وصـلوا المـول ونزلوا كلهم ودخلوا وقفوا البنـات يدورون محلات فساتين ونطقت وتين: انتم انتظرونا بكوفي واحنا بنتشري ونخلص ونجيكم
ناظر سيّاف بالعيال: انتم روحوا وانا بروح معهم
هزوا فيصل ونـواف راسهم وراحوا يجلسون بكوفي وعند البنات
هنـاي : بنات خلونا نختار اول شي فساتينا
عنـود : ايوا واخر شي تـوق
ميـلاف : خلونا ندخل هالمحل فيه فساتين حلوه
مشو البنـات ومشى وراهم سيّاف ووقف عند باب المحل ينتظرهم
غنـد : بنات شرايكم بذا
سجى : الله يهبل روحي جربيه !
هنـاي : منجد جربيه واحنا بنكمل نختار
دخلت غنـد تجرب الفستان وطلعت وهي لابسته وكان فستان لونه رمادي كم بدون اكتاف وطويل ، نطقت وهي تناظر الفستان : كيف ؟
لفو البنـات يشوفونها ونطقت ريوف : يهيل يغنـد !
عنـود : منجد خذيه ومع كعب ابيض مره حلو
ابتسمت هنـاي : ايوا ومع الشعر والميكب بتطلعين تهبلين
ابتسمت غنـد على كلامهم ونطقت : تم ببدل واحاسب عليه
كملوا البنات يدورون فساتين ولفت هنـاي تكمل تدور لها فستـان وشافها سيّاف من قزاز الباب واشر لها بتعالي
ناظرت فيه هنـاي ولفت تناظر البنات ونطقت : بنات بروح دورة المياه واجي
عنـود: تمام احنا بنكمل نختار وتعالي
طلعت هنـاي عند سيّاف ونطقت له : شتبي ؟
ابتسم سيّاف : احترميني طيب بصير زوجك قريب !
تكتفت هنـاي : سيّاف خلصني وشتبي بروح اختار لي فستان
توسعت ابتسامة سيّاف من نطقت اسمه : شسمي انا ؟
تنهدت هنـاي : سيّاف تراك فاضي وانا محتاره وش اختار
مسكها سيّاف من يدها واخذها يمشي معها : انا بختار لك فستان عرسهم وفستان خطوبتنا
توسعت عيونها هنـاي وناظرت يده الي ماسك فيها يدها : طيب ابي اختار مع البنات عشان اخذ رايهم !
سيّاف : من قال ان رايهم يهم ؟ انتِ تحلين كل شي تلبسينه مو هو يحليك وخلي فستانك سبرايز لهم بس انا الي اعرفه
ابتسمت هنـاي وهي تحاول تخفي ابتسامتها وتوترها من يده الي بارزه عروقه وكان شكلها حلو ومشت معه ونطق : تبين تشربين قهوه ولا تختارين الفساتين ؟
هنـاي : ابي نختار اول الفساتين
وقف سيّاف عند محل ونطق : طيب تعالي ندخله واضح فساتينه حلو
دخلوا المحـل وفك سيّاف يده عن هنـاي ومشت تدور لها فستان
هنـاي : اول شي بختار حق عرس تـوق وفصولي
ابتسم سيّاف وهز راسه وصارت تـدور وطاحت انظارها على فستـان ازرق ضيق ومع ذيل طويل وعاري الاكتاف وناظرته بابتسامه واخذته توري سيّاف : شرايك فيه ؟
ابتسم سيّاف : يجنن !
ابتسمت هنـاي وترجع تناظر الفسـتان : باخذه عجبني
سيّاف : لبس العافيه عطيني احاسب
مدت له هنـاي الفستان ونطق لها : هذا مقاسك ؟
قربت منها هنـاي تشوف المقاس وتلاصقت اكتافهم ببعض وكان يناظرهم ويتامل ومايوفر ولا ثانيه من هالتامل يتاملها بكل حالاتها بكل ثانيه ودقيقه وساعه وجهها العذّب وشفايفها المغريه للتقبيل كان كفيل يطيح سيّاف ومحد يسمي عليه
ابتسمت هنـاي : ايوا مقاسي
اخذ سيّاف الفستـان للكاشير وفتح جواله يدفع ومد لها كيس الفستـان
ابتسمت تطلع معه من المحل وابتسم من شاف ابتسامتها الي تفرح سيّاف وتخليه مبسوط لان يشوفها مبتسمه ومبسوطه صار يبدا يحاول وقد مايقدر يخليها مبسوطه ومو قاصرها شي
نطق لها : باقي فستان خطبتك وين تبين ؟
هنـاي : سيّاف خلك من فستان خطوبتنا ابغى اسالك اسئله كثيره
سيّاف : اعرف يا هنـاي ان عندك اسئله كثيره وعارف وعندي كل اجوبتها بس خلينا نرجع البيت ونطلع السطح واجاوب لك على سوال سوال
هزت هنـاي راسها وناظرت محل فساتين عجبها واشرت له : بدخل له
ابتسم سيّاف : يلا
دخلوا الاثنين واخذ سيّاف كيس الفستان الي اشترته يمسكه عشان تختار فستانها وصار يمشي وراها
لف سيّاف يناظر الفساتين وطاحت عينه على فستان احمر مع ذيل وقصة اكتاف كان شكله بقمة الجمـال ، تقدم سيّاف للفستان واخذ يدور مقاس هنـاي وحصله واخذه يتقدم لهنـاي : شرايك بذا ؟
رجعت هنـاي الفستان الي بيدها لمكانه وناظرت الفستان بدهشه وكان شكله حلو وعاجبها : الله مره حلو !
