في غبتك ظل ما فارقني من غبت عني وللحين

بارت 9

وبعد لا تفكيـرين او حتى تتخيلين اني ببعد عنك بتكونين دائما معاي مهمـا صـار
شافها ساكتـه وقرب منها اكثر وطبع قُبلتـه على خدهـا وطلع برا الغـرفه
حطت يدها على المكان يلي باسهـا فيـه وجلست تفكر بكلامـه بهدوء
-
فتـح عيـونه بـانزعاج من صوت تلفونـه التقطـه ورد ببحـه ؛ مين؟
الجـد محمد ؛ ما شاء لله ، نايم للحين
راح ياذن العشـاء!
فتح عيـونه لما سمع صوت جده ؛ ءءء جدي؟
الجد ؛ ايـه جدك ! ، اسمعي يا سلطـان
ما كنت ابي ازعجك انت وبنتي بس ابيك ضروري
سلطـان ؛ فيك شي يا جدي ؟
الجد ؛ تعال و يصيـر خير
التفت سلطان على فـوز يلي نايمـه على ذراعـه ونطق ؛ مسافـه الطريق
وقفل الخط
ابعدهـا بشـوش عنـه لاحظهـا شـاده على الحاف ، شـاف تيشيـرته على طرف السرير التقطـه ولبسـها بهـدوء قرب منها وبـاس راسها وهمس ؛ ما راح اتاخر
قـام اخذ شاور على السريع وغيـر ملابسـه وقبل يطـلع وضع تلفونهـا جنبهـا حتى تتصل عليـه اذا صحت
طلع وغلق الباب خلفـه وهو متوتر من كلام جـده ركب سيـارتـه وحـرك بسـرعه
-
عـزيز ؛ تكلم يا جدي ، وش فيه وتـرتني !
الجـد محمد ؛ ما في شي يخـوف
بس ابيكم بكلمـه راس
ونـاظر خالد ؛ اتصل ب سـلطان شوف وين وصل
هزت راسـه بالايجاب واتصل عليـه ورد سلطـان ؛ قربت راح اوصل !
اغلق الخط وبعد دقـائق معـدوده دخل سلطـان عليهـم في المكتب ونطق ؛ صاير شي ؟
الجـد ؛ اجلس
جلس قـرب خالد ونطق الجد بحده ؛

-

نطق الجد بحده ؛ ابي اعرف وش صار قبل 7 سنوات
وناظر سلطان بالتحديد وكمل ؛ ليه جيتني وترجيتني عشان تروح لامريكـا ؟
وناظر عزيز ؛ وبعد كم يوم جيـتو وطلبتو نفس الطلب !
سلطـان بتوتر ؛ مافي شي يا جدي كل الموضوع اني كنـا نبي نس...
قاطعه الجد ؛ لا تكذب يا سلطان
سكت كل ذي السنين انتظر تجون وتتكلمون ولكن ما احد فكر يجي
والحين ابعـرف ، انتو الثلاثـه وش صار معاكم
وانت يلي راح تبدا يا سلطـان .
نزل راسـه سلطـان وهو يتـذكـر
"فلاش باك"
دخل غـرفه شـوق بسـرعه لما سـمع صوت نسـرين تصـارخ شافهـا وهي تضربهـا كف !
قرب بسـرعه وسحب شـوق وراه ظـهره ونطق ؛ ليـه تضربيها ؟؟
نسرين بعصبيه ؛ كلـه منك انت !
انت يلي دخلت هذا الفقير على بيتنـا
عقد حاجبه بعدم فهم ؛ وش قاعده تقولين؟
نسرين بعصبيه ؛ ايـه ما تعرف حضرتك
اختك قاعده تتكلم مع رفيجك خالد
وتحب وتتمعشق وانت يا غافلينهم الله
ناظر شـوق يلي تبكي ومتمسكـه فيـه ونطق ؛ امي ! لا تصارخين
نسرين ؛ ايوا ما تبيني اصارخ عليها
تبيها تخرب وتهيت مثلك !
وتسويها بلا فايده
انت ما فيك الخير وتبي تسويها زيك
رفع حاجبه ؛ يمه وش تقولين انتي
أي خراب و أي هيـاته الله يهديك
كل يلي اسـويه عشان رضاك ما تشـوفيـه ؟
نسرين ؛ ليش وش سويت انت ؟
ما جبت لي غير الهم انت واخوك
والحين تبون تورطون بنتي مع ذا الفقير
ضحك بسخريه ؛ ما جبنا لك غير الهم؟
واحنـا هايتين وبلا فايده بعد ؟؟
تقدم لها وكمل ؛ امي ! تراك ما دريتي عننا
والحين لما شـوق حبت جيتي وتذكرتي انك امها وجيتي تحاسبيها ؟!
اوه نسيت انتي عزايمك اهم مننا
تكفين شـوفي ساعتك ليكـون عندك عزومه او عرس او استقبال ناسيه تروحين له
انتي يلي بدون فاي... سكت لما نسرين ضربتـه كف
ضحك ونطق ببحه ؛ ذا يلي انتي تصلحين فيـه
يا ام !
رفعت سبابتها ونطقت ؛ كذا تتكلم معاي وانا امك !
اطلع ما عاد ابي اشوفك
هز راسـه بالايجاب وسحب معـه شـوق يلي تبكي و...