عشق بالقمار #شوقا_مين_يونغي #أماي_گارن

🫶20🫶

عشق_بالقمار 🔥🔥🔥 #nes_suga93🌹🌹🌹🌹 الحلقة 20
🌹🌹  أماي تحكي..كلمة مصدومة ماتقدرش توصف لي حسيت بيه ف دقيقة هذيك .. عينيا تعبو بدموع وحسيت بدني رتخف ..حسيت انو انا وحدة رخيصة...وحدة ماتسوى شي...حسيت انو رجعت لعبة بين يديه حتى وصل يساومني بشي هذا... طلعت عينيا فيه نحس بنار تغلي داخلي ... إبنه هذا إبنه كيف يقولي هاك...كيف يطلب مني حاجة هاك..خرج صوتي من شفافي مخنوق ... _أماي : علاه هاك ...علاه تفكر فيا بغلطتي ...علاه تطلب مني حاجة كيما هذي ...  _شوقا: انتي تقولي الصغير مني وحابة نتزوجو ونعطيه اسمي ... لقرار بيدك ...شديت راسي بين يديا حسيت لرض لعبت بيا ودوخة ...اصلا مش عارفة علاه لدوك واقفة على رجليا..حسيت بتعب حابة نرتاح حابة نسكر عينيا ونمشي لعالم ثاني وين ماكان حد يظلمني ولا يستغلني وين نلقى حضن امي وريحة امي.. رجعت بخطواتي ورا حتى ضربت فلسرير قعد على لحافة نتاعه وكبست على يديا ...نحس بوجع مش عادي..أسبوع كامل نقصت فأكلي.. ومزال ماشفتش دكتورة ولا شفت كيف صحة حملي  ... أهملت نفسي وبقيت مسكرة كل شي في وجهي ...ووقت قررت نخرج جيت لعنده ... مشيت لجهنم برجليا من جديد... لغلطة غلطتي انا واذا رجعت غلطتها نكون محيت أُماي من لحياة هذي ... حاجة داخلي نحس فيها قاعدة تمدلي فلقوة ...أنا مشي ضعيفة .. ماعندي علاه نخاف ...ووقت نصحح لغلطة مش لازم نرجع نكررها ونغلط من جديد ... طلعت راسي عليه واقف قريب مني .. شفت فيه بنظرة حسيته فهمها ...حتى اني شفت كيفاه تبدلو ملامح وجهه لاول مرة... شفت كيف حب يتكلم ورجع سكت ...هزيت روحي وقفت وتبسمت ونزلت دمعتي على خدي ... اما عينيا باقي في عينيه ...قربت منه حتى ماعادتش مسافة بينا ...هزيت يدي مسحت على خدي ...ورجعت نحكي بشوي بصوت واطي... مايسمعه غير هو ..._أماي:  نموووت  نمووووت ومانخليكش تحط يدك عليا... واذا على لصغير لي في كرشي مستعدة نحارب دنيا لكل واولهم نتا على جاله ...واذا حاط في بالك راح تقدر تستغل ضعفي وتشدني م اليد لي توجعني غالط كتير.. رفدت يديا ودزيته من صدره ... شفته كيفاه كبس يديه للزوج ودور راسه يحاول يهدي روحه... وشي هذا مخوفنيش بلعكس خلاني نزيد نقوى ونكمل لي في راسي ...  _أماي: راح يجي نهار تندم فيه... راح يجي نهار تتوجع وتعيش لي قاعدة نعيش فيه..ووقتها صدقني حتى شي ماراح يشفعلك على اغلاطك ... راح يجي نهار ونتفرج فيك ..راح يجي نهار ونشوفك فلبلاصة لي انا فيها ...هزيت يدي حطيتها على بطني ... _أماي: لا انا لا هو تسحتقنا ولا تستاهلنا... وكيما قلت انت احسن شي نبقو بعاد عليك بعد سما على لرض... (#التكملة_1)  نبقاو بعاد بعد السماء على الارض...هزيت حقيبتي ومشيت جيهة لباب ورجعت تلفت جبدت لكارت نتاعه ومشيت جيهته ...عينيه باقي مركزين معايا كانو يستنى فيا واش راح نحكي ولا نقول ...  هزيت يده شديتها وحطيت لكارت هذيك في يده وتلفت راح نمشي وقت حسيت بيده جبدتني لعندها قريب يكسرني... دزني مع لحيط وكبس على رقبتي قريب يخنقني ...  _شوقا: كيف كانت عندك هذي من وقتاش ...رجعت نحرك في راسي. نحاول نفلت روحي..  _شوقا: نتكلم معاك..وش دير هذي عندك من وين جبتيها وشكون شافها غيرك ... رجعت حطيت يدي على يديه نحاول نبعدهم عليا... رخفهم من على رقبتي اما باقي محاصرني ... مش فاهمة لواه تبدل هاك وواش قصده ... رجعت نكح ونرد فلنفس ... حطيت يدي على فمي ودورت عينيا نحوس على لحمام اذا كاين نمشي ندخل ...وقت لقيته ...نزلت من تحت يديه ومشيت جيهته نجري دخلت فتحت ع ماء وحطيت يدي تحتها نبلل في وجهي وصدري ورقبتي ... نحاول نرد نفس ...شفت مع وجهي فلمرايا معرفتش روحي.. هذي مش أنا مش أماي.. وين انا واش صاري فيا.. رجعت ورا حتى ضرب ظهري مع لحيط رجعو دموعي ينزلو من جديد وطحت مع لرض ...لقيته تقدم جيهتي ووقف عند راسي ... بقيت نبكي بصوت ... شوقا: شكون شاف هذي لكارت غيرك احكي ...