#عشق_بالقمار 🔥❤️🫰🔕💯
الحلقة 24
ليلة لبارح كانت طويلة عليه ... لا غمض عيونوا ولا غمضله جفن .. بقى يفكر فلي صرا ..مش فاهم سبب لي خلاه يطلب منها هكاك ولا علاه لجأ لأسلوب تهديد باش تبقى معاه.... علاه هي بالذاات يحب معاها المزيد ... علاه كل ما تجي في طريقه يرجع حاب عليها كيما اول مرة ... واقف تحت لما وكل قطرة تنزل تتغلغل في جسده ... عدى يده على وجهه يمسح فلماء.... ورجع ركز يديه مع لحيط ... مول سيارة هذاك كان راح يموت قبلت ولا لا ... مش عارف كيف ماخممش انو لكارت هذيك تكون طاحت عندها ... ومش عارف كيف مقتلهاش مع انو هي اول وحدة لازم يقتلها ... ولي فهمه انو ماعرفت شي منها ... خدمتهم سرية واذا طاحت لكارت هذيك في يد حد يستغلوها بطريقة مشي مليحة وجاب ربي طاحت عندها هي ... جاب ربي قدرو يعرفوه من كاميرات المراقبة لي كانت في حيهم ... اما مزال مش عارف اذا كاين حد ثاني شافها ... جبد لمنشفه حطها على روحه وخرج ... حل لخزانه وحط ثيابه على جهة ... سمع صوت تليفونه يصوني مشى هزه نفخ وعلق عليها وحطه على جنب شي باقي تعيط وتعاود ...
_شوقا: شوي ونعيطلك ...
_لونا: نستناك ... ماعندك وين تهرب مني ...
قلب عينيه وجاوبها ...
_شوقا: قلتلك نتصل بيك خلاص ... غلق عليها ورماه على سرير ... لبس ثيابه ووقف قدام لمرايا يعدل في كوستيمه ... هز لبرفان حط منها ورجعها لمكانها
هز مفتاح السيارة وغراضه وخرج .. نزل مع الدرج لتحت بلجنينة وقف حاط يديه فجيوبه ويتأمل فالسماء الجو صافي أما برد قاطعوا رجل من رجاله وقت اقترب منه تلفتله شوقا يحب يفهم وش كاين تكلم معاه
شوقا: نعم ؟!
ميسيوا المدام لي طلبت منا نتبعوها
_شوقا: وشبيها
_راحت مركز الشرطة صباح____ رجع يلعب ويصب بين شفافه عارف كي حط يتابعوها انو مراحش تقعد عاقلة وراح تدخل نفسها ف مصايب اكبر منها لي تخليه في كل مرة يتلاقا بيها
___فمركز_الشرطة🔥
_وين صرات جريمة القتل وكيف صرات ... ممكن توضحي كلامك مدام ...
_أماي: نسيت... مش عارفة... لازم نمشي ...
_مدام متقدريش تمشي غير هاك تكلمتي كملي كلامك
_أماي: قتلك غلطت ... اصلا مكانش حد قتل حد.... انا مريضة مرات نتخيل حاجات مكانش منهم ...
على قد ما الح عليها شرطي هذاك ... ماحبتش تحكي شي ... هزت روحها وخرجت ... وقت وصلت عند لباب رجعت تزرب في خطواتها ... قطعت طريق للجهة ثانية ..وكبست على حقيبتهاا ترد فلنفس ... شوي وحبست أمامها سيارة كحلة كبيرة... بقات تخزرلها ووقت لقات راجل نزل وجاي جيهتها تراجعت باش تهرب كبس عليها وسكرلها فمها ودخلها ورا سكر لباب ومشى ركب من للأمام ... هزت عينيها جيهة لباب تحل فيه ... (#التكملة_1)
أدارت راسها لقاته هو (شوقا) ترعبت فمكانها
جالس مقابلها هاز تليفونه ومركز معاه..
بلعت ريقها وشافت فيه تحاول تجمع كلامها ... تحاول تحكي حاجة ...
_أماي: علاه انا هنا ...
_بقى ساكت مركز مع تليفونه... بلعت ريقها وحطت يدها على بطنها تحس بمغص صغير ...
_أماي: وين تاخذني وقف السيارة ...
_هبط تليفونه سكره حطه في جيبه ... وهز كاسه ترشف منه شوي ...وضيق عينيه فيها ...
_شوقا: سبب لي يخليك تجي هنا ...
_أماي: وين ماشي بيا ...خليني نمشي في طريقي وين ماخذني...
