عشق بالقمار 🔥🔥🔥🌹🌹
الحلقة الحادي عشر 11
أماي تتگلم ... حضنت أخي ورجعت مسكت وجه بين يديا ... _أماي: ( أون جو ) فتح عينيك وشوف فيا ... ران نمشو من هنا يلا راح نهربو مع بعض ... والا ماراحش يخلونا عايشين _شفته مش قادر يتكلم ... هزلي راسه وخلاص ... فكيتله لحبل هذاك وشديته من يده نجر فيه ... سمعت صوت رصاص برا نزلت في لرض وحطيت يديا على أذني خايفة تجيني نوبة الهلع كيف لعادة مانقدر نعمل حاجة ... وقت تجيني نتجمد فمكاني ونختنق ومعنديش قدرة بش نتنفس... صوت رصاص خلاني نحس روحي راح نفقد توازني .. تلفت نشوف في خويا وجهه صفر ... كبست على دمعتي وقربت بسته من راسه نحكي ... _أماي : لالا لا رد بالك تخاف انا هنا حاجة متصرالك... مسك ع يدي كثر بش نهربوا قربت جيهة لباب نتاع المستودع راح نفتح الباب .. نلقاه في وجهي حاط يديه ورا ويشوف فيا.. جماعته كلها خلفه هازين سلاحهم .. _أُماي : خويا.. هذا أخي مكنتش نعرف راح يصرا هاك سمحلي ... رفد يده للسما وهي خبت وجها في بالها راح يضربها ولا يأمر بقتلهم ...أما عمل اشارة لرجاله يشدو أخيها جروه وحطوه فالسيارة .. حاولت تشد باسكو اخيها تلحقهم أما مسكها من ذراعها بقوة وجبدها لعنده وجوهم قابلو بعض عيونهم تحكي قصص كتير فاتت عليهم ... هي نار مشتعلة و هو جليد ... يتكلم المفيد وخلاص ... تناقض كبير بينه وبينها ... اما كل حد وواش عدى واش عاش فحياته و في اي ظروف كبر لذلك تصرفاتهم متناقضة ... هزت يدها تحاول تفهمه بشوي حتى يفهم .. _أُماي: (بصوت منخفض ) قربت راسها من أذنه تتكلم : انا قبلت على نفسي اني نجي للكازينوا ونمشي معاك هذيك الليلة لانو عندي سببي ... _نتا عطيتني 10 ملاين وقبلت تعطيهملي ... بعدها جيت انا هنا ننقذ خويا ونتا جيت معياا بلا مانطلب مساعدتك _شوقا : عنوان بيتگم وين .. لفلاشة وين
الان فعليا مكيش قادرة ترجعي أخيك لو تمديلي جسدك كل ليلة.. حلت عينيها على وسعهم وهزت يدها راح تعطيه كف ... شدلها يدها فلسما ولوالها ذراعها وجبدها لعنده ...وقرب من وذنها يحكي ... _شوقا : صدقيني قاعدة تحلي في بواب لموت في وجهك ... راح نحسب هذا شي ماصراش .. راح تمشي تركبي السيارة وتمديلي لعنوان وين ...نسترجع لفلاشة وبعدها ماعادش تخرجي في طريقي .. _كبست على شفافها ورجعت تتحرك تحاول تفلت روحها منه ... _نفخ وجرها وراه ركبها وصكر لباب عليها ومشى ركب جنبها ... _شوقا: العنوان ... سكرت عينيها ورجعت مدتله لعنوان ... تحركو السيارات مع بعض ... تلفتت تحوس على خوها اذا جايبينه حتى هو ... لقاته في وحدة من السيارات لي حطوه فيها .. تنهدت وحطت راسها على النافذة تخمم فلي ممكن يصرا... اذا صح زوجة باباها رمات لفلاشة راح تكون كارثة حاسة نفسها داخل محيط والامواج تضرب فيها ومش عارفة كفاش تنقذ نفسها بنفسها🌹🌹🌹
أنت تقرأ
عشق بالقمار #شوقا_مين_يونغي #أماي_گارن
Детектив / Триллерلا أدري كيف سأرتدي ثوب الحقارة هذا لكني سأفعل الحقيقة الحياة عادلة بكونها غير عادلة مع الكل لم تكن عادلة معي أبدا وأنتظر ان تكون غير عادلة مع الآخرين كما فعلت معي بنفس تلك القسوة . لقد خضت الكثير من المواقف و المتاعب لوحدي من يسمعك من يقف معك...
