بــارت 11
- في الصباح واليوم المنتظر -
كان الكـل صاحي من صغير لكبير وحريم ورجال متجمعين بالمجلس يفطرون ، نزلت هنـاي وهي لابسه سكراب الدوام وماسكه شنطتها بيدها وبيدها الثانيه ماسكه وسـن ، دخلت المجلس وتقدمت لعند جـدتها وقبّلتها براسها ونطقت بابتسامه: صباح الخيررر
ابتسمت الجـده ونطقت : ياصباح الورد ياوردتي
، ابتسمت هنـاي وجلست تفطر معهم
فهد وهو ياكل بسرعه وشرب الشاهي وهو حار وتاؤه من الحراره : اححح حاررر
ابو سيّاف بحده: اكل زين ياولد محد يلاحقك
الجـده : على هونك يوليدي وشفيك تاكل كذا
فهد : مستعجلل عندي فاينل وماراجعت
مشعل : وانت متى ذاكرت عشان تراجع
بـدر : ذاكرنا بالسطح عشان نستنشق الهواء وتدخل المعلومة بمخنا
سعـود : وعسى دخلت كل المعلومات ؟
فهد : افا عليك كيف ماتدخل اكيد دخلت بس قمت الصباح وانا ناسي حتى اسمي
ضحكوا الكل على فهد ونطقت هنـاي بضحك : دامكم مذاكرين مع بعض عزالله نص مذاكرتكم سوالف
بـدر : الصدق اي والله فهد يحفظ كلمه ويسولف الف سالفه
ابو سيّاف : ياويلكم مني لو جبتوا معدل يسود الوجه
ابو نـواف : العقال مايسمع وهم خابرين
ضحكت غنـد ونطقت : جيبوا معدل خايس خل نشوفكم تنجلدون ونضحك
بـدر : انتم عاد تبونها من الله
سلمان : الا صدق امس سمعت صوت صراخ ولأ يتهيأ لي ؟
غنـد : اي صحح عمي ناصر ماخذيت حقنا منهم !
ابو سيّاف بضحك : افا عليكم يابنياتي خل يرجعون من الدوام واطيب خاطركم
لف فهد على سلمان ونطق : حسبي الله عليك ياسلمان ابوي كان ناسي ليه تذكره
ضحك سلمان ونطق : وش مسوين ؟
عنـود : كنا بالحوش كلنا وجاء فهد وبدر وخوفونا وطلع لهم عمي ناصر
بـدر : كويس نمنا بدون جلد
سيّاف : انا اقول خل عنكم السوالف ويلا على دواماتكم لا تتاخرون ويمه سوي لي شاهي للدوام
ام سيّاف : ابشر يوليدي الحين اقوم اسوي لك
نزل فيصل وهو لابس لبس الدوام وتقدم وسلم عليهم وقبّل راس جـدته ، ابتسمت الجـده ونطقت : تحب الكعبه
نـواف : فيصل مايصير تداوم وانت لسه مُصاب
ابو عنـود : صحيح يا فيصل ضروري ترتاح مايصير تطلع ولسه ماطبت ماكتبت لك خروج الا لان خطبتك اليوم ولا المفروض ماتطلع من المستشفى الا وانت بخير وجسمك آمن ومافيه خطر
فيصل: مقدر والله ضروري اروح واشوف العله دانـه
سيّاف : اي صح برفع القضيه اليوم ان شاء الله بس ماجبتوا ادله
عنـود : انا عندي ادله بس الظاهر غير كافيه !
عقدت تـوق حواجبها : متى جبتي الادله ؟
عنـود : يوم رحنا وطلقت دانـه الرصاصه واخذها ريان للسياره حاولت استغل الفرصه واجيب ادله
سيّاف : مري مكتبي مع تـوق وعطيني الادله
عنـود : ابشر بروح الحين دوامي واخلص واجي
هنـاي : بس صحبات دانـه مع بالكلاس واكيد عرفوا بالي صار
فيصل: لا تكلمينهم ولو كلموك طنشيهم واقعدي مع ميـلاف طول الوقت
ميـلاف : انا بكون معك طول الوقت ونرجع مع بعض
سيّاف : حاولي تنتبهين منهم دامهم صحباتها اكيد مب سهلات
هنـاي : تمام انا بطلع ، لفت على ام عنـود ونطقت : عمه إبتسام انتبهي لوسـن وخلي عيونك عليها والحليب حقها بالمطبخ وملابسها بغرفتي اذا رجعت حرارتها كلميني
ابتسمت ام عنـود ونطقت : ابشري يروحي انتبهي لنفسك
هنـاي : تمام ، ميـلاف يلا
ميـلاف : تم بس اجيب شنطتي والمق
هنـاي : احتريك يالسياره
هزت راسها ميـلاف واخذت شنطتها والمق حقها وطلعت مع هنـاي متوجهين للجامعه
ريوف : عنـود تكفين وصليني اختباري اول حصه
عنـود : دزي عندي قضيه بعد نص ساعه ضروري احضر بدري موكلتي تنتظرني
سجى : طيب مين يوصلنا ابوي عنده عمليه !
عنـود : دبرو نفسكم انا بطلع
مشعل : انا اوصلكم اذا تبون
سجى : صدق ؟
مشعل : ايوا انتظركم بالسياره الحقوني
طلع مشعل وطلعت سجى وراه وركبت يمين عند الشباك وطلعت كتابها تراجع وتشرب قهوتها
لف مشعل لها وشاف كتابها نفس كتابه ! نطق من داخله : اما طلعت ثاني ثانوي نفسي !
دخلت ريوف ووتين مع بعض ونطق مشعل : باقي احد ؟
وتين : لا حرك
