بــارت 12
سند سيّاف نفسه على الجدار ونطق بابتسامه : مدري افهميها زي ماتبين
نطقت هنـاي بحده : تخسي وتعقب
وقامت تبي تمشي واستوقفها يد سيّاف الي مسكها من يدها ونطق : على وين ؟
فكت يده هنـاي وبحده : وخرررر عني !
طلعت من السطح ونزلت تدخل غرفتها ، ضحك سيّاف من عرف انها فهمت مقصده ورجع ظهره للجدار وهو مبتسم
، دخلت هنـاي غرفتها وجلست بالسرير تتذكر كلامه الي قاله وراودتها اسئله كثيره مالها اجوبه ، وش قصده بكون قريب ؟ هو اصلاً قريب ومضايقها بس وش مقصده من الي قاله ؟ معقول يكون الي ببالي ! طيب هو اسلوبه زفت كيف يبيني ، تجاهلت الموضوع وطلعت شماغ ابوها وطرحة امها الدولاب ورجعت جلست بالسرير وصارت تشم شماغ ابوها وطرحة امها الي فيها ريحتهم وكانت تستنشق الريحه ومجرد ماتذكرتهم وتذكرت ذكرياتها معهم تفجرت دموع ، نطقت وهي ماسكتهم : والله اني فقدتكم والضياع الي بعد فقدكم ماهو بيدي اشوفكم بين طيات السوالف واحبس الدمعه ارجعوا ورجعولي البسمه من جديد ، من يوم تركتوني وانا مو هنـاي بنتكم الي تعرفونها عايشه جثه وروحي بقبركم كان جدي اخر شي لي بالدنيا وراح عندكم ،
بكت لفتره قصيره ومسحت دموعها ورجعت الشماغ والطرحه للدولاب وتقدمت للحمام ( يُكرم القارئ ) تتروش وبعد ماخلصت طلعت وجلست بالتسريحه ترطب جسمها ووجهها وتجفف شعرها وطول الوقت تفكر بكلام سيّاف وهل هي فهمت صح او غلط او كان يتكلم بمزح ؟ تجاهلت اسئلتها الي مالها اجوبه وتقدمت تنام بسرير وقربت عند وسـن ومسحت على شعرها بابتسامه ودفتها زين ونامت
- الصبـاح -
عند العايله كلها مجتمعه بالمجلس يفطرون
الجـده : زين انكم قمتوا ولا قومتكم
ضحك مشعل : ظهرنا يعور من الجلد فقررنا نصحى من نفسنا
بـدر : منجد والله اقوم من نفسي ولا اقوم على جلد
ابو نـواف : كويس ولا كان العقال قومكم
فهد وهو ياكل : كل شي الا العقال
ضحكوا ونزلت هنـاي وهي لابسه لبس الرياضه وعبايتها وماسكه شنطة الرياضه وماسكه وسـن ونطقت : صباااح الخيررر
ابتسموا لها ونطق ابو سعـود : صباحك ورد ياورده تعالي افطري
ابتسمت هنـاي : لا والله وراي نادي
ناظر فيها سيّاف بابتسامه من تذكر امس وكان عارف انها فهمت مقصده ، رجع انظاره للسفره يكمل اكل
عنـود : وجامعتك!
هنـاي : الدكتور معتذر
ريوف : اخ ياحظك
سجى : منجد وربي وش شعورك وانتِ جالسه واحنا مداومين ؟
ضحكت هنـاي : شعور يجننن لا تحاتون بوثق لكم كل شي
وتيـن : تطقطقين يامال البعير
ضحكت هنـاي : خليني استانس كنت شايله هم محاضرته
ام سيّاف : زين افطري يبنيتي وبعدها روحي
تقدمت تقبّل جدتها وتاخذ زيتونه : لا مالي نفس بفطر برا
ابتسمت الجـده : زين يبنيتي انتبهي لك
ميـلاف : طيب شرايك ياحلوه توصليني وبعدها تروحين النادي
ضحكت هنـاي ونطقت : ابشري يروحي بروح اعبي المق مويا وانتظرك برا
تقدمت وسـن تقعد بحضن تـوق وبابتسامه : توتو
ضحكت تـوق ونطقت : عيوني
اشرت وسـن على جوال تـوق ونطقت تـوق بضحك : عشان كذا جيتي لحضني تبين الجوال ، عطيني بوسه واعطيك الجوال
قبّلتها وسـن بخد تـوق اليمين واليسار
همس فيصل لفهد : فهد خذ جوالي وقول لوسـن انا اخذت جوال فيصل
، اخد فهد جوال فيصل ونطق باستفزاز لوسـن : وسووون شوفي جوال فيصل معااااي
لفت وسـن وهي ماسكه جوال تـوق وشهقت بدهشه واشرت لجوال فيصل الي مع فهد : فوفو !!!
