عشق بالقمار #شوقا_مين_يونغي #أماي_گارن

🫶 الحلقة الثانية 🫶

عشق_بالقمار 🔥🔥🔥🔥
الحلقة الثانية 🌹🌹🌹🌹
الدنيا كلها ظلام هدوء عميق ونسمة باردة .. أما هي جسمها كلوا بارد طلعت برا الكازينوا بفستانها الاحمر من غير متلبس جاكيت عليه ... حست بقشعريرة تسللت داخل جسمها كلوا ... مشى أحد الحراس فتح باب السيارة لي جهتها بدون مايتكلم ... للحظة بقات تشوف فيهم مشي مصدقة وش دير .. لدقيقة فكرت تهرب تتراجع تعمل اي شئ وماديرش الحاجة لي رايحة ليها بيديها حبت تدفن نفسها قبل ماتغلط ..اما للحظة ايضا شافت نفسها وصلت لنص طريق ومش لازم ترجع ..ومادام وصلت لهنا لازم تكمل ... عملت كل شي باش تعمل واش في راسها ومتمنية الليلة تفوت بدون مشاكل وتستيقظ صباح تحل عينيها وتمحي كل شي صرا ... ضغطت على حقيبتها ومشات جيهته شافتوا راكب على الجهة الاخرى ف ركبت حتى هي وغصتها فقلبها والخوف عليها واضح .. صكر الحارس لباب ورجع لمكانه .. وسائق السيارة تحرك بعدما عطاه #شوقا الأمر انو يمشي ... طريق كلها وهي ساكتة عينياها على الشباك تابع وتشوف مع البنيان .. أضواء كلها طافية الهدوء و سيارات قليييلة بهذاك الوقت الناس كلها نايمة .. أما هي جالسة مع انسان غريب فوقها ماشية لشئ لا هي راضيتوا لا الله يرضاه ... أما مرات تكون الظروف أقوى منك وتكون الحياة مش عادلة .. توصل عندك لدرجة كل الابواب تتصكر في وجهك حتى عقلك مايفكرش بالطريقة الصحيحة .. تنهدت للحظة من التفكير لي إجاها وانخطفت بسرعة وقت حست بيده نحطت على فخذها .. شافت مع يده ورجعت طلعت راسها فيه .. تلقاه يشوف لقدام مش يشوف فيها ... جات تجبد روحها كبس عليها ...
_شوقا : قربي ...
بلعت ريقها وكبست على حقيبتها بين يديها ...
دور راسه جيهتها جات عينه في عينها .. بقاو لحظات يخزرو لبعض الندم واضح و ظاهر في عينيها
أما واضح عليه برودة الدم ومخاسر شي من لي يعمل فيه عادتوا حتى وتكون دنيا تنحرق يبقى هادي ويتجاهل الكل .
رجع ضغط على فخضها وحط إيدوا على خصرها وقريها منه صكرت عينيها وقربت منه حتى جسمها لامس جسمه ... رفد يده عداها على شفافها يحكي ...
_ شوقا : اول مرة نفوز ... تعرفي السبب وش ... ردت عليه بتحريك راسها لا
رد عليها عيونك كل ما كنت نرفد ورقة ونحط نشوف ف عيونگ ... بقات تشوف معاه وفتفاصيل وجهوا .. وهو باقي يحكي ...
_شوقا : اما لعينين هذو نتمنى من الليلة هذي معادش نشوفهم ..
و بالنسبة لكل شي راح تعيشين الليلة هذي تنسيه ومنهم انا ...
انخطفت وقت حكا بالطريقة هذي هزتله راسها ب ايه أما هو تبسم وأدار وجهو منها كانو مكانش قريب منها للحظة.
تنهدت بجهد و رجعت حتى هي ورا . أثر لمستوا ليها مزال عليها ومزال كلامه في راسها ... حست روحها رخيصة و مذلولة حتى عافت نفسها معرفتش تتصرف ولا وش ممكن تعمل الطريق هذي طوالت ومزال ليلتها معاه طويلة
#nes_suga93،
💯💯💯
