيه اللي تسويها ..
أبو سيف / صبحك الله بالخير
ام سيف بابتسامه / صبحك الله بالنور والرضا
جلس جنبها وكان يتأمل خياطتها العجيبه / وين القهوه ؟
أم سيف / اقوم اسويها الحين لك
نوف / والله م تقومين هذي هي جت لين عندكم
ابتسموا ام سيف وابو سيف لنوف زوجة ولدهم الكبير / الله يسلم يديك يابنيتي
ام سيف / بعدي والله
نزلت الصينيه وباست راس عمها وعمتها وجلست قبالهم تصب لهم من المزعفره ..
≈ شقة سليمان ≈
قامت من النوم وناظرت النايم بعمق جنبها ابتسمت وقامت لدورة المياه
انتهت من الوضوء وطلعت تصلي الفجر اللي طافتها قامت وصفطت سجادتها وثوب الصلاة وتركتهم على الكرسي الموجود بزاوية الغرفه
مشت تعدل وجهها وشعرها وتلبس جلالها وتنزل..
هديل بابتسامه خفيفه / صباخ الخير
ناظرها ابو سيف بابتسامه ونفس الشي عند ام سيف / ياهلا وغلا ببنيتي صباح النور
قربت تبوس راس عمها وعمتها وجلست / الا م قلت ياعمي م لقوا العيال مخيم ؟
ابو سيف مسك عصاته / الا بالله لقوا وان شاء الله اخر الظهر حنا هناك وبنجلس فيه ٣ ايام
بعد اعلان ابو سيف لعدد الايام اللي بيجلسون فيها بالمخيم فزت هديل ونوف يقعدون البنات عشان يمداهم يجمعون الاغراض وكل احتياجاتهم
دخلت هديل على غرفة العنود ونوف غرفة رغد
هديل / يالعنود قومي اسمعيي
العنود بنعاس / ياخي خلوني ارتاح اطلعي وسكري الباب
هديل شهقتت وقالت / من ياللي م تستحين تطرديني عيني عينك! اقول قومي لاادعسك
قعدت العنود وهي مقفله عين وقاتحه عين / هاه ؟
هديل ضحكت على شكلها وقالت / عمي اكد ان بنجلس بالمخيم ٣ ايااااام
شهقت العنود وقالت / احلفي اكيدد ؟
هديل / ايه والله وقومي جهزي اغراضك بعد ثلاث ساعات ان شاء الله حنا بالمخيم
فزت العنود تدخل دورة المياه وتطلع تجهز اغراضها
ونفس الشي عند رغد ونوف ..
