- عند ام تركي -
وصلت سيارة نـواف ونزل امه وابوه ونـزل ورهم يقفل السياره ويتقدم يدق الباب ، لف ابو نـواف لنـواف وهمس : ان فشلتني يانـواف والله لا اتبرى منك ليوم الدين
سكت يناظر ابوه بحده وبقهر وافتتح الباب وطلع تركي وابتسم من شافهم : ياهلا تو تنور بيتنا باهل نواف !
ابتسم ابو نـواف : بنورك ياوليدي
وسع تركي الباب يفتح لهم الطريق : حياكم
دخلوا واسرع تركي يفتح المجلس لنـواف وابوه ونطق لام تركي : من هناك يا خاله ادخلي
دخلت ام نـواف واستقبلتها ام تركي ترحب فيها : اهلاً والله وتو ينور بيتنا بوجودكم
ام نـواف بابتسامه : ياقلبي والله تسلمين
مشت ام تركي ومعها ام نـواف تفتح مجلس الحريم : حياك بصدر المجلس
تقدمت ام نـواف تجلس بصدر المجلس وتقدمت ام تركي تصب لها قهوه وتضيفها من الحلا وتجلس جنبها
ام نـواف بابتسامه : ام تركي انا جيت ابي بنتك ليان لولدي نـواف ماشاءالله عليها تهبل وما اظن بنلقى احسن منكم
ابتسمت ام تركي : الشرف لنا نناسبكم يا خوله ونـواف ماراح القى احسن منه لبنتي
أبتسمت ام نـواف وشربت من القهوه ونطقت : الا وينها ليونه ؟
ام تركي : الحين اناديها لك
قامت ام تركي تتقدم تطلع من المجلس وتدخل غرفة ليان من غير ماتدق الباب
فزت ليان برعب ونزلت الجوال من اذنها تناظر امها
ام تركي باستغراب : علامك !
ليان : يمه احد يدخل كذا !
ام تركي : بسك كل مادخلت غرفتك القاك حاطه هالجوال باذنك !
ليان بتافف : يمه وش بغيتي الحين ؟
ام تركي : ام نـواف تدورك يلا انزلي
توترت ليان وحطت الجوال بالتسريحه وعدلت روجها وشعرها ومشت ورا امها يطلعون من الغرفه وينزلون للمجلس
دخلت ام تركي وليان وراها وقامت ام نـواف وتقدمت ليان تسلم عليها وتحضنها ام نـواف ، ناظرتها بابتسامه تنطق : ياهلااا الي بتصير زوجة ولدي ياهلا
ابتسمت ليان بخجل وجلست جنبها
نطقت ام نـواف لليان : ان شاء الله بس تصيري لنـواف ماراح يخلي عليك قاصر ونـواف تعرفينه وقد شفتيه
ام تـركي : عسى الله يتمم عليهم ونشوف عيالهم
ام نـواف : اميين يارب
ابتسمت ليان بتفكير بدت تتخيل حياتها مع نـواف من الحين بدت تخطط لكل شي تسويه معه
- عنـد نـواف -
طول ماهو جالس وهو يحرك رجوله ويحس انه أستسلم ومافي اي امل ياخذ محبوبته وحبيبة قلبه حس بانكسار من ابوه الي توقع بيوقف معه لانها بنت اخوه وبيخطبها له بس انغدر وحس ان هاليوم يتمنى الارض تنشق وتبلعه
، ناظره تـركي وهو مو مرتاح لوضع نـواف ويعرفه من حركاته ونظراته وسكت يطالعه بصمت وقاطع صمته ابو نـواف ينطق : تركي احنا جايين اليوم نبي اختك ليان لولدي نـواف
تركي : ابركها من ساعه لي الشرف اعطيكم اختي ونـواف اخوي وواثق فيه بيصون اختي
غمض عيونه نـواف بقهر ورص على اسنانه يتماسك دموع كان هالكلمه يتمناها تنقال من سعود او سلمان
ابو نـواف : اجل وشوله ننتظر دق على المملك
تركي : ابشر ماطلبت شي ياعم الحين اكلم الشيخ يجي
طلع تركي واخذ جواله من جيبه وراح للمغاسل يرسل لنـواف " تعال انا عند المغاسل "
ابو نـواف ناظر هدوء نـواف وشكله الزعلان ونطق بحده وبصوت واطي : نـواف عدل وجهك احسن لك لا تخليني اعصب عليك ببيت تركي وادفنك هنا !