قامت تتقدم عند فهد وتحاول تاخذ الجوال وهي تبكي ، اخذها فهد لحضنه ونطق : عطيني بوسة بيدي واعطيك الجوال
اخذت وسـن يد فهد وعضتها بقوه وصارخ فهد من العضه ونطق : اححح وسوون
فكت وسـن وهي تضحك على شكل فهد واخذت الجوال وركضت لحضن فيصل تعطيه جواله
ضحكوا الكـل على تصرف وسـن وهي صغيره كيف قدرت تعضه عضه قويه
فهد : اخ تعور وشذا هذا وهي توها بزر
فيصل: بسم الله على اختي قل اعوذوا برب الفلق اذكر ربك
ضحكت ام سيّاف : بسم الله عليها ليه لهدرجه تخاف على جوالك؟
فيصل: هي كذا ماتحب احد ياخذ جوالي او جوال هنـاي تخاف عليهم
دخلت هنـاي ومعها المق وشافتهم يضحكون ونطقت: شفيكم
ريـوف : فهد اخذ جوال فيصل ووسن عضته واخذت الجوال
ضحكت هنـاي ونطقت: هي كذا تخاف على جوالاتنا
سيّاف : بتروحين النادي لحالك ؟
ناظرت فيه هنـاي بحده : ايوا ليه؟
سيّاف : خذي حذرك وانتبهي لنفسك
تجاهلته هنـاي وتقدمت بتطلع : ميـلافي انتظرك بالسياره
ميـلاف : تم
فهـد : بدر اليوم ماني قايم من السفره الا وانا شبعان لا تستعجل
بدر : اي عشان يخصم من درجاتنا فوق ما انها مخصومه
ابو سيّاف : انا شقايل لكم من اول يويلكم لو تجيبون درجات تسود الوجه
ابو نـواف : والعقال جاهز
ضحكت غنـد ونطقت : متى بس نشوفكم تجلدون ونضحك
بـدر : محد متحمس كثركم واحنا الي بناكلها ونجلد
سعـود : خذولكم اجر وضحكوهم
فهد : احلف بالله ؟
قام ابو سيّاف : انا اقول كل واحد يروح دوامه لا تتاخروا
فهد : بدر ان نشبت لي نفس امس بتوطاك
بدر : ماني ناشب تونا المحاضره بعد ساعه
قامت سجى من السفره وتوجهت للمطبخ ، دخلت المطبخ وطلعت من الثلاجه مويا ثلج ودخل مشعل وراها ونطق : اا سجى
لفت عليه سجى ونطقت : سم؟
مشعل : انتِ بثاني صح؟
سجى : ايوا ليه ؟
مشعل : امس يوم وصلتك شفتك يوم تطلعين كتابك وتراجعين ولقيتك كاتبه مسئله حلها غلط اذا تبين اساعدك عادي ماعندي مانع
سجى : امانه عاد امس كان اختباري وكنت شاكه بسوال ليكون هو
مشعل : اذا رجعتي اليوم اعلمك انا دايم اذاكر بالعصر اذا تبين اشرح لك ابشري
ابتسمت سجى ونطقت : مشكور عندي اصلاً بكرا فاينل وكنت بروح عند صديقتي تشرح لي
مشعل : انا اشرح لك اذا تبين
سجى : تم العصر اجيك وتشرح لي اذا فاضي
مشعل : اكيد موجود باي وقت ، تبون اوصلكم اليوم ؟
سجى : والله مدري بسال عنـود اذا بتوصلنا
هز راسه مشعل وتقدموا يدخلون المجلس
سجى : عنـود بتوصلينا اليوم ؟
عنـود : لا عندي قضيه مهمه اليوم
وتين : اجل من يوصلنا !
مشعل : انا اوصلكم
ام عنـود : تعبناك يامشعل امس موصلهم وجايبهم
ابتسم مشعل : شدعوه عادي ماوراي شي
ام سيّاف : كفو وليدي حافظكم الله
ابتسم مشعل وطلع للسياره ينتظرهم
ام ميهـاف : ميهـاف تعالي ابيك بالغرفه ، ناظرت ميهـاف بامها الي كانت مبتسمه وكانت عارفه ليه تبيها ، تقدمت تطلع للغرفه ودخلت وسكرت وجلست بالسرير معها
ميهـاف : خير يمه ؟
ام ميهـاف : كل خير بس في واحد متقدم لك
ميهـاف : مين ؟
ام ميهـاف : هذيك الي شفناها بالعرس وجت امس ملكة تـوق وفيصل ، انتِ استخيري وقولي لي ، هي ولدها زين ويشتغل بشركة ابوه وهم بيجون اليوم
ناظرت ميهـاف بامها : ليه يجون ماوافقت !
ام ميهـاف : عارفه يبنيتي بس الام اصرت الا تجي وتشوفك مره ثانيه
تذكرت ميهـاف نـواف ولو يدري انهم بيجون اليوم ممكن يسوي شي ومستحيل يعدي اليوم على خير : تمام يصير خير
ابتسمت ام ميهـاف ونطقت : لا تطولين اليوم تعالي قبل المغرب
قامت ميهـاف ووجهها مايدل على الفرح كان كل تفكيرها بنـواف الي خايفه انه يسوي شي بنفسه او بالولد : تمام انا بطلع الحين
