عشق بالقمار #شوقا_مين_يونغي #أماي_گارن

🫶الحلقة19🫶

عشق بالقمار🔥🔥
الحلقة 19 _nes_suga93
مشات جيهته تحاول تظهر انو مش خايفة... عارفة ومتأكدة أنو متذگرها أما جالس  يمثل عليها..آخر مرة قالهالها ماعادش تخرجي في طريقي..أماطريقها وطريقه تلاقو ...تلاقو في نقطة حساسة لمرة هذي  لانو مش وحدها  المرة هذي  هازة ولده ومهما يكون لازم يتقبله... مالازمش يهرب من مسؤوليته..هي غلطت صح ومشات برضايتها لا هو ضربها ع راسها  حتى تنام معاه.. اما لولد ولده ..لازم يعرف.. وبعدها تشوف رايه فلموضوع.. مشات جيهته حتى تقلصت المسافه بينهم... هزت عينيها فيه .. تاعبة وجها صفر... أزرق عيونها تغير م كثر التعب رجع قاتم من كثرية الحزن ولهم لي هازاته... حتى هو لاحظ شي هذا وهو يخزر فيها (ههه انساو شوقا يتكلم ويقولهالها  ميحكيش  🤫🤭) عينيه حامو على كامل وجها وهو يستنى فيها تحكي..._شوقا: واش جابك...  _أماي: يعني مزالك متذكرني...ليلة هذيك ولفلاشة ... متذكر كامل هذو صح..  _شوقا: مش قتلك آخر مرة ماتخرجيش في طريقي ..._تنهدت وقت عرفت انو صح متذكرها ... على الاقل هاك عندها فرصة في انو تقنعه ...  أماي : انا حامل ...بقات تشوف فيه تحاول تقرا ملامح وجهه  تقرا تعابيره واش راح تكون ردة فعله ... اما صدمها وقت حكى ...  _شوقا: مبروك ..  رمى لكلمة هذي ومشى وخلاها داخل لقصروا...  بقات واقفة تعاود في كلمته هذيك داخل راسها ... بعدها فاقت على وضعها انو راجل مشى ...لحقاته تجري حتى قربت منه.. حطت يدها في يده وقفاته ...نزل راسه جيهة يدها يشوف معاها كيفاش كابسة عليه ورجع طلع راسه جيهتها ...  _شوقا: واش تعملي.  كأنو تجاوزتي حدودك ... ماتلمسينيش بما أنو ماأذنتلكش.. رمى يدها بعيد وضيق حواجبه يحكي ..._شوقا: قتلك موتي ولا نتحري وماتجينيش... اصلا كيف ممكن نصدق انو طفل هذاك طفلي وميكونش من غيري ..شوفي للي لمسك ورايا ممكن هزيتي منه ...  نارها شعلت وين كانت تحكي معاه بلهداوة شعلت فيه ..._أُماي: انا لي عملت هاك ... شكون بسبابه راني حاملة مشي نتا قول... مش نتا لي نسيت لواقي ...ذنب ذنبك نتا تتحملو ...انا خليتك تمسني مشي تحط ولدك عندي .._هز حاجبه لفوق يحاول يحلل كلامها يحاول يدخله في راسه كأنو مش فاهم وقت تحكي واش تقول ..._أماي: لي عندي قلته ... اصلا انا لخاسرة في هذا كامل .. ورايون 10 ملاين خذيتهم نت بلاما تعطيهملو .. _شوقا: من نهار هذاك ماقربش منك ولا من عايلتك ونتي هذا لي يهمك ... _أماي: لا انا مديتلك روحي باطل ... (#التكملة_1) _شوقا: علاه حابة تكون قيمة لي صرا 10 ملاين ... _بقات ساكتة تحاول تفهم واش يقصد بكلامه هذا ...واش معنتها حابة تكون قيمة لي صرا 10 ملاين ...  _أماي: واش تقصد ..._قرب منها كثر حتى رجع وجهه قريب يلامس وجها... وكمل يحكي...  _شوقا: حتى ويكون ولدي احسن شي تخليه بعيد عليا.. رمالها لكلمة هذي وعطاها بظهره ومشى للداخل ... وخلاها وراه وسط تيار من الافكار ... ضايعة تحاول تلم روحها وتلقى حل لعمرها وللي في بطنها...Nes_suga93  🌹
أماي تحكي ... تعدى اسبوع على آخر مرة شفته فيها من وقتها رجعت للدار سكرت على روحي... نحس في روحي مكتأبة ومشي خابة نشوف ضو برا ..كل صباح نوض نفرغ ونرجع لبلاصتي ..رجع هذا روتيني ليومي من سمانة ...طاح ليل ومزال عينيا ماتسكروش... لفكرة باقي في راسي ..من صباح وقت فتحت عينيا وانا نخمم واش ندير ... واش شي لي يوصلني ليه ... كيفاه نقعه يصدق كلامي ...تنهدت ورجعت رميت لغطا من فوقي ... اذا لازم نلقاه لازم نمشي للبلاصة لي لقيته فيها اول مرة ...  مشيت غسلت وجهي وعدلت روحي.. لبست اقصر شي عندي ومكيجت ومشطت شعري ...هزيت لبرفان حطيت رشات منها وهزيت صاكي وحليت باب لغرفة نتاعي بشوي ...النور نتاع البيت طافي ... الحمد لله راقدين مش راح يحسو عليا... مشيت بشوي حتى وصلت للباب شديت لمفتاح دورته فلباب وخرجت حبة حبة... حتى نزلت للتحت تنهدت وانا نشوف مع الحي.. واش قاعدة ندير في روحي ... وين راح نوصل ... قاعدة نغلط ونغلط ... ومع كل غلطة نغرق كثر.. مشيت حفيانة هازة لكعب نتاعي في يديا حتى خرجت من الحي وقفت تحت عمود الانارة نستنى في شي طاكسي تفوت ونركبها ... شفت مع لوقت نلقاها 10 نتاع ليل وبحكم لخريف تلقى لكل دخلةبكري لداره ... تنهدت وحطيت راسي على لعمود نخزر للظلام داير بيا ... فقت من سرحتي على طاكسي لي وقف قدامي... لبست لكعب في رجليا وتنهدت ... مشيت ركبت ورا وبقيت سارحة جيهة شباك ...طريق كاملة وانا كل ما نهز عينيا نلقاه يخزرلي ... حسيته عارف انا واش هازة .. عارف قصتي ووين رايحة.. كانو اصابع الاتهام لكل موجه ليا ... شي هذا خنقني ... وقفني عند لكازينوه هذاك بلضبط ... مديتله دراهمه ووقفت قدام لباب ..
