عشق بالقمار #شوقا_مين_يونغي #أماي_گارن

🫶الحلقة18🫶

عشق_بالقمار 🔥
الحلقة 18. ...      nes_suga93🌹🌹🌹 
أماي تحكي ..نشوف فيها كيف مسگت راسها بين يديها .. صدمة ظاهرة على وجها ..أصلا حتى انا مزال مافقتش من صدمتي ...قعدت على طرف سرير ونزلت دمعتي على خدي ...نحاول نكتم لغصة لي داخلي أما حاسة بنار داخلي... نحس فلغرفة غير تضياق عليا... كانو هواء لي فيها مش كافيني حتى نتنفس ...  _مانجوا: واش من عقل عندك...واش درتي في روحك ...هزيت راسي فيها نحس فلنار شاعلة فجسمي باقي تسأل فيا وهي عارفة كل شي ... _أماي: انتي عارفة السبب   وش ممكن نعمل هل كان عندنا وقت  تكلمي ؟ كون ماعملتش هاك منجيبش المبلغ....كون ماعملتش هاك ولدك كان راح يموت افهمي ...واش ذنبي انا... _شفتها كيف سكتت وقربت مني تحاول تهديني ...رتميت في حضنها نبكي بالصوت...حسيت بيدها  ع ظهري تحاول تهديني.. اما لحمل لي على كتافي هذا لمرة ثقيل  ومهما واستني محال يتنحى ..كاين روح داخلي..روح تكبر كيف نعيش مع لواقع هذا ... هزتني حطتني على سرير ومسحت على وجهي تحاول تهديني .. _مانجوا: راح نلقو حل ماتخميش لحل كاين اكيد ... _أماي: مكانش حل مش موجود .. على شهر بطني يبدا يظهر... كيف نحل هذا شي... _مانجوا: اتكلمي معاه.. اكيد وقت يعرف يقبل ...  _أماي:  لا ..حكينا فيه هذا لموضوع هذاك ليوم .. قالي اقتلي روحك وماتجينيش  _مانجوا: مالا لحل لي يبقالك هو تجهضيه  _جبدت يدي منها وشفت معاها بشط عين... واش ذنبه قولي ... انا لغالطة وزيد نظلمه ...غلطتي انا كيف  نقتل روح .. _أماي: مستحيل كل شي الا اني نجهضه ..يعني حابتني نصحح لغلطة بغلطة ثانية ..._مانجوا: هبلتي أنتي عارفة ..انتي مخطوبة حابة تمشي تتزوجي ونتي هازة صغير من واحد ثاني .._أماي: : مين قال راح نتزوج اصلا ...نحيت لفكرة من راسي من اساسها.. كنت راح نصارحه بانو مانيش طفلة وكاين شكون لمسني.. بصح انو نكون حامل هذي لا ...  _مانجوا: راح تقضي على حياتك هاك ... افهمي انتي ماتشوفينيش امك...صح انا زوجة باباك ... اما نخاف عليك وعلى مصلحتك ...انا لي ربيتك من وقت كان عندك 8 سنين ..صح كنتي بعيدة عليا وماعطيتكش لحنان لكل لي تحتاجيه اما وقت كنتي تمرضي نسهر ليل عند راسك...وقت كنتي تتوجعي من حاجة ولا بنات الجيران يضربوك نخرج ونعمل حرب ... صح ماشديتش يدك وقتلك حكيلي وفرغيلي قلبك بصح حاطة في بالي انو عندي زوج ولاد .. ووقت توفى بوك انا عرفت انو مسؤوليتي زادت وعندي نتوما زوج ... كون عرفت انو مقابل حياة خوك راح تتخلي على روحك وشرفك عمري كنت نخليك تعملي شي هذا ... #أماي: بقيت ساكتة نسمعلها مركزة مع كل كلمة تحكي فيها ورجعو دموعي يطيحو اما لمرة هذي بحرارة ...  كبست على يدها نحاول نستمد قوتي منها ...نحاول مانضعفش نحاول نلقى حل وسط لخراب هذا كامل ...وسط لحطام لي في حياتي نحوس على لجزء لمليح ..حطت يدها على شعري تعدي فيها ورجعت تحكي بصرامة ...عكس دقايق لي كانت تحكي فيهم قبل ..._مانجوا: راح تفرحي كيما اي مرأة غيرك ...راح تتزوجي وتربي ولدك ...هزيت راسي فيها نسقسي فيها بعيوني كيف ممكن  يتصلح الشي هذا...  _مانجوا: راح تتزوجي يوسانغ ...  _أماي: كيف .. ماخلتنيش نكمل كلامي وكبست على يدي ... _مانجوا: راح تتزوجي بيه قبل مايظهر بطنك.... وبعدها خلي لحمل طبيعي على اساس منو ... وهاك تكوني نقذتي روحك وروح ولدك .. #nes_suga93