ضحك نـواف بسخريه ونطق لابوه : انت خلقه معصب علي
وفتح جواله وعقد حواجبه من رسالة تركي وفتح الرساله يقراها وقفل جواله يرجعه لجيبه ونطق لابوه : بروح الحمام واجي
هز ابو نـواف راسه وقام نـواف يمشي للمغاسل وناظر تركي وتقدم له ونطق : وشبك جايبني هنا
تركي ناظره لثواني ونطق : نـواف انت مغصوب على اختي ؟
تجاهله نـواف يناظر بالمكان بسكوت وينزل راسه وكرر تركي سواله : نواف تكلم انت مغصوب على اختي صح ؟ خابرك تحب بنت عمك وش صار كيف تبي اختي وانت بقلبك وحده ؟
نـواف بصوت هادي وبقهر : بغيت الصدق ؟
تركي : اكيدد !
سند نـواف ظهره على الجـدار وتنهد ينطق بتفكير : السالفه طويله بس ابوي غصبني على اختك يا تركي وانا ابي بنت عمي عبدالله ، اسف تركي احس مستحيل اتعايش مع وحده وانا بقلبي وحده ثانيه بظلم اختك وانا مابي اظلمها وانا والله مو بيدي بس مغصوب يا تركي حاولت بابوي وترجيت امي تقنعه بس قال بيتبرى مني لو ما اخذت اختك
انصدم تركي من كلام نـواف ونطق : طيب ليه كذا فجاء غصبك على اختي !
نـواف : لان امي امس كانت تقولي حجزتها لك وانا عبالي ميهـاف وقلت كلمي امها العصر ومادريت انها كلمت امك وابوي مايبي يتفشل قدامك
جلس نـواف على الارض وحط كفوفه بوجهه يغطيه ويتنهد بضيق ومشاعر مكسوره
سكت تركي لثـواني يستوعب كلامه ونزل لنـواف ومسك راسه يرفعه : انا بساعدك ! وبخليك تاخذ بنت عمك
نـواف رفع انظاره لتركي بذهول : كيف ؟
تركي : بخلي اختي ترفضك
نـواف : بترضى ترفضني بعد ما امي كلمتها ؟
تركي : بقنعها وبفهمها بس ضروري تكون بعد شهر وبخلي امي تكلم امك ان اختي مو مرتاحه معك وبنفصخ الخطوبه وبعدها اركض اخطب بنت عمك لا تنتظر اي حاجز يمنعك تاخذها !
ابتسم نـواف : احلف بتسوي كذا ؟
ضحك تركي : شدعوه تراني خويك اكيد مستعد اسوي كل شي لجل اشوفك مبسوط
ضمه نـواف بارتياح وتنهد بفرحه وحس ان الدنيا ضحكت له وقاموا الاثنين ونطق تركي : امش لا يشك ابوك فينا ويقول وين راحوا
ضحك نـواف ودخل قبل تركي المجلس وراح تركي يفتح الباب للشيخ ويسلم عليه ويقلطه بالمجلس
دخلوا وقام نـواف وابوه يسلمون عليه ويجلس الشيخ يبدا عقد النكاح
بدا الشيخ عقد النكـاح ابتسم تركي يناظر بنـواف نظرات تطمنه ان كل شي بيكون زي مايبي وان ميهـاف لسه بتصير له مهما ومهما صار تبقى ميهـاف لنـواف يطمن قلبـه انه مايفقد الامل
ابتسم نـواف بخفه وقام تركي واخذ الدفتر وراح معه نـواف للشوفه الشرعيه ووقفوا عند باب مجلس الحريم ونطق تركي : ادري انك ماتبي تشوفها بس ابوك لو يدري انك ماشفتها بيهاوش
تنهد نـواف : لا عادي خل اشوفها هي بتصير على ذمتي بعدين بفصخ الخطوبه
تركي : انا والله مابيك تشوفها يا نـواف لانها بالنهايه ماراح تصير حلالك لذلك عندي خطه
عقد حواجبه نـواف : الي هي ؟
تركي : اقعد بالحمام وبكلم ليان انك تعبان وبتشوفها يوم ثاني تمام ؟
هز راسه نـواف : بمشي معك وان جبت العيد فيني بكفر فيك
تركي ضحك بخفه : لا تخاف روح الحمام وانا بدخل
ركض تركي يروح للحمام ويجلس كم دقايق ودخل تركي يدق الباب وتطلع امه : شبغيت
تـركي : نادي لي ليان
ام تركي : ليه
تركي : توقع
هزت راسها ودخلت تنادي ليان ولفت ليان على امها تنطق امها : ليونه اطلعي لاخوك
قامت ليان من مكانها تتقدم وتطلع من المجلس وتناظر تركي الي واقف ومعه الدفتر ويطالع بجواله ينتظرها
نطقت : شبغيت
قفل تركي الجوال يناظرها ويعدل اسلوبه معها : اخص والله وكبرنا وبنتزوج !
