عشق بالقمار #شوقا_مين_يونغي #أماي_گارن

🫶الحلقة 16🫶

عشق بالقمار 🔥 🔥
الحلقة 16💯🔥nes_suga93
  وقفت امام لصحون لي قدامها وفتحت  الماء  خلته ينزل عليهم وحطت رغوة راح تغسلهم وقت سمعت صوت "موني تحكي...  _موني :  أماي ...  _أُماي:  ااااه ...  جاوبتها وهي تغسل فلي امامها ...  _موني:  واش صرااا  قاعدة تتهربي مني كل ماسقسيتك على ليلة هذيك ...  _أماي : لانو مش حابة نتفكر... قربت منها وحطت يدها على كتفها ...  _موني: عملتيها  مالا  _هزتلها راسها بدون متشوف فيها...  _موني:  مين  ...  _أماي : مانعرفوش ...نعرف اسمه شوقا وانو راجل واصل ولازم نبقى بعيدة عليه...  _موني:  ولي خسرتيه ... سكتت  ونحت رغوة من على يديها ... شدت لمنشفة مسحت يديها وتلفتتلها تحكي ...  _أماي: لي خسرته .. خسرته بارادتي ...منلوم حد عليه  لاني مشيت برجليا لشي هذا...  _موني :  أماي خممي ... اول شي غضبتي ربي وشي هذا مشي مليح وفوقها قضيتي على حياتك ... سامحيني على كلامي اما شكون يقبل بوحدة فاقدة عذريتها  ..._سكرت عينيها على آخر كلمة سمعتها ... ورجعت تنهدت  ...عينيها رجعو يلمعو من الدموع أما  باقية تكابر....  أماي  انسانة جروحها تحب تخليها داخلها وماتخليهاش تظهر كيف ندوب على جسمها ... اي حاجة توجعها تقابلها بتبسيمة ... وحتى في هذا لموقف باقي تكابر ... اما اول ماقربت منها موني وحضنتها نهارت تبكي ... مهما يكون راه مجتمع مايرحمش ... ولمراة تسوى بعفتها... أماي خسرت شي هذاك فوق طاقتها اما باقي تكتم فلغصة وتحاول تطمن روحها انو عملت شي هذا على جال خوها وحتى يرجع بيها زمان لورا تعمل نفس شي ....  جبدتها موني من يدها وخلاها تجلس ع لكرسي ومدتلها كاس ماء..  شداته بيديها ترشفت منه شوي ورجعت حلت زرار شوميزتها وقت حست بلخنقة ..._موني: نسمع فيك احكي...  _أماي : ليلتها عملت كيف ماقتلك ....مشيت للكازينوه هذاك كيف ماعرفت ...لبست شي مفضوح كيما قالولي وقعدت مع لبنات ...كان موجود جماعة لتم وهو معاهم ... كانو يقمرو وبعدها عملولي بيدهم نقترب منهم وقمرو عليا .. _موني تسمع فيها وحالة فمها .... _موني: هبلتي نتي ...وماجاتش في راسك تمشي من تم .. _أماي:  بقى هو وواحد ثاني... دقيقة هذيك دعيت انو يربح هو خفت نبات مع واحد كبير ... _موني: ياااصبر وبعدها  _أماي: مشيت معاه وطلبت 10 ملاين ...وهو قبل وصرا لي صرا ...ورجعت حطت يدها على راسها تحكي ... _أماي: بصح الحقير ماحطش الواقي...  _شافت فيها موني مصدومة ورجعت حطت راسها بين يديها تحكي ..._موني : يا ربي صبرني انا وين وهي وين ...كالية هم الواقي ومشي غايضاتك حياتك لي ضاعت ... _أماي: كون نحبل والله زوجة بابا تقلب عليا  الدار..  _موني : كون غير تصرا على الاقل يتزوجك...  _أماي : (ضحكت بستهزاء ) ههه تعرفي وش قالي اذا صرا وحبلت  قالي نتاحري ... _موني: واش من حظ عندك ..._أماي _ اعطيني حل مع "يوسانغ" ولد جارتنا  جيونا''  نعيفو منتخيلش نفسي معاه... اصلا عفت روحي وحالتي وهو جاي يخطب تقول ننتحر صح ...  _موني: ياصبر مش عارفة وش نقول ..
