عشق بالقمار #شوقا_مين_يونغي #أماي_گارن

🫶22🫶

عشق_بالقمار 🔥💯🔕💯❤️🔥🔥
الحلقة 22 nes_suga93#
وقف سيارة أمام لعمارة لي عايشة فيها ورجع تلفتلها يحكي ...
_جيمين: هنا .؟؟
فاقت من سرحتها وتلفتت تشوف هي وين ورجعت شافت فيه تحكي ...
_أماي: ايه هنا ... شكرا ليك تعبتك ...
هزلها راسه وهي تلفتت راح تنزل ..
_جيمين: حنا تلاقينا قبل!!؟ قصدي انا شايفك في بلاصة من قبل ؟!
تلفتت شافت فيه مليح .. تحاول تذكر اذا شافته قبل ... اما شي ولا مرة تلاقاته...
_أماي : ممكن مشبهني لحد...تصبح بخير ...
نزلت وسكرت لباب وراها... طلعت مع دروج هذوك خطورة الامام وحدة لورا.... كل ما تسكر عينيها تذكر لي صرا بينه وبينها...لمرة هذي غير... لمرة هذي حست روحها ضعيفة صح... انو قاعد يهددها بشي صعيب عليها انها تعاود تعمله...الشي هذا انو تنام معاه.. وشي هذا بلذات لي خلاها تحس انو كاين شكون عافس على كرامتها ومستغل نقاط ضعفها ...اول ماوصلت قدام باب شقتهم .. تحس في قلبها تزير ... تركزت على لحيط وحطت راسها بين يديها ... وين وصل حالها رجعت كيفها كيف اي بنت ليل ... تمشي نص ليل وترجع مع لفجر... مسحت دمعتها وقت سمعت صوت جاي ملفوق اكيد شخص نازل فالصوت هذا يمشي يخدم... فتحت الباب و دخلت بشوي باش مكانش لي يحس عليها... مشات طول لغرفتها ... سكرت لباب بلمفتاح وشعلت نور لغرفة وبقات واقفة وسطها تشوف بكل شي داير بيها ... لمحت صورة أمها و باباها.. بقات تشوف فيهم وتبكي حاستهم شايفين كامل واش دارت بنتهم وكيفاه غلطت ورجعت غلطت من جديد...نحت لباس هذا رماته ومشات للدوش ... وقفت أمام لمرايا تشوف في رقبتها كيف.. رجعت قربت كثر وقت لقات آثار بصماته ...زروقية وحمورية مالية جسمها بلكامل .. منظرها هذاك بلذات كسرها كثر وكثر ... احساس مايتوصفش ...ومهما كتبت مانقدرش نوصله ... نتخيلوه اما نحسوه لا... خاطر بعيد كل لبعد على لي في راسنا ... وقت تحسي روحك وحدك فلدنيا هذي وانو قاعدين يستغلو فيك ونتي مش قادرة تحكي شي ولازمك تقبلي ولا العواقب تكون وخيمة ... حلت لماء ووقفت تحت المرش ... تحك في وجها صدرها وجسدها فكل بلاصة حط يده عليها ... تلعن وتدعي ربي يجيبلها حقها منه ...حطمها بكلاموا ولا تصرفاتو  ... الامل لكل قطعه في وجها ...قعدت شي ساعتين وهي تغسل وتعاود وخرجت لبست ودخلت فراشها تحوس تهرب من كلشي تحب ترقد وتستيقظ فاقدة الذاكرة ... الانسان يغلط ويطلب العفو من الله  وقت يرجعله نادم يحط رحمته عليه ... الابواب لكل تتسكر في وجهك الا ابواب سماء  ...قعدت تبكي وتدعي في ربي بقهرة ...مفاقتش على نفسها حتى هزها نوم وهي جالسة على الأرض
#nes_suga93
حلت عينيها مفزوعة على صوت باب غرفتها ... وقفت مسحت على وجها ومشات حلت لباب ...
_مانجوا: علاه راقدة لهذا لوقت ...مريضة ...
_أماي: لا غير تاعبة ...
_مانجوا: واش صرا ... واش قررتي ..
_أماي: في واش ...
_مانجوا: حكيتي مع اب طفل واش قال ...
_أماي: واش راح يقول يعني ... خلاص ماعادش تجبديلي الموضوع هذا راه يقلقني ...