أماي :  حتى حد ... _شوقا: تذكري ... ارجعي تذكري . اذا شافها حد ...  _اماي: خليني نمشي تاعبة ... حسيت بيده نحطت على راسي ... سكرت عينيا ...نحاول نهدي روحي...نزلو يديه على كتافي هزني وقفني يشوف معايا... جات عيني في عينه ... حسيته يحاول يصدق كلامي ...انو صح مكانش حد غيري شافها وانا دقيقة هذيك ماخممت غير في انو نخرج من هنا... ماعادش حابة تربطني علاقة بيه وحتى لي في بطني ... وقت قالي ابعدي عليا كان عنده لحق ... انا من عالم وهو من عالم ... حنا للزوج كيما لخطان لمتوازيان ...نمشو في طريق وحدة اما عمرنا نتلاقو ... عايشين في دنيا وحدا اما عمرنا نعيشو في بلاصة وحدة ...حطيت يدي نحاول نفلت منه ... بصعوبة قدرت نخرج ملحمام ونمشي للغرفة هذيك ... هزيت حقيبتي ومشيت جيهة لباب ... حليته وكنت راح نخرج وقت حسيت بيده جبدتني من جديد ... nes_suga98🌹
(#التكملة_2)🔥nes_suga93🔥
جبدها من يدها دخلها وسكر لباب بلمفتاح ...بقات واقفة تشوف فيه مفزوعة ... مسحت وجها بيديها وطلع صوتها مرعوب ..  _اماي: واش كاين خليني نخرج .. _شوقا: علاه كذبتي ... لكارت شافها واحد غيرك .. _اماي: واش فيها ... علاه خايف ... _شوقا: انا خايف !!  هههه .. تعرفي اني  قادر نمحيك من دنيا برمشة _اماي: امحيني واش تستنى...ممكن هاك نرتاح من همي ومنك ... _شوقا: لهذي درجة حياتك رخيصة وماتهمكش ..._أماي:: حياتي كانت عزيزة قبل ماتدخلها نتا ... _شوقا: مش انا لي جيتك نتي جيتي برجليك ..._أماي: وهذا لي مخليني نكره نفسي ونعيفها  _شوقا: علاه تعيفيها __بقات تشوف فيه تحاول تستوعب هذا الانسان كيف ..كل شي نحكيه يعكسه   _اماي: راح نبقو ليل بطوله نحكو هنا  _شوقا: كاين داري اذا تحبي نحكو فيها... ولا تحبي بلاصة اخرى مكانش مشكل..وحتى من الواقي كاين.._سكتت تشوف فيه ورجعت شعلت فيه _أماي: نتا من واش مصنوع واش حاسبني ..واش من دار وواش من واقي.. مانحتاجهش مادامني حامل  _شوقا: حتى و انا معاك مانحبش نستعملو ...أماي تحكي ... حطيت يدي على قلبي نحاول نهدي روحي اني مانبداش نعيط وننفاعل حتى نجن ..حاسة عروقي راح ينفجروا.. يعمل هك عن قصد ..يحب يستفزني  كنت راح نخرج وقت سمعت صوت جاي من ورا.. تلفت شفته هاز تليفون جيهتي..
(#التكملة_3) Nes_suga93
شفت معاه وركزت نلقاه فيديو واحد مكتف قربت منه كثر حتى وصلت ليه شديته من يده نحاول نتذكر لوجه هذا لشكون ..لحظات ووضاحت صورة ...كنت راح نحكي وقت سمعت صوت رصاصة خرجت ونحطت بين عينين راجل..طاح تليفون من يدي ورجع جسمي يرعش...رعب خوف حسيت بيه دقيقة هذيك ... طحت في لرض يديا يرجفو نحاول نهز تليفون... نحاول نتاكد انو صح راجل مول طاكسي مات.. نتاكد انهم قتلوه ... وقدرو يجبدوه في دقيقة كيفاه ووقتاه مش عارفة ... لي قدرت نستوعبه دقيقة هذيك....كلامه وقت قرب مني يحكي ..._شوقا: راجل مات بسبتك..واذا مشي حابة يموت حد ثاني تعرفي واش تعملي... وانا عند كلمتي نتزوجك...حطيت يديا على وذني مش حابة نسمع كلامه لي رجع يخنقني ... صوته وحده رجع يرعب ... حاولت نوقف على رجليا ونهرب منه من جديد ...نمشي فلخطوة بصعوبة ..كل شي تسكر في وجهي دقيقتها.. لكارت شافتها منيرة صحبتي..مادام مول طاكسي مات حتى هي يقدرو يوصلولها ...شكون هذا...واش يعمل.. كيف يقدر يتحكم في كل شي في دقيقة....شفته وقت مشى حلي لباب ورجع  _شوقا: وقت تخرجي ملباب هذا ماراحش يكون كاين رجوع... وراح تكوني مسؤولة على كل شي يصرا ... نمشي وانا نحاول نهرب منه... نمشي وكلامه يتعاود في راسي... اذا مات حد بسبتي كيف نعيش بذنب هذا.. مول طاكسي كان عنده عايلة وصغار انا سبابهم تيتمو ومرته ترملت... سكرت عينيا وحليتهم وقت وصلت لعتبة لباب...شفته عطاني بظهره ماشي تلفت نجري جيهته .. حطيت يدي في يديه...اول ماتلفت حط  شفافوا ع شفافي ..حط يده ورا راسي قربني ليه اكثر.. وحط يده على فستاني نزله .... يتبع في الحلقة القادمة