ضحكت ليان : خلصني شبغيت
تركي : ابد وقعي
توترت ليان واخذت القلم الي مده لها تركي توقع واخذ تركي القلم ينطق لها : اسمعي ليونتي نـواف مايبي يشوفك الحين
عقدت حواجبها : ليش !
تركي : تعبان ومايبي تشوفينه بهالحاله قال ان شاء الله يكون احسن ويجي ويشوفك ويناظر ازين البنات
ضحكت ليان وانساق عليها من تركي ونطقت : طيب
تركي : اذا قالت لك امي او ام نـواف انك شفتيه قولي اي طيب ؟
ليان : شلون وامي معي طول الوقت شعرفها اني شفته !
تركي بصوت خفيف ماينسمع : يليل وين اوديهم ذولي صارت غمضيه
ليان : وش قلت !
تركي : ولا شي ونادي امي
لفت ليان تعطيه ظهرها وتمشي للمجلس تنادي امها وتطلع معها
ام تركي : شفيك كل شوي مناديني
تركي : نـواف بيشوف ليان
ام تركي : عادي طيب خل يشوفها
تركي : بدخلهم غرفة الضيوف لا تدخلين فيها بقعد واقف عند الباب
ام تركي : زين انا بقعد مع امه ولا يطول معها
اشر تركي باصبعه على خشمه : على هالخشم
ودخلت ام تركي ومشى تركي وليان وراه تدخل غرفة الضيوف وتجلس ونطق تركي الي واقف عند الباب : لا تطلعين الا بعد كم دقايق يعني لا تطولين مره
ليان بتافف : ليه كل هالقروشه وليه مايبي امه تدري انه ماشافني !
تركي توتر من سوالها وكيف يقولها انها خطه وانه مايبيها اصلاً
ليان : اكلمك انا
تركي : خلاص بعدين اعلمك
عقدت حواجبها : تعلمني وشو !
تركي : ليان بلا كثرة اسئله غبيه قلت بعدين اعلمك
تاففت ليان وطلع تركي وقفل الباب ومشى للحمامات يدق الباب : نـواف !
فتح نـواف الباب يطلع وياخذ نفس عميق : احد يتخبى بالحمام !
تركي : شسوي وين اخبيك بجيبي يعني ؟
كشر نـواف بوجهه : اسخف ذبه شفتها بحياتي امشي بس
تـركي : تهقى طولنا ؟
نـواف : اختنقت كنت بمو*ت وتقول تهقى طولنا
تركي : نسيتك ياخي وليان جالسه تقرقر فوق راسي وتحقق ليه ماشفتها وقلت لها بعدين اعلمها
نـواف مسك يد تركـي يستوقفه ولف تركي على يده الي ماسكها نـواف باستغراب : وشبك ؟
سكت نـواف لثواني يناظره وينطق : تركي انت زعلان من تصرفي ذا ؟
فكه نـواف وحط تركي ايدينه على اكتاف نـواف : نـواف اسمعني دام سكن قلبك وحده وانت تبيها مستحيل اخليك تاخذ اختي وبقلبك وحده لا تظن ان هالشي يزعلني لا لانك قايل لي منزمان انك تحب بنت عمك ما صدمتني واخذت اختي وانت تحب وحده وانا مدري صدقني بحاول اساعدك قد ما اقدر بدون ماتصير مشاكل
ابتسم بخفه نـواف يحضن تـركي : عمري ماندمت ولا تحسفت على معرفتك و من عرفتك وأنا أردد أشهد إن اللّٰه بالعطايا عظيم
ابتسم تـركي : ياحبيبي والله انك اكثر من اخوي يانـواف
ابتسم نـواف ومشو يدخلون المجلس ويجلسون وناظر ابو نـواف بنـواف وعقد حواجبه من ابتسامته المفاجئه وتجاهلها وقام الشيخ يستأذن : استأذنكم انا
تركي : اجلس اشرب قهوه ياشيخ !
الشيخ : لا والله عندي موعد ثاني وبعيد
ابو نـواف تقدم يصافحه بيده : تسلم ياشيخ الله يوفقك بدنياك
ابتسم الشيخ : ويوفق معرسنا
طلع الشيخ وطلع وراه تركي يودعه ويرجع للمجلس ويقوم ابو نـواف : نستاذنك ياتركي
تركي : وراه ياعمي اجلس وشوله مستعجل
ابو نـواف : يوم ثاني ان شاء الله اليوم مشغول يالله قدرت اخذ لي وقت واجيك
تركي : معذور ياعمي وضروري تجينا صرت انا الي كل يوم اجيكم
ضحك نـواف : انت صرت من اهل البيت كلهم تعودوا عليك
ضحك تركي وقام نـواف وابوه وطلع تركي وراهم وطلعت ام نـواف
فتح تركي الباب : البيت بيتكم مو ماتجونا !
