بــارت 7
في الصبـاح صحت الجـده قبلهم وقعدت بالصاله تقرأ قران وكان روتين عندها تصحى الصباح بدري وتقرأ قران
صحى فيصل ولقى جـدته بالصاله تقرا وتقدم يقبّل راسها وجلس جنبها وبعد مُده قصيره خلصت الجـده وسكرت القران ولفت له وابتسمت: ياهلا تو يبدا صباحي بشوفتك
ابتسم فيصل ونطق : احد صاحي غيرنا ؟
الجـده : لا والله الكل نايم الحين اقوم اصحيهم
مسك فيصل جدته ونطق: لالا ابيك بموضوع دامنا لحالنا
استغربت الجـده ونطقت : امرني يوليدي
شبك فيصل يدينه ومو عارف كيف يقولها ونطق : اا شسمه ذا
ابي بعد مانرجع من الكشته اخطب تـوق
ابتسمت الجـده ونطقت : هذي الساعه المباركه ابشر بعد مانرجع اكلمهم
ابتسم فيصل واخيراً حبيبة الطفوله بتكون زوجته وينربط اسمه باسمها واخيراً موعد لقائه بحبيبة قلبه قرب ، تقدم يقبّل راس جـدته ونطق : احبببك الله لا يحرمني من هالوجه ، انا بطلع لدوامي ومتى ماصرتوا جاهزين دقو علي اجيكم
ابتسمت الجـده ونطقت : ابشر استودعتك الله الذي لا تضيع ودائعه
ابتسم فيصل وتقدم يطلع لدوامه
وقامت الجـده ودخلت المجلس الي فيه العيـال وبدت تصحيهم : قوموا خلصوني
سعـود : جده انا لا دوام ولا وظيفه عاطل خليني انام
ضربت الجـده سعـود بعصاها : اذا ماعندك دوام ولا وظيفه عندك صلاه تُحاسب عليها قوم
بـدر : تكفين ياجده نايمين متاخر عطينا ساعه زياده
الجـده : ومن غصبكم تنامون متاخر قوموا ولا برش مويا
فهـد : انا تعبان وفيني حراره مقدر اقوم
تقدمت الجـده له تحس جبهته وعرفت انه يكذب عشان يكمل نومه وضربته بعصاها وقالت : مافيك شي يا كذاب بتقومون ولا ارش مويا !
سيّاف : كم الساعه
الجـده بكذب : الساعه سبع
شهق سيّاف : وليه محد صحاني وراي دواااام !!!!
فز نواف بصدمه : دواااامي !!!
قام وركض ومشى فوق سلمان بدون مايدري وصرخ سلمان بقوه : ظهررري حسبي الله عليك يا نـواف وين عيونك !
نـواف وهو يغسل وجهه بالمغسله : اعتبره مساج
ضحكت الجـده عليهم ونطقت : خلاص صحيتوا ؟
العيال بصوت واحد : ايي
الجـده : الساعه 2
لفو على الجـده يطالعوها بصدمه وكيف مشى عليهم المقلب ! ونطقت الجـده : وشفيكم ساكتين قوموا خلصوني ولا بس فالحين تسهرون بالليل واقعد سنه اصحيكم
قام سيّاف ولبس ثوبه واخذ اغراضه : انا بطلع لدوامي احد يبيني اوصله ؟
نـواف وهو يلبس بدلته : اي اي انا انتظرني
سيّاف : تمام احتريك بالسياره
طلعت الجـده الصاله بعد ماتاكدت ان احفادها راحوا دواماتهم
وعنـد البنات كلهم نايمين باستثناء وتيـن الي كانت صاحيه وتطقطق بجـوالها وطلع لها فيد أكل وحست بجوع ونطقت : جوعانه وش اسوي !! ، بسوي لي سموثي
اخذت ايبادها ونزلت بشويش عشان محد يسمع صوت خطواتها ، دخلت المطبخ وشغلت اغنية نانسي عجرم
" قولوله ده انا برده ساعات بحالات
مرة ازعل مرة اديله عيني
مين فينا على حاله كل الاوقات
ده تاعبني اوي طلع عيني
يا اطبطب وادلع يا يقولي
انا اتغيرت عليه انا ازعل
اولع ماهو كل همه ازاي ارضيه "
