عشق بالقمار #شوقا_مين_يونغي #أماي_گارن

🫶الحلقة17🫶

عشق_بالقمار 🔥🔥
الحلقة 17   nes_suga93🌹 
غلقت الهاتف  ورماته فقجر ... وقفت أمام لمرايا تشوف مع روحها.. للحظة بدات تقارن في روحها بيها... تنهدت وعدت يدها على شعرها ...  _أماي: الله يقطع تفكيري... جالسة نكذب على روحي ... مين راح يشوف فيا اصلا مين.. من غير يوسانغ" لي شايفني ناسبه... فتحت خزانةوخرجت ثياب مناسبة نلبسهم وقت يجو طالعت مكياجي وحطيت منه ولبست.
(خططت في راسها انها  تقبل ومن بعد تشوف حل..ممكن تحكيلوا قصتها ويقبل مادام حتى هو مطلق... واصلا راه يريدها  بشدة بش تكون زوجتوا...كملت عدلت روحها وخرجت لبرا سمعت صوت جاي من صالون دققت معاه تلقاه صوت "جيونا"  جارتهم... شافت ميدو يجري من كوزينة للصالون رايح جاي يلعب ...ووقت شافها جى يجري ...  _ميدو: ميمي (يناديها ميمي) انا جيت ...  حطت يدها على راسه تلعب بشعره ونزلت لعنده شداته من يديه تحكي..  _أماي: شكون هنا _ميدو: أومَّا مانجوا وبابا ...  __أماي: يعني ماصبرش وجى... _ميدو: حلوى ..عطيني حلوى .._أماي:تمام يلا خلينا نمشو ...  وقفت وشداته من يده ومشات جيهة صالون ...وقت دخلت تلقاهم جالسين يحكو... زوجة باباها غير شافتها فرحت ... يوسانغ ماصدق شافها عينيه وساعو عليها...  _أماي: اهلين كيفك بخير ...  _جيونا: بخير وانتي...  _اماي :حمد لله ...دورت عينيها جيهة " يوسانغ" لي وقف ومدلها يده راح يسلم عليها... مدتهاله ورجعت جبدتها خفيف ... ضحكت ضحكة صفراا وقعدت مقابلاته على لكرسي ...  _مانجوا: هيه مدامها جات خلونا نحكو فلمفيد ... _جيونا: طلبنا واضح...ولولاد راهم كبار ويعرفو ...  _مانجو:صح صح. أماي وش تقولي  ... قابلة بيوسانغ ... بقات ساكتة تشوف فيهم ... ميدو في حجرها قاعد... _ميدو: ماما ميمي ايه ماما جديدة ...  _كلامه وجعها ...تفكرت وقت أبوها قرر يتزوج كان عمرها وقتها 8 سنين ... جاها وحكاها فلموضوع وهي مشي فاهمة فرحت غير انو راح تكون عندها ام جديدة ... وكبرت وعرفت انو بلاصت الام ماتتعوضش ومكانش لي يملي فراغها .... قربت شفافها وباست ميدو من راسه وهزتلهم راسها ...  _أماي : ايه قابلة ...