فجأة توقفت السيارة على جنب ... نزل السائق وفتح الباب لشوڨا نزل من السيارة أما هي بقات داخل السيارة ومش عارفة وش تعمل نزل عليها خوف خلاها تتجمد في مكانها حتى حل عليها لباب وأشار بإيدوا تنزل ف نزلت ... وقفت تشوف مع القصر لي قدامها ... ولاحظت حراس كتير على بوابة المدخل وباب القصر لوهلة جاتها لحظة إدراك خلتها تبلع ريقها من الخوف و الراجل لي راهي معاه ميطمنش بالخير راه شخصية مهمة او مافيا .. .. عضت ع شفافها وداخلها تقول عند شكون طحت نا ...وواش كاين .. كيفاش راح تهرب من هنا ... حتى أنها مزال محكاتش واش السبب لي خلاها تجي وهل يقبل بعرضها أو لا للأنو هي لخاسرة في النهاية .. رجعت تنهدت مادام عنده كل هذ لحراس ولقصر لي راهي امامه ف أكيد مش راح يرفض طلبها مادام عنده المال .
مشى أمامها وأشار بإيدوا تلحقوا بقات تبع فيه ... فتح الباب دخل ودخلت هي ثاني ... بقات تبع فيه بدون متتكلم ... تحاول تشوف هي وين ... اذا قتلوها هنا ولا واحد يسمع بيها ... شي هذا زاد خوفها كثر
قادرة تموت هنا ... شكون هذا وواش يخدم ... وقف وهي من كثرة التفكير لي عقلها كانت تمشي فقط ضربت فيه ...
تلفت شاف فيها ورجع شدلها يدها ...
_ شوقا : عينيك خليهم فيا شي هذا احسن ليك ...
هزتله راسها ب نعم وعينيها يشوفو معاه ... تبسم على جنب وكبس على يدها دخلها لغرفة نوم كبيرة كل شي فيها أسود . . ستايرها سود حتى الحائط لونو أسود ... مافيها حتى لون يشرح لقلب ... تبسمت باستهزاء على نفسها وقالت داخلها الغرفة سوداء وكئيبة تمثل حياتي فعلا
_شوقا : مشى حل شبابك خلى نسمة لهوا تدخل ...نحى كوستيمه رماه على لكرسي ... ودخل للحمام وخلاها واقفة تتأمل فلغرفة ....
🔥💜🔥
#أُماي گارن ... تحكي
.. قصتي طويلة ومش عارفة منين أبدا.. ممكن أو أكيد ماراحش تعذروني وتقولو عليا غلطت غلطة كبيرة حتى إني متهورة ومتسرعة وطايشة ومانعرفش نخمم لأنو كاين حلول كتيرة غير الحل لي التجأت عليه انا ... وقتي كان ضيق و حتى أضيق من النفس لي كنت نتنفسوا وملقيتش حل غيروا وهذا لي قدرت نعمله ... أنا أُماي كَارن عمري 28 سنة مش مرتبطة ولا ارتبطت من قبل حتى إني ماحبيتش وعشت الحب كما يجب .... عندي في حياتي غير زوجة بابا لي معكرتلي أيامي ومسودة عيشتي ...وعندي خويا أصغر مني لي من بابا و لي نحبه أكثر من نفسي وبسببوا وصلوني رجليا و جابوني لهنا ... خويا لي حلفني عليه بابا قبل مايموت ندير بالي عليه وشعرة ماتقيسوا ... عمره 19 سنة اما باقي متهور ايضا ومايعرفش صلاحه وانا لي مهتمة فيه .. ..ولولاه هو مكنتش راح نزيد ليلة في دار بابا كنت راح نعيش وحدي ونشتقر وحدي احسن من انو نعيش مع زوجة أب تكرهني .
على هذي مرات ظروف تكون اقوى منا وانا ظروفي كانت أقوى مني وصلتني للطريق هذا ... مشيت فالطريق هذا و عارفة واش راح نخسر وواش راح تكون اضرار شي هذا ... اما وعد بابا و وصيته مزالها بين عينيا ... اذا ماعملتش هاك نخسر خويا أما نستحمل بش نخسر نفسي ومنخسرش خويا لي بقالي من أمي وبابا ..
واكثر حاجة مصبرتني انو ليلة وحدة وكل شي ينتهي عندها صحيح راح نخسر حلم انو نتزوج ونكون عايلة
أما على الاقل نكون حميت أخي من تهديدات المافيا لي راح تقتله اذا معطاهمش المال لي لازم .

nes_suga93🌹🌹🌹