سكرت عيونها تحاول تتنفس ... تسترجع نفسها خاطر كل شي تسكر في وجها... وقفت على رجليها تحكي مع زوجة  باباها ...  _أماي: نتي هبلتي على الأغلب.. نكذب على راجل ...نكتب اسم ولدي على اسم راجل ماعنده ذنب ....حاطتني قليلة اصل ونخمم في مصلحتي... حابتني نعيش بلحمل هذا طول حياتي ...  _مانجوا: مالا طيحي صغير ماعندكش حل من غيرو ...يا تحكي مع باباه الحقيقي وتقنعيه يتزوجك ويكتب صغير على اسمه يا تمشي طيحيه ...وشي هذا يرجع ليك ولقرار ليك ...  خرجت وجبدت لباب وراها ..
أماي رجعت طاحت على سرير تشوف مع لرض ... وجها شاحب وعينيها حمر من لبكا ...جسمها بلكامل يرعش ... مش عارفة واش راح يكون لحل للمصيبة هذي ...عندها حلين كيما قالت مرت بوها وماتقدرش تهرب منهم يا تواجه #شوقا  يا تجهض الصغير ... ولحل ثاني بعيد مل لبعد على تخمامها مالا يبقالها حل واحد وهو انو تحكي معاه ...
nes_suga93  أماي تحكي ... غسلت وجهي مسحت دموعي ووقت امام لمرايا نشوف مع روحي...هزيت قميصي وبقيت نتفرج مع بطني... حطيت يدي عليها نعدي فيها ...احساس غريب وجديد ... احساس كأنو طاقة كبيرة قاعدة تتسلل داخلي... مش عارفة واش من قوة حسيت بيها لوقت هذاك ...أما شعور شجعني اني نعمل لي في راسي... مشطت شعري طلعته لفوق ...لبست سروال وقميص وحطيت مونتويا..خذيت حقيبتي تفقدت لكارت لي فيه... ممكن ربي مدلي اشارة هذاك ليوم للنهار هذا... مزية مارميتهاش ...رجعتها للحقيبة وخرجت وقت سمعت صوتي و انا خارجة  خرجت من المطبخ تحكي ...  _مانجوا: وين رايحة ... هزيت حذائي نلبس فيه ونحكي .. _أماي: مش قلتيلي لقي حل من زوج ... هاني ماشية نلقى لحل ...  _مانجوا: واش من حل خيرتي ...  شفت فيها ونفخت ...  _أماي: راح نروح عند الشخص  لي بسبته راني فلحالة هذي ...  _مانجوا: احسن ماعملتي ...نستنى فيك تعيطيلي ...هزيتلها راسي وخرجت من لباب نازلة مع دروج ومع كل درجة نلعن فيه بين شفافي ...كون مغلطش هو ومنساش الشي لي لازم يكون فعلاقتنا  كون مارانيش فلحالة هذي ...حقير .. خرجت برا الحي نبحث على طاكسي نمشي معاه يوصلني لعنده  بقيت دقائق نستنى حتى جا واحد.. ركبت معاه ومديتله لكارت ..._أماي: وصلني للعنوان هذا ...  شفته شاف مع لكارت مليح ورجع شاف فيااا  _من وين جبتي لكارت هذي مدام ...  _أماي: واش قصدك من وين جبتها ... وصلني للعنوان وخلاص ...  _من وين تعرفي راجل هذا .. _أماي: نعرفه وخلاص.. انت واش دخلك اخدم خدمتك وبس...  _مدام تقدري تنزلي من فضلك ...  _اماي: واش هذ الوقاحة ... ماعينكش تخدم علاه تركبني...  نفخت وحليت لباب نزلت وضربت لباب ...  _شفته كيف خرج راسه من شباك يحكي معايا ... _بنتي نصيحة ليك... خليك بعيدة على راجل هذا ... اذا ماتعرفيهش امشي سقسي عليه ...  رمى لكلمات هذو ومشى ... وخلاني واقفة جامدة في بلاصتي ندي ونجيب فافكاري...ونعاود في هدرته وندور فيها في راسي ... هزيت لكارت هذيك في يدي وبقيت نشوف معاها ...مزال مافهمتش واش هذي لكارت من وقت ماوقعت منوا وهزيتها انا  ماحوسش عليها .. واش معنتها ... رجعتها لجيبي وبقيت ندور نستنى في طاكسي آخر يجي يهزني ...🔥
  أماي تحكي:  بقيت رايحة جاية نستنى ووقت مالقيتش طاكسي ...مشيت على رجليا ... شديت لباص وخممت نمشي للبيت لي هزني ليها آخر مرة ... ممكن نلقاه تم ونحكي معاه... عديت يدي على شعري وركبت شديت طريق لتم ...اول مانزلت مشيت ربع ساعة باش وصلت للمنطقة لي هو ساكن فيها ... لمحت رجال وكلاب برا قلبي ضرب بسرعة لوهلة خفت انا وين جاية...لمرة لي فاتت دخلت وانا ندعي نخرج عايشة وليوم رجعت للمرة الثانية هازة معايا روح داخلي .. ممكن مانخرجوش للزوج عايشين من هنا..وقفت بعيدة وبقيت نخمم واش ندير...نمشي ولا رجع نواجهه ولا نهرب ... ساعة وانا لتم ضايعة ... مشكلتي كبيرة وحلها صعيب ...وراجل هذا مشي ساهل جبدت لكارت وبقيت نقلب فيها نحاول نفهم واش هو لغريب هنا ..طلعت راسي على صوت سيارة جاية من بعيد..ضيقت عينيا نتبع فيها وهو تقترب... كنت واقفة قريب من شجرة متركزة عليها لمحته من ورا شباك ... صورته بين عينيا ومستحيل ننساه...هو ايه نفس الشخص ..رحت نجري وخرجت في طريقه ... نشوف فيه كيف حل عينيه على وسعهم يحاول يوقف سيارته بدون ما يدهسني..صوت لكلاب ورجال يجرو جيهتي ...حليت عينيا مرعوبة .. حاوطوني بقيت وسطهم .. لكلاب ينبحو وسلاحهم موجه جيهتي ... عضيت شفتي ودورت عينيا نحوس عليه... معرفتش سبب لي يخليني في كل مرة نطيح في مشكل عينيا يحوسو عليه هو...سمعت صوت باب سيارة وقت تسكر ...طلعت راسي لقيته هو نزل ... نحس في قلبي يضرب اما مش بخوف ... يضرب براحة ... عينيا عليه ... عينه جات فيا.. ضيق حواجبه كانو حاب يفهم انا واش ندير هنا ...اما كلامه صدمني وقت حكى ..  _شوقا مين يونغي :  مين نتي ..حسيت كانو شخص عطاني كف ..دنيا حسيتها ضباب  امامي ... آخر شي توقعته انو ينساني... سكرت عينيا ...نحكي مع روحي ... #نتي_وحدة_من_مية ..يعرف لعشرات كيف مشافني اول مرة مثلي كيف يتذكرني.. نتي قضيتي ليلة معاه كيما اي وحدة واش تستني منه يحفظ كامل عشيقاته ...ممكن هذا أكثر موقف نصدمت فيه... كنت جاية نقنعه بصغير ...رجعت لازم نذكره بنفسي اول شي ... عوجت فمي وشفت فيه نتكلم بغل ...  _اماي: انا أماي كارن...  _شوقا: ايه  وش تعملي هنا ..وش تحتاجي ... _أماي: جاية نستفسر عليك وعلى احوالك ونذكرك تستخدم اللي لازم يستخدم فلياليك الحمرة (تقصد الواقي ااااع  🙆🫣 ) ...نشوف فيه كيف ملامح وجهه تبدلت كون ماجيتش نعرفه نقول كابس على ضحكة.. دور راسه مني ورجع عمل اشارة لرجاله ينسحبو من قدامي ... هوما مشاو وبقيت انا وهو مقابلين بعض ...🌹🌹
nes_suga93