ابتسم سيّاف : صدق عجبك ؟
هنـاي : اي مره عاجبني
سيّاف : ادخلي جربيه طيب
اخذت هنـاي الفستان ودخلت غرفة القياسات ولبست الفستان وناظرت شكلها بالمرايا وبابتسامه واسعه ، كان الفستان حلو عليها وكأنه مصمم عشان تلبسه بس هي ، فصخت الفستان وطلعت وتقدمت لسيّاف ونطقت : عجبني مره باخذه
ابتسم سيّاف : لبسس العافيه انتظريني احاسب واجيك
وقفت هنـاي وراه تنتظره واخذ الكيس يشيله مع الكيس الثاني
هنـاي : عطني اشيلهم
هز راسه سيّاف بـ لا ونطق : وش باقي لك ؟
هنـاي : بس باقي لي الاكسسورات والكعب تقدر انت تروح عند فيصل ونـواف اسفه تعبتك
نطق سيّاف : ممكن كلمة اسفه ماعاد تقولينها ؟
هنـاي : ليه ؟
سيّاف : بتكونين زوجتي يعني حلالي وتعبك ذا زي العسل على قلبي احبه كثري منه
ابتسمت هنـاي بخجل وصار وجهها احمر من الخجل وصدت تطالع المحلات ومسك يدها يمشيها ويدخل معها محل كارتييه
هنـاي : ليه دخلنا كارتييه ؟
ابتسم سيّاف: بشتري هديه لشخص وابيك تختارين لي
هنـاي باستغراب : مين هالشخص
سيّاف : بعدين اعلمك شرايك تساعديني
تجاهلت هنـاي وهي تحسبه هدية تـوق لزواجها
ابتسمت ونطقت : تم
ناظرت هنـاي لدقايق وهي تدور ووقعت عينها على سلسال مرصع بالالماس الفاخر وشكله الناعم اعجبها واشرت لسيّاف : هذا مره يهبل
ابتسم سيّاف ونطق لها : صدق عجبك ؟
هنـاي : اي شكله انيق وحلو
سيّاف : واختاري ثاني بعد
هنـاي : اثنين يعني ؟
سيّاف : ايوا هذا اخترتيه باخذه الحين واختاري واحد كمان
هزت هنـاي راسها وكملت تدور واشرت لسيّاف : وهذا بعد يهبل وشكله حلو
نطق سيّاف للموظف يطلعهم وتقدموا يجلسون بالكنبه وتقدم يحط الاكسسوارات بالطاوله واخذت هنـاي تشوفهم وهي مبتسمه ونطق سيّاف : عجبوك ؟
ماطالعته هنـاي وكانت تطالع العقد ونطقت : اي حلوين خذهم لها
نطق سيّاف للموظف الواقف : ممكن تجيب لي الطقم تبعهم وتجهزهم لي وتخلفهم ؟
الموظف: ابشر
اخذ العقدين من هنـاي وقامت تتمشى وتشوف المجوهرات واستوقفها خاتم المـاس كان شكله حلو اخذت جوالها تصوره ، شافها سيّاف وشاف وقفتها عند الخـاتم وتقدم له ونطق : عجبك الخـاتم ؟
لفت عليه هنـاي : ها ... لا يلا نمشي
لف للموظف ونطق له يطلع الخاتـم وتقدم الموظف وطلع له الخـاتم ، اخذه سيّاف ولبسها هنـاي
ابتسمت تطالعه وهو يلبسها وتطالع الخاتـم
سيّاف : أنتِ بس أطلبي وكل غالي تطلبينه في موازيني يهون
ابتسمت له هنـاي بخجل واخذت جوالها تصور الخاتـم وهي مبسوطه وفصخت الخاتم تمده للموظف ييحطه بكيس
وقام سيّاف ونطق لها : اجلسي هنا وبجيك
تقدم سيّاف يختـار الدبله وماكان يبي تشوفها ، طلع صورة الخاتـم من جواله كان محتفظ بصورة خاتـم عاجبه وعلمه الموظف يجيبه له ، طلع له الموظف الخاتـم واخـذ سيّاف يشوفه ونطق : تمام غلف لي كل الي شريتهم وغلف ذا بعد وابي كرتين
قدم له الموظف كرتين واخذ سيّاف قلمه ياخذ الكرت الاول ويكتب كلمات محمد عبـده