ركز وجهه على يديه زوج وبقى مركز معاها ...
_شوقا: ترجيني ...
_أماي: واش ...
_شوقا: تحبي تمشي_ ترجيني نسمحلك تمشي ...
_أماي: ع اغلب مريض انت ...
_شوقا: نتي حره تحبي تمشي ترجيني نخليك تمشي ...
سكرت عينيها تهدي في روحها ...
ورجعت تنهدت ...
_أماي: خليني نمشي ...
_ بستهزاء حاولت يستفزها أكثر
_شوقا: مش هاك كلامك مش ليِّن..
_أماي: خليني نمشي ...تحكي وتلز على كلامها ...
_شوقا: هذا مش كلام وحدة تترجى.. نبرتك حادة حننيها شوي ...
_أماي: كلب ...
_شوقا: وقحة ...
_أماي: خليني نمشي ...
_شوقا: عطيتك لحل انا نتي معندة ...
قحرتله ورجعت دورت راسها حلت لباب ... ضيق عينيه فيها ...
_أماي: توقف سيارة ولا نرمي نفسي ...
هز حاجبه لفوق ..
_أماي: اوكي فهمت ...
قربت جيهة لباب وحلاته على وسعه راح ترمي روحها ... وقت حست بيه وراها جبدها لعنده كبس عليها وسكر لباب ..
(#التكملة_2) عشق بالقمار
جبدها لعنده غل باب سيارة ورجع كبس عليها... ظهرها على صدره وخشمه قريب من شعرها ... بقات جامدة هكاك تستنى فيه يبعد عليها ... اما لحظة هذيك طولت وبقاو على هذاك لوضع ... تحس في قلبها بدا يضرب ... وصوت انفاسها بدا يعلى ... حطت يدها على يده حابة تفك روحها ... شي حساته كابس عليها كثر ... قوتها ماعادتش تكفيها لشي هذا كامل خلاص تعبت ... تعبت تلعب معاه كل مرة لعبة القط والفار ... كرهت في كل مرة تخرج لخاسرة .. كلام زوجة أبوها صح.... شجاعتها مشي كافية باش تواجهه ولا توقف في وجهه ... كان لازم تبقى بعيدة بلاما تخمم تنتقم منه .... وهو حس عليها انو ستسلمت ومش قاعدة تقاوم ... جبد يديه منها وحطهم على كتافها دورها جيهته يحكي ...
_شوقا: تزوجيني ...
_طلعت عينيها فيه معبيين دموع ... وبقات تخزرله ...
_شوقا: مش الولد ولدي تزوجيني ...
_نزلو دموعها وهزتله راسها بلا مش قابلة ...
_شوقا: خايفة ...
هزتله راسها ب ايه وكملت تبكي وتحكي ...
_أماي: خايفة من ناس لكل ... نحب نرتاح خليني نمشي ...
_بقى ساكت يشوف فيها ... مش عارف واش يحكي ... اصلا مش عارف كيف عرض عليها زواج وين عنده شكون في حياته ومربوط بيها ... بعد روحه منها وقعد فلجهة ثانية يشوف برا شباك ...وهي مسحت دمعتها وقعدت ساكته ... طريق كاملة حتى حد منهم ماحكى حتى وصلو وقفت سيارة.
_شوقا: نزلي ...
تلفتت جيهته ورجعت شافت لبرااا تلقى روحها صح في زقاقهم وين عايشين ...
_حطت يدها على لباب تنهدت وحلاته نزلت ... مشات جيهة عمارة لي عايشين فيها ووقفت لتم ... "يوسانغ كان نزل فلدقيقة هذيك قرب منها يحكي ...
_يوسانغ: اماي ..خير .. علاه وجهك هاك كنتي تبكي ...
عملتله براسها ب ايه ... قرب منها حط يده على جبهتها يتفقد في حرارتها ...
شوقا فالوقت هذا مزال ممشاش بسيارته كان باقي يتبع فيهم بعينيه ... مركز وحط صبعه تحت شفافه يعدي فيه ...
أنت تقرأ
عشق بالقمار #شوقا_مين_يونغي #أماي_گارن
Misterio / Suspensoلا أدري كيف سأرتدي ثوب الحقارة هذا لكني سأفعل الحقيقة الحياة عادلة بكونها غير عادلة مع الكل لم تكن عادلة معي أبدا وأنتظر ان تكون غير عادلة مع الآخرين كما فعلت معي بنفس تلك القسوة . لقد خضت الكثير من المواقف و المتاعب لوحدي من يسمعك من يقف معك...