ام نـواف : ابشرر عاد بنصير نجي عشان ليونتنا
ابتسم تركي وطلعوا اهل نـواف من البيت وركبوا السيـاره
سكر الباب تركي وتقدم يدخل للبيت ويناظر بامه وليان بالصاله جالسين يتقهوون وجلس جنبهم وناظرته ام تركي واستغربت من سكوته : تركي فيك شي ؟
رفع انظاره تركي لليان يناظرها جالسه على جوالها وتضحك فيه ونطق لامه : ابي اكلمكم بموضوع
ام تركي : تكلم طيب
تركي : ليان اسمعيني زين وركزي
ليان وهي تطالع بجوالها : همم اسمعك
تركي بحده : قفلي جوالك لا اكسره
ناظرت فيه وعقدت حواجبها وقفلت جوالها تحط رجل على رجل : تكلم استاذ تركي شفيك معصب علينا
تركي : ابغاك بعد شهر يا يمه تكلمين ام نـواف ونفصخ الخطوبه
وسعت عيونها ليان : نعممم ؟؟؟؟
ام تركي بصدمه : وراه وليه نفصخ الخطوبه !
ليان : خير ان شاء الله والله ما افصخ الخطوبه !
تركي بحده : الولد مغصوب امه وابوه غصبوه عليك يا ليان والولد يحب بنت عمه !
ام تـركي عقدت حواجبها : لحظه مافهمت ليه يغصبونه على ليان ؟
تـركي : امس بالعرس امه كامت تمدح ليان بس ماقالت اسمها ونـواف يحسب الي تتكلم عنها هي بنت عمه وقال ابي اخطبها وامه كلمتك وهو مايدري المسكين توه يدري قبل مانجي وابوه عصب وارتفع ضغطه وحلف لو ما اخذ ليان ان يتبرى منه
وسعت عيونها ليان بصدمه وقامت من مكانها : وتقومون تلعبون بمشاعري ؟ مشاعري لعبه تلعبون عليها وقسم بالله ما افصخ الخطوبه ونـواف ابيه وبصير زوجته طرق !
قام تركي بعصبيه : نـواف وثق فيني وعطيته كلمه اني بخليك ترفضينه بعد شهر وتقولين انك مو مرتاحه
قامت ام تركي : تركي هدي شوي
تـركي : كيف اهدي يمه تقطع قلبي على نـواف مستحيل اخليه ياخذ اختي وهو يحب وحده ثانيه وانا وعدته اني اخلي ليان اختي ترفضه !
ليـان بحده : رفض ماني رافضه ووريني وش بتسوي !
تـركي بعصبيه : يعني موافقه تتزوجين واحد وهو يحب وحده ومستحيل يلتفت لك ويعطيك وجه مستحيل يستانس معك ولا يشاركك حياتك بيقعد طول الوقت برا البيت عشان مايشوفك
ليان بصوت باكي وبعصبيه : مثل ماقدر يحب اقدر اخليه يكره البنت ويلتفت لي كل شي سهل واقدر اغيره ويصير يحبني لا تدخل وانا بضبط كل شي
تـركي : وش الي سهل واضبط كل شي حلا هو ؟ ليـان لا تحديني اعصب عليك واغصبك على شي انتِ ماتبينه خلينا حلوين واسمعي الكـلام !
ام تـركي بصراخ : بس انت وياها ولا كاني موجوده !!
وحست بدوخه وفقدت توازنها وركضوا تركي وليان يمسكونها ويجلسونها ونطق تركي لليان : خذت علاجها !!
ليان بخوف : لا نستت
تـركي : والسبب مين الي ينسى يعطيها ؟ انتِ ! قومي خلصني جيبي ادويتها
قامت ليـان بدون ما تتناقش معه وركضت للغرفه تجيب ادويتها وتنزل وتفتح الادويه وتاخذ المويا تمده لها ، اخذت ام تـركي المويا والعلاج
تـركي : يمه ليه ما اخذتي ادويتك!
ام تـركي : نسيت والله
ناظر تـركي لليان بعصبيه : وحضرتها ذي كالعاده بالغرفه وعالجوال !
سكتت ليـان تتجاهله ونطقت ام تـركي : بس يا تـركي بس ارفق بي بتموتوني من هالحين
تـركي : سم الله عليك جعل يومي قبل يومك ، قومي اوديك ترتاحين بغرفتك
قامت ام تـركي ومسكها تـركي يساعدها تطلع للغرفه وناظرتهم ليان لثـواني بسكوت وقامت تدخل غرفتها وتسكرها بالمفتاح
