عشق بالقمار #شوقا_مين_يونغي #أماي_گارن

🫶الحلقة السادسة 🫶

عشق بالقمار🔥🔥
الحلقة السادسة 🔥📛💯
  ضوء الشمس مطل ع غرفته وضارب فيه  حل عينيه  بعد ما كان مرتاح أما طول الليل مجاهش النوم وهو يخمم  كفاش راح يلقا البنت  ويلقا  فلاش لي كانت فلكوستيم
اذا طاحت في يد كاش شخص  راح يروح فيها... ومن حظوا البايخ  هزتها و مشات بيها  وحدة ميعرفهاش ... أتصل  مع رجاله يحوسوا عليها ويجبدوها من تحت لرض.. الأشياء لي ف الفلاش قادرة تدمره  ...هز روحه  غسل وجهه ولبس ثياب الخدمة ...ونزل
ماسك تليفون في يده  واتصل
#شوقا : هلاو اسمعني راح تجي عندكم بنت ومعاها شاك بقيمة 10 ملاين .. خلوها معاكم وياويلكم تهرب منكم ..(ذكائه وسرعة البديهة عندوا مش معقولة  عارف وفاهم خطوات الناس كفاش راح تكون step by step) غلق الاتصال ونزل يتناول فطوره .. قدموله الفطور وباقي ياكل بهدوء وبرود وكأنوا مش صاير شي .... في الجهة الثانية شخص  ثاني في بلاصته كان نار شاعلة وسطه ... خاطر شي لي فلفلاش ممكن يوصله لحبل المشنقة ...كمل ومشى خرج يتمشى فلجنينة نتاع لفيلا ... 
فلوقت هذاك كانت  #أُماي وصلت قدام لبنك لي راح تخرج منه المال ... مدت لسائق الطاكسي حقه ونزلت  تجري .. الوقت ضيق وهي مقلقة  استنت توصل  دالتها  ولين وصلت دالتها مدتلهم هويتها وشاك هذاك ... شده لي يخدم لتم تحقق منه وشاف فيها ... وهز تليفون يحكي ... حست بتوتر مش طبيعي و قلبها مش مهنيها  ... كأنو صاير شي مشكل .. بقات تستنى وتفرك  في أصابعها مع بعض .. شوي وجاها شخص  من الامن ...  _مدام تفضلي معايا ...  وجها صار أصفر  من الخلعة مش وقتو جملة  وعرفت بلي الحكاية ترجع ل شوقا أكيد هو مشتكي عليها .....  كل تفكيرها فالمبلغ اذا مامدولهاش دراهم تخسر خوها ...  _أُماي:  استنوا وين ماخذيني  ...  _ماتخافيش تفضلي معانا منا ...  _أماي: دقيقة نهز دراهمي ونجي معاك  مش راح نهرب ..  رجع هذاك لي هز شاك وهويتها قعد ..  تلفتتله تحكي ...  _أماي: وين دراهمي ...  _مدام قتلك تفضلي معايا بلا مشاكل ...  شدها من ذراعها وهي تحاول تفك روحها منه ...  _أُماي : وين ماشي بيا ... سيبني  وجعتني ...  نزل بيها للتحت دخلها لوحد لغرفة وسكر لباب عليها وخرج .. قبل ماتلحقه كان لباب تسكر رجعت تعيط وتضرب فيه حابة تخرج ...  _أماي : حلو عليا  لباب بلييز... ماعنديش وقت  ... رجاااااءا  حلو عليا دموعها يسيلوا أما حد ما راه سامعها ... طاحت ع الأرض تبكي بالصوت... حست روحها صاي ضعفت وخسرت كل شي شرفها لي ضاع او مبلغ لي زاد ضاع منها . مش عارفة وش تعمل الموضوع فيه خوها...ومجرد ما تتفكر كلام  المافياا  رايون  تحب تهبل ...مش مستوعبة انو يأذوه او يقتلوه حتى.... رجل  الامن هو تلفون واتصل بشوقا   يحكي ..._راهي عندنا موجودة فالمستودع التحت تقدر تتفضل .
  _ شوقا :  اوكي  لاحق . .... عمل اشارة  لواحد من رجاله يجهزله سيارة  بش يمشي  ..nes_suga93