(#التكملة_2)
قربت منهم وماخموش مريتين ودخلوني ... كل خطوة نعملها داخل تذكرني بليلة هذيك وقت جيت هنا ... كنت حاطة في بالي هذيك غلطة وماراحش تتكرر اما هاني جاية لهنا للمرة ثانية ... سكرت عينيا ورجعت حليتهم ... صوت لموسيقى عالي ..ريحة دخان مالية لمكان كلوا.. مشيت جيهة لبنات كيف لمرة لي فاتت ... نزعت مونتويا وقعدت ... عينيا يحومو على لكل نحوس عليه... نستنى وقتاش تجي عيني عليه ونحكي واش عندي ... وصلت ليلة لنصها وهو مزال ماجاش حتى بديت نفقد في امل انو يجي ...اما وين عنده يهرب.. حتى ظاهر كل ليلة ساهر هنا ...جات عيني عليه داخل من باب ... بقيت نشوف فيه من فوق للتحت ... لبسته ومشيته نكذب كان نقول راجل مشي كاريزما وشخصية.. يسلب العقل حطيت يدي على بطني...ورجعت تنهدت...واش من قدر جابني هنا ...واش راح يصرا ...طلعت راسي مالقيتهش ... كبست على شفافي نحوس عليه شي تقول تبخر ... هزيت روحي وقفت ونزلت للتحت ... دخلت بينهم نمشي وسط طاولات نحوس عليه لازم نلقاه..ولا جيتي هنا تكون بلا فايدة ...حسيت بيد كبست عليا ... حد جبدني لعنده حتى ضرب ظهري في صدره... ويديه بداو يتلمسو فيا...
(#التكملة_3)
تلفت نلقاه واحد سكران... بديت نملص في روحي منه شي ... كابس عليا مش حاب يطلقني ... عينيا تعبو بدموع وأنو يصرالي نفس السيناريوا لي صرا ف ليلة هذيك خوفني أكثر.. واش درت في عمري انا..كيف جيت هنا...  _اطلقها ...  دورت عينيا نحوس على صوت هذا مين جاي ... اول ماجات عينيي في عينه فرحت.. بقيت نترجى فيه بعينيا يعاوني ...وثاني باقي كابس عليها... نشوف فيه كيفاه قرب وجبدني من عنده حتى ضرب صدري مع صدره من قوة لي جبدني .. _شوقا: راهي معايا..  جى ثاني يحكي عمل شوقا اشارة بيده للرجال هزوه من قدامه ...  بقيت انا واقفة جامدة قدامه ...قلبي رجع يضرب بطريقة غريبة لاول مرة كون مش صوت لموسيقى كانو سمعوه الكل...حسيت بيده وقت شدت يدي وكركرني وراه طلع بيا لفوق ...نمشي وراه  بلا حتى مانتكلم شي ... حل باب لغرفة دخلني وسكر لباب ورجع تركز عليه يخزرلي من لفوق للتحت ..._شوقا: واش جابك... مش قتلك ماعادش تخرجي في طريقي ... وقصة الحمل متعاوديهاش مش داخلة عقلي ... اصلا كيف نصدقك ونتي جاية هنا ...وفوقها قاعدة تلحقي فيا ولا وش ... _أماي: والله حامل منك...لا مسني حد غيرك ...خلي نعملو تحليل نعملو لي تحب باش تتاكد مش كي لمستني لقيتني عذراء  ... _شفته سكت يشوف معايا ورجع قرب مني حتى ماعادتش مسافة بينا... هز يده عداها على شعري ورجعه ورا ..._شوقا:  الزينة هذي الكل سببها ؟؟ بلعت ريقي . معرفتش وش نقول ... _أماي: اذا جيت بمظهر عادي مايسمحوليش ندخل ... _شوقا: واش حابة مني ..._ بلعت ريقي خايفة نقوله لي في راسي ... يقتلني في بلاصتي.. _شوقا: موافق .. _أماي: مفهمتش ..على واش موافق ..._شوقا: نتزوجك ونقبل طفل .._حسيت بفرحة وجهي رجع ضحك... كنت راح نحكي وقت وقفني يحكي ...  _شوقا: اذا خوك عملتي على جاله هكاك ...واش راح تعملي على جال لي في بطنك _بقيت ساكتة نخزرله ...واش يقصد  حاب يساومني بحاجة ولا واش .. كنت راح ننفي كلامه وقت حكى هو وكمل على مابيا ..._أماي:  واش تقصد واش تحب ... _شوقا: نحب عليك ليلة ثانية هنا معايا  🔥🔥
Nes_suga93 .