ناضت تغسل فلصحون وبقات موني  جالسة على لكرسي تشوف معاها... سمعت صوت تليفونها  _موني :  تليفونك يرن  ...  _أماي:  ايه شوفي من ...يدي بالماء..  _دخلت موني  يدها في حقيبتها جبدت الهاتف ... ونتبهت على كارت صغيرة لتم ... جبدتها ورجعت تقلب فيها ...  _موني : شوقا مينيونغي  وعملت استفهام على وجها ...مين هذا ولا هذا هو فعلا !... واش تعمل كارت نتاعو عندك.... nes_suga93 
#أماي تحكي ...  وقت شفتها هزت لكارت نتاعه مشيت جيهتها وفكيتها من يدها نحكي ...  _أماي_نسيت مارميتهاش ...  _موني : أماي خممي بعقلك انا كيما ختك وتهمني مصلحتك ... اذا هو عارف انو هو اول حد مسك وانو نتي جيتي لتم على جال خوك ... ممكن يتزوجك ... _نفخت وتركزت مع لحيط ...مش عارفة كيف نفهمها انو الشخص هذا مش  مجبور يتزوجني ...  _أماي : افهمي افهمي انو مش مجبور يتزوج بيا ...انا وين وهو وين ... حتى حذاؤوا  يسواا بلاوي ... ممكن راتب شهور مايجيبهش ...بلا صوالح ثانيين ... وآخر شي صدمني ...وقت كنا لعند رايون المافيا  ...سيارتوا  ماختارقتهاش الرصاص... تصدقي انو بكل برودة دم نزل من بعد وخرج هو رابح ... "رايون" ورجاله خذاو ضرب مبرح من عنده ... _موني: لهذي درجة راجل هذا واصل ... _أماي:  واكثر مما تتوقعي ... على هذاك حتى انا من الاحسن نبقى بعيدة عليه يبقى بعيد عليا ... اصلا قلهالي معادش تخرجي في طريقي.. _موني: مين صار هاك خليك بعيدة عليه ... هزيتلها راسي ورجعت لكارت في جيبي ... وكملت نغسل فلصحون... تفكرت تليفون لي كان يصوني مشيت جيهة صاك هزيت نشوف شكون نلقاها زوجة بابا نفخت ودخلته في جيبي ... وحطيته على وضع صامت حتى ماتزعجنيش ...كملت مع 5 تاع لعشية ... غسلت يديا وبللت رقبتي ...حسيت جسدي يوجع فيا حتى رجليا تعبوا من الوقوف ... هزيت حقيبتي وخرجت... جبدت تليفون نلقاها في 20 مكالمة... نفخت وعيطتلها .. شوي وجاوبتني  _مانجوا: متجاوبي عليا  وينك  مش حابة تجاوبي هكدا !؟  _أماي :نتي عارفة وقت نكون فلخدمة مانحبش لي يزعجني ومانردش على تلفون... _مانجوا: اوك بسرعة  رجعي  للبيت مابقاش وقت  ويجو ...). (#تكملة_3) _أماي: مين جاي .. _مانجوا: تتمسخري عليا..ولا مشي متفكرة واش تكلمنا صباح .. _أماي: لا مش متفكرة ومش حابة نتفكر ..حابة تهجريني من البيت مش هكا  ... _مانجوا: علاه نهجرك ياغبية انا نخمم فيك ...راكي راح تلحقي 30 سنة ومزال ماتزوجتيش  تظلي معايا...خطابة معادش يدخلوا للدار يطلبوك ... مابقى غير ولد "جيونا"  اقبلي بيه وجيبي صغار ربيهم ..مجاوبتهاش غلقت الهاتف في وجها وجالسة تخمم في كلامها ... صح وجعتني .. ووقت نتفكر حالتي نزيد ننقهر كثر... دخلت محل  شريت حلوى خذيتها معايا وطلعت للدار ... وقت دخلت للعمارة تفكرت واش صرا قبل باسبوع ... تبسمت وطلعت مع درجات هذوك ... ورجعت حبست وقت وقفت فلدرجة لي كنت راح نطيح فيها... تذكرت وقت شدني ووقت وقفنا قدام بعض ... سكرت عينيا نحاول نستحضر لحظة هذيك بكل تفاصيلها ...احساس شباب(جميل) تسلل داخلي... و غريب ويخوف اما في نفس لوقت حبيتو ...مدابيا نبقى نحس بيه...كملت طلعت لفوق حتى وصلت للباب زدت تبسمت وانا نتفكر في ميدو وهو هاز لفلاشة ياكل فيها ... هههه هم يضحك وهم يبكي...حالتي حالة وانا نتفكر فلي صرا ونضحك... حليت لباب ودخلت ... لقيتها منظفة الدار تبرق ... علقت ملابسي  وحطيت صباطي عند لباب ومشيت لغرفتي ... غسلت وجهي وغيرت ثيابي لبست حاجة خفيفة نتاع دار وقعدت لمرايا نشوف مع وجهي ... عوجت فمي نخمم كيف  نتزوج ب " يوسانغ" ... زوج طلبت لخلع وخلاتله اولاده عنده ... ميدو عنده 5 سنين وعنده بنته عندها 8 سنين ... رتميت على سرير وبقيت نشوف مع سقف لغرفة ... مانعرف كيف جات لفكرة هذي في راسي وعلاه ... لقيت روحي مشيت لصاكي جبدت لكارت لي كنت رجعتها غفلة على موني ... شديتها بين يديا وحطيت هاتفي أمامي ...شوقا مين يونغي هذا اسمه ...عملت روشارش عليه فلباج فيسبوك وانسثقرام ... طلعلي لكونت نتاعه دخلت طالعة هابطة نتفرج مع تصاوره ... كنت راح نخرج وقت وقفتني فوطو حاطها ...دخلت نلقاه متصور مع بنت والظاهر حفل خطوبة ...ركزت مع تصاور كثر ومع التعليقات لقيت انو خطوبته فعلا معاها .....  #nes_suga93🌹