طلع فهد من المجلس ودخل المطبخ من غير ما يدق الباب وشاف وحده كانت لابسه فستان لين الركبه ومسويه شعرها ستريت وقاعده على الجوال وتاكل فراولة وقعد يتاملها وهي ماتدري
قامت ريوف تغسل يدها وانخرشت من شافت فهد حبيب القلب الي واقف عند الباب ومتصنم وتوترت ونطقت
ريـوف : خير ان شاء الله!
فهـد : ا اسف ماكنت ادري انك هنا
ريـوف : طيب شتبي ؟
فهـد : ولا شي
ريـوف : اجل ليه جاي ؟
فهـد : اقصد القهوه القهوه
مدت ريـوف له صحن القهوه والفناجيل
ريـوف : مره ثانيه لا تقعد واقف كذا دق الباب
وطلعت من المطبخ وهي تحس بفراشات بقلبها
دخل فيصل المطبخ وشاف فهـد واقف ويهوجس فيها وفي ملامحها الحلوه
فيصل : وشفيك واقف ودهم المجلس
فهـد : ها .. تمام
تقدم فهد يمشي للمجلس وهو مو عارف بنت مين الي شافها ووش اسمها وليه اول مره يشوفها
دخل المجلس وبدا يصب لهم
وكذلك دخل فيصل ومعه الحلا
نـواف : سيّاف تذكر هذاك الي رحنا تمايم ولده
سيَاف : اي الله يذكره بالخير
نـواف : توفى ولده
الكل : لا حول ولا قوة الا بالله الله يرحمه
سيّاف : الله يرحمه عاد ذا اول مولود له ضروري نروح نعزيه
الجـد : كلنا بنروح
نـواف : تمام على صلاة المغرب نروح له
عند الحريم
قعدو البنات بعد ماخلصوا تنظيف وترتيب
ميهـاف : اخ تعبت
غنـد : بموت تعب ابي انام
عنـود وهي حاطه راسها على رجل غنـد : اي والله تعبنا
ام سعود : بعدي بناتي سنعات
ميـلاف : بنات شرايكم نلعب
توق : انا باخذ قيلوله
هنـاي : خذي قيلولتك بغرفتي هنا ازعاج
تـوق : تم
طلعت توق من المجلس وتقدمت تروح غرفة هنـاي تنام فيها
دخلت ورمت نفسها على السرير ومامرت دقايق الا وهي غرقانه بالنوم
عند البنات
وتيـن : جـده نبي ناخـذ شاليه يوم الخميس الجاي
غنـد : منجد ياجـده تكفين وننام فيها ليوم الجمعه ونتغدى هناك
سجـى : فكره والله تكفين ياجـده
الجـده : موافقه بس خل نشوف عيالي وجدكم
ام سيّاف : بيوافقون اكيد منها نغير جو
ام سعود : اي والله فكره حلوه واحنا بنحاول فيهم
ريـوف : بناااات شفتوا غلا الي شفناها بالعزيمه وبغينا نتهاوش معها ؟
غنـد : اي وشفيها
ريـوف : منزله ستوري عن ملكتها
عنـود : الله يعين الي بياخذها المريضه ذي
ام عنـود : عيب وشعلينا منها الله يستر عليها لا تقولون كذا بعدين ربي يبلاكم
ام سيَاف : صادقه إبتسام
سجـى : الله يستر عليها
هنـاي : بنات شرايكم نلعب
ميهـاف : لعبة وشو
هنـاي : لحظه شكل وسـن تبكي بروح لها
طلعت هنـاي الحوش وشافت وسـن طايحه وتبكي : وسون وشفيك حبي
مدت لها وسـن يدها وكان فيها جرح بسيط
ضمتها هنـاي : جعله بروحي ياقلبي
شافها سيّاف الي كان يكلم بالحوش ومايدري مين هي بس انغرم فيها وبشكلها المُلفت كان فعلاً جمالها يوجع القلب
شافها وصد على طول ودخل المجلس وعقله مو بباله
اخذت هنـاي وسـن وودتها المطبخ تعقم الجرح وتحط لصقه
هنـاي : خلاص يروحي تبين حلاوه ؟
هزت وسـن راسها بابتسامه
هنـاي : اعطيك روحي يروحي
شافوها توليب وترف : واحنا !
ضحكت هنـاي : ابشروا هاكم
اعطتهم حلاوه وراحوا يلعبون وتقدمت هنـاي تطلع غرفتها تجيب الايباد وشافت تـوق نايمه ومو متغطيه بشي
فتحت لها هنـاي البطانيه ودفتها واخذت ايبادها وطلعت وسكرت الباب
نزلت للمجلس الي فيه البنات : تاخرت ؟
عنـود : اي كثيييييير
غنـد : عنـود تحبيني ؟
عنـود : لا
غنـد : لوء يلويك
وتيـن : يمه كلمني بدر يقول انهم بيروحون هم وجدي واعمامي يعزون واحد ولده مات
ام نـواف : الله يرحمه
الكل : امين
ميـلاف : يعني اليوم البيت فاضي مافيه عيال ونـاسه
هنـاي : اجمـل شي وخل نلعب تعالوا الصـاله
تجمعوا البنات بالصاله على شكـل دائـره وبدو يلعـبون
ميـلاف : اي وش هاللعبه
هنـاي : اللعبه هي اسئله وتحديات بنحط علبة مويا هنا وحركها تمام ؟
الكل : تم
بدت هنـاي تحركها ووقف اتجاه ريـوف وغنـد
هنـاي : ريـوف اسالي غنـد
ريـوف : صراحه ولا جرائه
غنـد : عنـود وش اختار ؟
عنـود : اختاري صراحه
هنـاي : شدخل عنـود !
غنـد : البيب حقي هي تختار
ريـوف : يعوه
ضحكت غنـد : سدي حلقك واختار صراحه
ريـوف : هممم خل افكر بسوال ... قد حلمتي بولد من عيال اعمامي ؟
غنـد : اي مره ببدر بس ناسيه الحلم لانو منزمان
وتيـن : بدر اخوي ؟
غنـد : ايه
وتيـن: الله بتصيرين زوجة اخوي
غنـد : شدخل
وتيـن : مدري بس احساسي بتكونين زوجة اخوي
غنـد بصدمه : وجع تخسين
وتيـن : نشوف يا الغلا
هنـاي بضحك : تخيلي صدق يا غنـد
تنرفزت غنـد : بتكملون لعب ولا اقوم
عنـود : هي الا البيب حقي لا تزعلونها وخل نكمل
لفت هنـاي علبة المويا وطلع هنـاي وميهـاف
هنـاي : اختاري
ميهـاف : جرائه
هنـاي : جوووي
ميهـاف : الله يستر منك
هنـاي : دقي على سعود اخوك وقولي له مين قطوتي ؟
ميهـاف بصدمه : منجدك ؟
هنـاي : اي والله
اخذت ميهـاف جوالها ودقت على سعود ومارد : سعود مايرد
هنـاي : سلمان طيب وحطي سبيكر
دقت ميهـاف على سلمان وحطت سبيكر ووصلها صوته على طول
سلمان: هلا ميهـاف
ميهـاف : سلومي
سلمان : خلصيني
ميهـاف : مين قطوتي
سلمان: اعقبي يا الضفعه ودزي
قفل سلمان بوجه ميهـاف وضحكوا البنات
عنـود : اخوك مره نفسيه
ميهـاف : اي والله لو رد سعود كان قالي مياو بس ذا الله يعين زوجته عليه
