بــارت 5
بعد صلاة المغرب صار بيت الجـد مزدحم بالحريم والرجال
وكانوا كل الحريم بالمجلس ماعاد هنـاي الي بغرفتها ولا طلعت ، قامت ريـوف تصعد غرفة هنـاي ودخلت وشافتها تصلي المغرب جلست بالسرير تنتظرها وبعد ماخلصت لفت هنـاي على ريـوف وجلست بحضنها وبدت تبكي من جديد
، مسحت ريـوف على راس هنـاي ومهمها حاولت تهديها الا انها ترجع وتبكي من جديد مافي شي بيشفي قلبها المكسور
نطقت هنـاي وهي تبكي : ريوف قلبي يعورني يا ريوف
نطقت ريـوف : بسم الله على قلبك ياقلبي
هنـاي : ابي اموت ماعاد في شي بالدنيا اخسره كل شي خسرته امي وابوي وجدي وش باقي ماخسرته ؟ تحملت اشياء فوق طاقتي معد ابي اعيش
مسكت ريـوف راس هنـاي تقومها : هنـوي وش هالكلام يويلك لو عاد تقولين كذا سامعه ! وكل شي مقدر ومكتوب مالنا حق نعترض على اقدار ربي قومي ياقلبي البسي الحريم تحت وروحي عند جدتي تحتاجك هالوقت
هزت هنـاي راسها بالموافقه : تمام اطلعي ابدل
طلعت ريـوف وكانت هنـاي بحاله ماتتمناها لعدوها تحس ان كل شي مات حتى هي من داخلها ماتت
قامت وبدلت ملابسها ونزلت شافتها الجـده وفتحت يدينها تجي عندها
تقدمت هنـاي ورمت نفسها بحضن الجـده وكملت تبكي وماكان في شي قادر يوقفها عن البكي
مسحت الجـده على راس هنـاي وتركتها تكمل تبكي وتفرغ كل الي بداخلها
وعنـد البنات الي كانوا يبكون طلعت عنـود برا المجلس وتقدمت تروح المطبخ تشرب مويا وجلست بالكرسي
دخل سلمان المطبخ متجاهل البنت الي معطيته ظهرها وفتح الثلاجه واخذ علبة مويا
لفت عنـود من حست ان في احد دخل المطبخ وشافت سلمان بصدمه ونطقت : وشعندك داخل بدون ماتدق !!
لف سلمان عليها ونطق : ماكنت ادري انك هنا
عنـود : كل ذا وماشفتني !
سلمان بعصبيه : خلاص عاد ماشفتك لا تسوينها سالفه
عنـود بعصبيه : ومن الادب قبل لا تدخل تدق الباب مفهوم !
تكتف سلمان : لا مو مفهوم وش عندك؟
طلعت وتركت المويا ماشربتها : سد نفسي حتى من المويا اف الله يعين ليت جدي ماطلب مننا نسكن ببيته بشوفه كل يوم
عند الرجـال كان فيصل يصب القهوه هو ونـواف وسعود ومشعل
ابو عنـود : اجرنا واجرك عظيم
بدت تتكر هالجمله كثير وبدا المجلس يزدحم
همس سعـود لفهد : المجلس صار مليان وين نستقبل الباقي !
فهـد : والله مدري ليتهم يمشون تعبت من المغرب واقف
سعـود : حتى انا والله
تقدم مشعل لهم ونطق : ذولا مايشبعون اول مره يشربون قهوه ! صبيت لواحد عشر فناجيل
شاف ابو سيّاف فهد وسعود ومشعل يتهامسون: شعندكم ويلا على العشاء حطو القهوه
ابتسموا بارتياح ونطق ابو سيّاف بصوت عالي : حياكم الله ع العشاء
تقدموا يتعشون وكانوا كلهم مجتمعين ع العشاء باستثناء فيصل الي طلع غرفته وشاف الكتاب الي فيه صورة تـوق وفتح الكتاب واخذ الصوره وقعد يتاملها ويلمس كل زاويه بوجهها تنهد ونطق : كنت ابي اجي انا وجدي واتقدم لك بس راح جدي كان وده يشوف عيالي قبل لا يموت ومات ولا شاف عيالي متحسف قد الدنيا لاني ماقدرت اخليه يشوف عيالي
تنهد ورمى نفسه بالسرير ونام وهو حاضن صورة تـوق بحضنه
