في غبتك ظل ما فارقني من غبت عني وللحين

بارت 20

بعد مده فتحت عيونهـا ببطئ ناظرت حولها كان فهد نايم على ظهره ويلعب برجليـه وجنبـه هيـام تناظره بهدوء ونطقت لما شافت شـوق تعدل جلستها ؛ صح النـوم !
فركت عيونهـا بتعب ؛ صح بدنك ، وين خالد ؟
هيـام بأبتسامه ؛ يقلبي عليك ، زوجك وصل للمدينـه واتصل عليك يكلمك بس انتِ كنتِ داخله بغيبوبه فَ انا رديت عليـه وطلب مني اقولك انه يحبك وراح يشتاق لك .
ابتسمت بهدوء ؛ قلت له ما يسافر بدوني !
هيـام وهي تقول ؛ اهجدي واتركي الرجال يشوف شغله ، يَ بنتي احمدي ربك على يلي عندك انا يلي عندي وده يسافر وما يرجع !
ضحكت شـوق ؛ انتِ مقضيتها هواش معاه اكيد يبغى يهرب !؟
هيـام وهي تقلب عيونهـا وتسلك لها ؛ ايوا ايوا !
حملت شـوق فهد وتمت تلاعبـه تحت انظار هيـام المبتسمـه ، تقدمت لهـا واخذتـه منها ونطقت شـوق بأستغراب وزعل ؛ ليه اخذتي ابغى العب معاه !
هيـام ؛ اتركي العب الحين لاحقهه عليـه " وراحت للتسريحه والتقطت الكيس ورجعت تمده لها " ؛ خذي !
عقدت حواجبها شوق ؛ وش ذا ؟
هيـام بنوع من التوتر ؛ اختبار حمل ، قومي اعمليـه !
ناظرتها بصدمه وهزت راسها بالنفي ؛ وش فيك انتِ ؟ احنى سكرنـا ذا الموضوع ليه تبغيني ارجع اتذكر ؟؟
هيـام بأصرار ؛ انا حاسه ان ذي المره راح يكون ايجابي ، كل الاعراض يلي عندك تدل على ذا الشي !
قومي جربي ما راح تخسري شي !
زمت شفايفها وهي تطلعه من الكيس وتناظره بخوف ؛ ما ابي " رفعت راسها تناظر هيام " ما راح اقدر اتحمل اشوف خط احمر واحد !
هيـام ؛ جربي عشان خالد ، و اوعدك اذا كان سلبي فَ ما راح افتح الموضوع مره ثانيـه !
ناظرت الاختبار بتوتر ثم قامت بهدوء ودخلت الحمام ...
ابتسمت هيـام برضا وقرصت خد فهد ؛ بصير خاله واخيرا !
وجلست على الكنب تنتظر بتوتر وصرخت بألم لما فهد شد شعرها وصرخت ؛ يا ولد ابوك !
جلستـه على رجولها ونطقت بتهديد وهي تشد على خدوده بيدها ؛ ان ما جلست هادي يا فهدو بوديك ل ابوك !
ورفعت راسها لما سمعت صوت الباب و ...

-
رفعت راسها لما سمعت صوت الباب و ناظرت شوق يلي خرجت من الحمام و بـيدها الاختبار تناظره بحزن !
قامت بسرعـه هيـام ؛ تكلمني ، ايش ؟
ناظرتها ونطقت بغصـه وهي ترمي الاختبار بالارض ؛ لا عاد تفتحي ذا الموضوع مره ثانيـه !
انمستحت ابتسامـه هيـام اما شـوق جلست على طرف السرير تبكي بصمت !
تنهدت هيـام واخذت فهد تطلع من الغرفـه وفتحت باب الجناح وكانت بتنادي العامله ولكن طلع عزيز من جناهم ونادتـه ؛ عزيز!
عزيز ؛ عيوني !
مدت له فهد ؛ تكفى خذه ل جدتي !"ناظرتـه من فوق ل تحت " وين ؟
اخذ فهد يلي يصارخ بلعب ونطق ؛ بروح اشتري كم شغله وراجع
هزت راسهـا بالايجاب وابتسمت لما قرب يبوس خدها وراح ... اما هي فَ دخلت الجناح مره ثانيـه وراحت ل شوق شافتها للحين على نفس الجلسه وقربت تجلس جنبها وهمست ؛ انا اسفه !
شوق هزت راسها بالنفي ؛ عادي
زمت شفايفها هيام وسحبت يد شوق ؛ لا تقولي عادي ! مهو عادي ابد !!
دمعت عيونها وصدت عن هيام ما تبيها تشوفها وهي تبكي اكثر وهمست ؛ ابي اضل لوحدي شوي لو سمحتِ !
تنهدت هيـام ونطقت بتفهم ؛ طيب .
قامت بتمشي و شافت الاختبار ع الارض ، نزلت ل مستواه و التقطته وبققت عيونها وهي تشوفه والتفتت لها ؛ خطين !
التفتت لها شوق بعدم فهم وكملت هيام وهي ترفع الاختبار ؛ خطين يَ حماره يَ عميـا تبكين على ايش ؟؟
قامت شوق بسرعه واخذته من يدها ، هزت راسها بالنفي وهي تشوفه ؛ شنو هذا ؟؟!
ضحكت هيام بفرح ؛ ما خاب ضني ، انتِ حامل واخيرا !
ناظرتها بعدم تصديق ؛ انا حامل ؟
هزت راسها هيام ؛ ايوااا
تمت تناظر الاختبار ويدها ترجف اما هيام توجهت للدولاب وطلعت عبايتين !
البست عبايه ومدت العبايه الثانيه ل شوق البسيها بسرعه ! ، ناظرتها شوق ؛ وش جالس يصير ؟
ساعدها هيـام بانها تلبسها ومسكت يدها ومشت بسرعه لتحت !
شافتهم الجده وهو يمشون سريع ...