عشق بالقمار #شوقا_مين_يونغي #أماي_گارن

🫶الحلقة السابعة🫶

عشق بالقمار🔥🔥
الحلقة السابعة 7 🔥📛
وصل للمكان المتجه ليه  نزل جيهة البنك ... أتصل مرة أخرى برجل الأمن  لي حكى معاه من شوي وصله قدام غرفة المستودع  أخذ منه مفتاح الغرفة و مشى ليها  ...
أدار #شوقا المفتاح فلباب ... وهي وقت سمعت صوت المفتاح والباب  تحركت بسرعة  تجري تشوف شكون  ورا الباب ... لغرفة كانت ظلام من غير نور طفيف داخل من نافذة صغيرة ... بقات تركز حتى تتعرف على الشخص لي دخل   تسكَّر لباب أما هي عينيها كلهم  على الشخص لي فلغرفة لمحتوا وهو  يشوف معاها ... رجعت ثبت  عينيها على وسعهم وقت عرفاته ...  _أماي :  هذا نتا ...  مردش عليها حتى .. _ أماي : ياكاذب  .. انت خبرت الشرطة عليا   وقلتلهم مايمدوليش دراهم صح ...  _شوقا:  لفلاشة وين راهي (كل هموا الان الفلاش) ..  _أماي: فلاش وش تحكي انت  مفهمتش ...
حط يده وراه وجبد سلاحه  وجهوا ليها وباقي يشوف فيها ...  _شوقا:  غراضي لي سرقتيهم لبارح وين ...  _أماي : انت وش تحكي وش تحكييي   رجعتني سراقة ياربي الصبر ...مسرقت شي ..  خليني نمشي ... راني نترجاك اعطيني  دراهم  لازم نمشي مبقاش وقتتتت  من غير ساعة ...  _هز سلاح في وجها يضغط  على أسنانهم بعصبية ...  _شوقا: مزال ماعملت شي وراني مطول بالي عليگ  ... لكوستيم لي هزيتيه لبارح وينه ...  _أماي:   لكوستيم   ايه ايه لكوستيم فدارنا  ف غرفتي خذيته لانو مكنتش لابسة  ساتر وقت خرجت من عندك مقدرتش نخرج بلباس مفضوح  نحشم وحتى  ومش عارفة وش فيه ولا عارفة ل فلاشة لي تحكي عليها ..  تبسم باستهزاء من كلامها ...  _شوقا : ههه  حشمتي ... 
شافت معاه بعين  ومش حابة تبرر اي شي  اصلا واش يحكي عنده لحق في اي شي راح يقولهلها ...  _أماي : لازم نمشي ..  _شوقا: واش يأكدلي انو صح ماشفتيش واش كان فلفلاشة ...  _أماي: واش راح يكون اصلا صدقني منعرفش حتى انو موجودة فلاشة .. معنديش كمبيوتر  أصلا.... فالوقت لي وصلت للدار حطيته ونمت.... نترجاك بربي خليني نمشي واعطني دراهم ...  دور راسه يحاول ميتوترش أكثر ... كلامها بدأ يستفزوا وهو على أعصابوا و أكره حاجة عنده يكرر كلامه... حط يده عليها وقرب منها و حصرها مع لحيط ...حاولت تبعد منه اما حاوطها بإيدوا الثانية ... وقرب من وذنها يحكي ...  _شوقا:  اكيد حابة تموتي  (بصوت مرتفع) شفتيه ولا ماشفتيهش راح تموتي ... احكي لفلاشة وين ..  نزلو دموعها مش هامها شي من غير خوها لي كل دقيقة تفوت تحس بالضيق على خوها ايضا  لوقت باقي يمشي ومش عارفة وين ولا كيف تهرب..
حطت ايدها على صدره ورماته بعيد بكل قوتها محاولة منها بش تهرب  جرات جيهة لباب ...  اما لحقها جبدها من شعرها ورماها ورا ... هز سلاحه في وجها ونزل لعندها ...  أخذ منها حقيبتها .. وهز تليفونها يشوف فيه ..ورجع كمل يحكي ...  _شوقا:  احكي مع حد من داركم ولا مانعرف يشوف اذا لفلاشة فلكوستيك باش نتأكد ...  هزتله راسها وشدت تلفون ... عيطت لمرت بوها ...حطت تليفون في وذنها وبقات تسمع فيه يصوني ...شوي وردت عليها..  _وين راكي يا بنت وييييينك خوك وينه جبتيه قوليلي جبتيه ــ اتكلمي وش صرا   _أماي:  راح نجو مبقاش ونجو  ... تحكي وتشوف في عينيه ...  سمعي داخل غرفتي راح تلاقي كوستيم ... شوفيه وشوفي فلاشة داخل جيب من جيوبه..  _ ردت عليها _ايه شفته صباح وقت نظفت غرفتك بعدما مشيتي ... من وين جبتيه  جارنا قالي يسوا بلاوي ... هز #شوقا حاجبه لفوق وهي لونها نخطف...  _أماي : علاه واش درتي بيه _ لقيت فيه ساعة تبان غالية  بعتها قلت ممكن نجيبو دراهم لي نحتاجوهم ونرجعو خوك ... ولكوستيم خذاه جارنا تشونغ _شوقا: ايه ولفلاشة وين ... _ماعرفتش واش هذيك  حاجة صغيرة رميتها ...  #أماي  نزلت  الهاتف  وحطت عينها في عينيه  جاهل دوار و وجها أصفر من التعب و الخوف ومش قادرة تزد تحكي كلمة
#nes_suga93