هوما مشاو وهي جرات لغرفتها سكرت لباب على روحها ورتمات فلسرير ... غمت راسها وسكرت عينيها... تخمم اذا غلطت في قرارها ولا تسرعت..... شوي وسمعت تليفونها يصوني وسط لقجر .. جبداته تشوف شكون رقم غريب ... هزت عليه ..  _أماي: الو... _يوسانغ: أماي.. _بعدت الهاتف من وذنها تتاكد من رقم ورجعت حطاته على وذنها تحكي ...  _أماي: يوسانغ هذا انت... من وين جبت رقمي .. _يوسانغ: مانجوا اعطتولي ...  _اماي:  مانستغربش من انو هذي عملتها ...كاين شي عيطتلي عليه ...  _يوسانغ: قلت نحكو شوي ... تعرفيني ونعرفك ... _أماي: يوسانغ شوف انا قبلت صح ... اما مزال ماقتنعتش ..وزيد كاين صوالح بزاف نحكو فيهم باش نكونو متصارحين مع بعض ملبداية ... _يوسانغ: اكيد .. حتى انا حاب نتكلم ع جال هك ...ظاهر تاعبة نخليك ترتاحي وغدوة نرجعو نحكو ...  _اماي: ايه تعبت.. تصبح بخير ... نزلت الهاتف من على وذني نخمم ... صح مش حابة نحكي معاه ف الهاتف ... اما هذا احسن حل باش نصارحه مش نجي هاك فجاة نحكيله ... حطيت تليفون تحت لمخدة وسكرت عينيا حابة نرقد ... قررت ننسى كل شي صرا ونبدا صفحة جديدة منا وروح مكانش لي مايغلطش ... كامل لبشر يغلطو وانا وحدة منهم ومش لازم نوقف حياتي عند لحظة هذيك... فاتو اكثر من اسبوعين ... كنت تحاول في هذوك الايام نحكي مع يوسانغ على الموضوع.. اما لفرصة هذيك ماحبتش تجي ... ايام قضيتهم مثل اي يوم عمل  ورجعة للبيت ..ومرات قلال تكملت فيهم مع يوسانغ و  بعد ما الح عليا نخرجو مع بعض مقدرتش بقيت معاندة انو مش قادرة ...
ليوم على غير لعادة استيقضت بكري وجاها استفراغ تحس في قلبها راح يخرج من معدتها من الوجع... غسلت فمها وتغير لون وجها وقت طاحت لفكرة في راسها ... تلفتت  ووقفت قدام لمرايا تشوف مع روحها وجها صفر حالتها حالة .. كيفاش ماخمت فلشي هذا... مادام تعدا شهر على آخر مرة جاتها الدورة فيها وزيد قاعدة تستفرغ كل يومين صباح و ليوم نهار عاشر وهي فلحالة هذي...
كبست على لبكية تحاول تطرد لفكرة هذي من راسها ... فات شهر على ليلة هذيك و ليوم رجعت تفكرتها ...تدعي مايطلعش لي تخمم فيه صح ...اذا طلع صح راحت عليها...ماراحش تسلم من كلام ناس ...عزباء و حامل... ومن مين من راجل أحسن ليه تبقى بعيدة عليه بعد السماء ع ارض .. فتحت الماء وحطت يدها تحته بلت وجها ورقبتها ورجعت دخلت لغرفتها لبست في رجليها وهزت مونتوها حطاته فوقها وخرجت هكاك .. لقات زوجة باباا واقفة فلباب ..._وين خارجة على صباح ربي ...اذا هاربة من شغل دار راني ماراح نعمل شي خارجة عند  جيونا"  ممكن نمشوا نتسوقوا ... اصبري ارواحي نتكلم معاك  شبيه وجهك صفر هاك وقالبة وجهك... ماجاوبتهاش هزت حقيبتها وخرجت رايحة للصيدلية  تجيب تاست نتاع حمل تجربه وتأكد شكوكها ... نزلت تحت تلقى شمس طلعت وناس بداو يمشو ... للحظة حست انو كامل ناس عارفين قصتها وقاعدين يحكو عليها واصابع الاتهام موجهة جيهتها .... كبست على شفتها بسنيها... وكملت تخطي في خطاويها بسرعةة حتى وصل ... دخلت وتأكدت انو مكانش حد من لي تعرفهم هنا ..._تفضلي مدام واش خصك ...  _أماي: اااه ... تاست ... تاست نتاع حمل..حطلها واش حبت في ساشي ومدهلها ...خطفاته من يده ومدتله دراهم وخرجت تجري وقت لقات واحد من جيرانهم داخل ...طلعت للبيت في 5 دقايق... حلت لباب ومشات طول لغرفتها وسكرت لباب ملداخل بلمفتاح ... دخلت للحمام وجبدت تاست جرباته وحطاته تستنى فلنتيجة ....دقايق ورجعت قربت من تاست خايفة... تدعي ماتكونش نتيجة ايجابي ... تدعي ربي يسترها ... آخر مرة تلاقات بيه كان راح يقتلها .... اذا حامل واش يعمل مستحيل يقبل بيها وبصغير ...واصلا تعدى شهر كيفاش يصدقها بلي منه... هزت تاست تشوف فيه ...ورجعو طاحو دموعها وطاحت في لرض منهارة ....