_مانجوا:  يعني قررتي تنزلي طفل ...
_أماي:  لا.. ماراحش نسمح في إبني كيما سمحو فيا الكل ... ماراحش نخليه ..
_مانجوا: واش قصدك... وين حاسبة روحك تعرفي الحي وش يحكوا عليك احنا مش تاع مدينة الامر هذا عادي عندهم أما فالحي لا  افهمي... غدوة وقت بطنك تظهر واش راح يحكوا
_أماي: راح نتكلم مع "يوسانغ" ... نصارحه بكل شي ... ونحكيله على لي في بطني  ... واذا قبل بيا وبيه نتزوجه ... واذا ماقبلش نقنعه يتزوجني 8 اشهر وبعدها نمشي بإبني بعيد ومكانش لي يقول  كلام عليا وعلى ابني
#nes_suga93🌹🌹🌹
( #التكملة_1)
شافت فيها وقحرتلها ... مش عارفة واش تزيد تقولها ... لازمها طيح صغير ولا تتزوج ب أبيه الاصلي
_مانجوا: يوسانغ راح يفرح بيك هاك!! ... راح يقولك صحاا ارواحي نتزوج بيك ونعطي لولدك اسمي ... حلي عينيك وراسك ليابس واسمعي واش راح نحكي .. هذا لعالم غير لي في راسك حتى حد مايرحمك اذا طحتي طيحي وحدك ... وكامل يحوسو على مصلحتهم ... افهميها هذي ...
_أماي: انا قلت لي عندي ... راجل هذاك نموت ومانتزوجهش ...قبل كانت عندي لفكرة هذي وقلت حل مناسب اما دوك لا ... غير وقفته قدامي رجعت تخنقني افهميني ...
_مانجو: واش نفهم اااه واش نفهم ... هازة صغير في بطنك وباقي تحبي ديري وش فراسك ... حطي من نفسك ومتقوليش عندي نيف هذا وبلا كرامة ... اذا مشي حابة نتي تحكي معاه هاتي انا نتكلم معاه ...
_مانجوا: شبيك نتي وش تحكي وش تتكلم  واحد اناني وحاسب روحه ... اذا رحتي راح يشوف نقطة يستغلك بيها  .
_مانجوا: شكون هذااا شكون ... قولي .. مكانش نقطة ضعف عنده مكانش حاحة طيحه .. علاه خايفة منه ...
_أماي: مانعرفش واش يكون ولا علاه هاك ... لي نعرفه راجل واصل وماتقدريش ترميه بحاجة ... فلاخير تخسري قدامه ...
_ضيقت عينيها ورجعت شافت فيها تحكي ...
_مانجوا:  عملك حاجة ...
شافتها سكتت وحطت راسها ... مشات جيهتها كبست على يدها تهز فيها ...
_مانجوا:  تكلمي ... واش عملك...
_انفجرت بلبكا وطاحت على سرير قاعدة ...
_أماي: هددني ..رجع لمسني.. رجع سرق براءتي من جديد ...
_مانجو: ونتي ... كيف تسمحيلوا... كيف نقابل بوك وامك انا واش نقولهم على الامانة لي خلوهالي ... نقولهم مشات لطريق لعواج ... قولي ...واش من عقل عندك ..
_أماي:  مش غرضي ...مش بارادتي...ماعندي ذنب ... حطني قدام الامر الواقع ... رجعت تحكي وتحاول ترد نفس ... كلام رجع يتقطعلها ...
_أماي:  قتل راجل أمام عينيا ... وبعدها هددني
حطت يدها على فمها تسكت فيها ...
_مانجوا:  واش هذي قتل راجل ... هذا واش يخدم مايكونش واحد من مافيا لي يقتلو ...
هزت راسها فيها تخمم .. صح كيفاه ماجاتش لفكرة في راسها ... مايكونش مافيا .. مسحت دمعتها ووقفت تجبد في كم تريكوها من توتر ... دوك فهمت راجل عنده دراهم ومكانش لي يحكي معاه ... يقتل كيف  ماجاش في بالها يكون واحد ملمافيا ... زعما كاين منهم ناس هذو لدرجة يعملوا هك بلا خوف وعندهم سلطة  ذكرت إسموا بين شفافها #شوقا_مين_يونغي مافيا ؟؟؟؟