بــارت 14
الصبـاح صحت هنـاي ووسـن وكان بدري ولسه باقي العايله ماصحت ونزلت هي ووسـن للمطبخ تسوي فطور ، دخلت المطبخ وحطت وسـن بالطاوله وبدت تفكر وش تسوي لها فطور وفتحت جوالها تدور لها اكله سريعه وشافت فرنش توست وابتسمت لوسـن وقفلت جوالها : بنسوي فرنش توست وبتساعديني !
بعدت عن وسـن وفتحت الثـلاجه تطلع البيض والحليب وتقدمت تحط المكونات جنب وسـن وتطلع الصحن وباقي المقـادير وبعد ماطلعتهم وجهزت كل شي بالطاوله مسكت يدينها على خصرها ونطقت لوسـن: يلا نسوي مع بعض !
هزت وسـن راسها بابتسامه ومسكت البيض تمده لهنـاي ، مسكت هنـاي يد وسـن الي فيها البيض وكسرت البيض على طرف الصحن
ابتسمت وسـن ونطقت بفرح : هيييي
ضحكت هنـاي على وسـن وحطت باقي المقادير للصحن واخذت الخفاقه تخلط ومسكت وسـن معها يخلطون مع بعض وناظرت هنـاي وسـن الي تضحك وكان هالشي بالنسبه لها شي حلو تحاول قد ماتقدر تخليها مبسوطه من وهي صغيره وماتخلي عليها قاصر وتحسسها بالام والابو وتخاف عليها اكثر من نفسها كانت وسـن بالنسبه لهنـاي حاجه غاليه تركتها امها لهنـاي تركت روح لهنـاي تربيها وتهتم فيها وماكانت تخليها تنام عند احد غيرها كل ماشافتها تذكرت امها بالملامح وتذكرت ابوها بالابتسامه تشوف ملامح امها وابوها عند وسـن الي اخذت ملامحهم وصارت تشبهم كثير
، وقفت خلط واخذت التوست تغمسه ومدت لوسـن توست تغمسه وابتسمت وهي تحطه وتعلم هنـاي انه حطته
هنـاي : شطورره وسون يلا نحطه ع المقلا
نزلتها من الطاوله وتقدمت تحط التوست وتنتظره يستوي واخذت جوالها ونزلت عشان توصل لطول وسـن وحضنتها تتصور معها
هنـاي : وسووون اضحكي
ضحكت وسـن وهي تبوس خد هنـاي وابتسمت هنـاي من التقطت الصوره وشافتها ولفت على وسـن تبوسها بخدها وقامت تشوف الفرنش توست وبعد ماخلص حطته بحصن ورفعت وسـن تقعد بالطاوله وتحط التوت معها
اكلت وسـن من التوت وبحركه عشان ماتعرف هنـاي ، ناظرتها هنـاي وهي تضحك : مين الي اكل التوت !
رفعت وسـن كتوفها بعدم معرفه وهي تضحك وكملت وسـن تاكل
ضحكت هنـاي : وسووون لا هذول نحطهم بالتوست
كملت هنـاي تحط وبعد ماخلصت اخذت ادوات القهوه تسوي لها قهوه
ومسكت هنـاي الفلتر تمده ولوسـن واشرت لها تحطه بالقمع : وسوني حطيه هنا !
حطته وسـن وصفقت لها هنـاي وبدت تطحن البُن وتحطه وبعد ماخلصت صبته للكوب وحطته بالصحن مع التوست ونزلت وسـن من الطاوله يروحون الصاله ياكلون
دخلوا الصاله وجلسوا بالكنب وفتحت هنـاي ايبادها وشغلت لوسـن اشياء اطفال تشوفه عشان تاكل واخذت جوالها تطقطق فيه وتاكل وتشرب قهوتها
، صحى فيصل ونزل للصاله وشاف هنـاي ووسـن جالسين ، ابتسم من شافهم وتقدم لهم
رفعت انظارها هنـاي وابتسمت: صباااح الخير
جلس فيصل جنبها وابتسم : انتِ ووسون النورر
هنـاي : تبي اسوي لك قهوه وتاكل معنا ؟
فيصل : لا قلبي بس ابيك بموضوع
عدلت هنـاي جلستها واخذت قهوتها بيدها : امرني تبي اساعدك بتجيهزات العرس ؟
فيصل : لالا خلي عرسي على جنب ابيك بموضوع ثاني
استغربت هنـاي ونطقت : موضوع ايش
فيصل : لو تقدم لك شخص بتوافقين ؟
ناظرت هنـاي قهوتها ورجعت انظارها له : مين هو ، وشربت قهوتها ونطق فيصل : سيّاف ولد عمي ناصر
شرقت هنـاي بالقهوه وقرب فيصل منها يضرب ظهرها : صحه صحه
انصدمت هنـاي وهي مو مستوعبه كلام فيصل وتحسه كذب مستحيل سيّاف الي يعاملها بالسلوب خايس ويخليها تزعل يتقدم لها
فيصل: هنوي حبيبتي اعرف انك انصدمتي بس اسمعيني زين سيّاف لو تلفين الارض لفه لفه ماراح تلقين نفسه وبالنهاية ولد عمي ناصر وعمي ناصر يحبك ويعاملك معاملة بنته وانا خايف عليك ياهنوي خايف على نصيبك وامي وابوي وجدي موصيني عليك كلهم خافين عليك وعلى نصيبك بس دام النصيب من سيّاف بكون متطمن لان سيّاف ولد عمي واعرفه وتربينا مع بعض
ناظرت هنـاي وسـن الي تاكل وتناظر الايباد وتضحك ورجعت انظارها لفيصل : بس فيصل وسون لسه صغيره على اني اتزوج واتركها مستحيل اتركها لو يصير الي يصير وسيّاف ماتوقع بيوافق يخلي وسـن تعيش معي
فيصل: من قال لك انك بتتركين وسن ؟ وسن بتعيش معك وسيّاف يحب وسـن وموافق تعيش معكم وانا اخوك فكري واستخيري ولا تخافين دامني حي والله مايجيك شي لا منه ولا من غيره
هزت راسها هنـاي بابتسامه خفيفه وناظرت وسـن وهي تفكر وخايفه ماتوقعت ولا واحد بالميه سيّاف ممكن يتقدم لها وهو كل ماشافها طلع حرته فيها
قام فيصل : هنو ياروحي خذي وقتك فكري وان ارتحتي تعالي كلميني
ابتسمت هنـاي تهز راسها وطلع فيصل لغرفته ورجعت ظهرها للجدار وهي تفكر وخايفه ، اخذت وسـن تطلع معها للغرفه وجلست بالسرير تهوجس وتفكر وهي خايفه لان هذا زواج مو لعبه خايفه توافق ويكون عصبي معها ومايعاملها معامله زينه وصارت تفكر باشياء كثيره