🔥nes_suga93🌹
أماي تحكي..طحت ع الأض منهارة نحس في روحي راح نختنق ...نحس كأنو كل شي رجع ضباب...هزيت تاست بين يديا نحاول نحل عينيا باش تتنحى لغمامة لي حطت عليهم... نتيجة ايجابية...كل شي واضح انا حامل... تركزت على لحيط وحطيت راسي بين يديا...نحاول نتحكم في روحي باش منعيطش...وش من مصيبة وقعت فيها انا.كنت في مصيبة رجعت في زوج... كيفاه نجيب صغير هذا....واش نحكي للناس وقت يشوفو بطني.. واش ندير..لا لالا مصدقة مش مستوعبة... وقت قلت خلاص راح ننسى ونطوي صفحة هذيك رجعت لنقطة الصفر رجعت من البداية... حطيت يدي على بطني..كابسة على شفافي..سمعت صوت باب غرفتي يندق..رجع لوني شحب.. زوجة بابا والله ماراح تتركني فحالي... خويا اذا عرف مسكين وش يقول عليا كيف انا مش متقبلتها وهو يتقبلها كيف راح يتقبل خته فلحالة هذي...وقفت على رجليا نحاول نهدي روحي.. بللت رقبتي ووجهي ومشيت حليت لباب نلقاها هي ... دزتني ودخلت..._مانجوا: علاه مسكرة على روحك...رجعت شافت فيا...واش بيه وجهك هاك ...  _أماي: مريضة شوي.._أماي:  وجدي روحك خارجين نشرو .._اماي: واش نشرو ووين.. نقصد سبب  _مانجوا: قاعدة تتمسخري..مش غدوة خطبتك ..ومنها نعملو فاتحة ونتهنو...سكتت ورجعت طرطقت بلبكا مقدرتش نزيد نتحمل كثر..لازمني حد نحكيله ولا والله نطرطق ..._مانجوا: شبيك يابنت اسمعي يا بنتي مالك حكيتلك حاجة غالطة....علش تبكي.._أماي: مانقدرش ..منقدرش نتزوج .._مانجوا: خير ثاني  متقدريش علاش..  _أماي:خاطرني مشي صبية...  شفتها كيفاه ضربت على صدرها وبدا صوتها يعلى.._مانجوا: سامعة روحك واش قاعدة تحكي..ولا حابة تتهربي ملخطبة..._أماي: راجل لي جى لمرة لي فاتت... مشيت انا لعنده .._مانجوا:انتي فراسك وش تحكي كيف وش صرا... _أماي :مش كان  لازمنا مبلغ 10 ملاين... _مانجوا: قصدك 10 ملاين لي طلبهم رايوان .._أماي: ايه ..مشيت لوحد لكازينوه ...يقمرو فيه  _مانجوا: هبلتي وواش صرا... أماي:لي صرا انوا عطيته جسدي  مقابل انو يمدلي 10 ملاين...شفتها تركزت على لحيط مسكينة وجها صفر... ممكن هذا آخر شي ستنت تسمعه مني.._مانجوا:  هو قبل ! _أماي :ايه قبل..._مانجوا : وينه...شوفي ممكن يتزوجك ولا.. لازم حل
اشكي بيه  _أماي: كيف نشكي..راني بالغة وزيد 28سنة... عملت شي هذا برضايتي مانقدرش نشكي الراجل هذاك صعيب نتدفن قبل مانوصل نشكي بيه ...  _مانجوا: وواش لحل  _أماي: كنت راح نلقى حل نحكي "ليوسانغ"...كنت راح نقبل نبقى وحدي طول عمري ... بصح..._مانجوا: كملي بصح ؟؟ _أماي: راني حامل 😣😢
يتبع في الحلقة القادمة 💜