တနေကုန်အခန်းကျယ်ကြီးထဲမှာ ပိတ်ထား
ခံရပြီး ကုန်ဆုံးသွားပြန်ပြီဖြစ်တာကြောင့်
ရှောင်းကျန့်က နည်းနည်းလေးမှ အလိုမကျပါ။သုန်မှုန်နေပြီး ဖုန်းကိုကြည့်လျှက်
တတောက်တောက်နဲ့ စာရိုက်နေရင်းမှ
တဖက်ကပြောလာသည့်စကားကြောင့်
မျက်ခုံးအစုံမှာ ပင့်တက်သွားသည်။
နောက်ထပ်ပို့လာတဲ့စာကြောင်းကြောင့်
နှုတ်ကနေတောင်အော်မိသည်အထိပင်။
"လုဝေ!"
ပထမမေးခွန်းက 'မင်းယောက်ျားကချောမှာပေါ့နော်' နှင့် ဒုတိယမေခွန်းကတော့
'အိပ်ယာပေါ်မှာရော အရမ်းဆွဲဆောင်မှု
ရှိလား' ဆိုသည့် အတွင်းကျကျမေးခွန်း
မျိုးကို လုဝေ က မေးလာခြင်းဖြစ်၏။
"မင်းရူးနေလား"
"ဘာတွေလျှောက်မေးနေတာလဲ"
ခပ်မြန်မြန်ပဲ typing ရိုက်ပို့လိုက်သည်။
"မင်းနဲ့ငါက အပြင်မှာမမြင်ဖူးကြပေမယ့်
ရင်းနှီးနေကြပြီလေ အဲ့တာကြောင့်မေးတာ
ဟီးဟီး"
"ယောက်ျားယူရတာကောင်းလား sean
ကောင်းရင် ငါလည်းယူမလို့"
လုဝေဆိုတဲ့ကောင်ကိုသူတော်တော်လေး
သတ်ပစ်ချင်နေပါပြီ။ငါ့မှာယောက်ျားမရှိ
ဘူးလို့ခံငြင်းရအောင်လည်း လုဝေ က
မယုံ။ ရှိသလိုပြောရအောင်လည်း ဝမ်ရိပေါ်ကို သူမှယောက်ျားမတော်ချင်ဘဲ။
"ကျစ်! စိတ်ရှုပ်စရာကွာ"
တစ်ကိုယ်တည်းညည်းညူမိတုန်းလုဝေ
ထံမှာ'sean ပြန်ဖြေအုံးလေ' ဆိုသည့်စာ
မှာ ဆယ်စောင်ထက်မနည်းဝင်လာခဲ့၏။
ဒီလောက်တောင်ဖြစ်လှတာ...။
"အေ...ယောကျာ်းယူရတာအရမ်းကောင်း
တယ် မင်းယူလိုက်တော့!"
စိတ်ပေါက်ပေါက်နှင့်စာရိုက်ကာပို့လိုက်ပြီး
ဖုန်းကိုလည်း ပိတ်ချကာ အိစက်နေသည့်
ခေါင်းအုံးများအကြား မျက်နှာကိုတိုးဝှေ့
လို့ ငြိမ်နေလိုက်သည်။တစ်ချက်တစ်ချက်တိုလာသည့်စိတ်ကြောင့်လည်း လက်သီး
ဆုပ်နှင့် မွေ့ယာကို ထုရိုက်နေလေသည်။
"ရှောင်းကျန့်"
"သေရာကပြန်လာပြီလား"
ရိပေါ်အသံကြားသည်နှင့် ကုန်းထပြီး
ရရာခေါင်းအုံးနဲ့ပစ်ပေါက်ကာ ကြမ်းတမ်း
သော စကားကိုဆိုမိသည်။ရိပေါ်ကတော့
ခေါင်းအုံးကို အရင်ကလိုဖမ်းယူခြင်းမရှိ
ဘဲထိမှန်လျက်တိုင်းထားပြီး မျက်နှာသေ
နှင့် ရေချိုးခန်းထဲသို့တန်းဝင်သွားသည်။
YOU ARE READING
𝐒𝐮𝐫𝐯𝐢𝐯𝐞 𝐚𝐧𝐝 𝐎𝐛𝐞𝐲 𝐔𝐧𝐝𝐞𝐫 𝐌𝐲 𝐆𝐮𝐧
Fanfictionဝမ်ရိပေါ်က ဘာတွေကိုဂုဏ်မောက်ပြီး ဒီလောက်ထိရမ်းကားနိုင်လွန်းရတာလဲ . . ဝမ္ရိေပၚက ဘာေတြကိုဂုဏ္ေမာက္ၿပီး ဒီေလာက္ထိရမ္းကားနိုင္လြန္းရတာလဲ
