بــارت 6
استغربوا البنات من هنـاي ولاحظوا ان فيها شي بس مب راضيه تتكلم
غنـد : خلاص خلصنا امشو نحاسب
تقدموا البنات للكاشير وشافهم فهد وسيّاف وراحوا عندهم ونطـق سيّاف : روحوا السياره انا بجيب الاغراض
طلعت هنـاي اول وحده وركبت بسيارة فهـد وركبوا الباقي وشافت ميـلاف هنـاي الي راكبه معهم وعرفت ان سبب بكاها سيّاف ونطقت : ركبتي هنا عشان سيّاف هاوشك صح ؟
لفت هنـاي تناظر الشباك : يخسي ويعقب يهاوشني اصغر عياله انا
ركب فهـد سيارته وكذلك ركب سيّاف سياره ولف يتاكد اذا كل البنات موجودين الا هنـاي ، لف على تـوق وسالها : وين هنـاي ؟
تـوق وهي تناظر بجوالها : ركبت مع فهـد
تجاهل سيّاف ومشى وكان يهوجس فيها وبتصرفه الي صار بالبقاله وحس انه تصرف بغباء وزعلها
ناظرت تـوق الكوفي ولفت على سيّاف ونطقت : سيّاف نبي قهوه تكفى !
سيّاف : في بالبيت وشوله نشتري وعندنا
تـوق : سيّاف تكفى الله يخليك
تافف سيّاف ووقف عند طلبات السياره ونطق : هاتوا طلباتكم
لفت تـوق على البنات : وش تبون ؟
عنـود : V60
سجـى : وانا بعد V60
وتيـن : فلات وايت
تـوق : وانا V60
طلب سيّاف اربعه V60 وواحد فلات وايت ، وسمعت تـوق واستغربت لمين الاربعه لانه مايشرب V60 وسالت : احنا ثلاثه ليه تطلب اربعه ؟
سيّاف : لشخص
ابتسمت تـوق وهي عارفه لمين بس تستغبي : لمين ؟
سيّاف : كثرة اللقافه مب زينه
تـوق : مردي بعرف
وصلت سيارة فهـد البيت وطلعت هنـاي مستعجله ودخلت غرفتها ورمت نفسها على السرير وبدت تبكي بسبب تصرفات سيّاف الي مالها حل ومستحيل يتعدل وناشب لها ومكره حياتها ومب عارفه السبب دخلت الحمام ( الله يكرمكم ) وفتحت الدش وجلست ع الارض ماسكه رجولها وتبكي وتسترجع ذكرياتها مع جدها وتقول بينها وبين نفسها " اشتقت لك ياجدي ارجع من رحت وانا مو بخير سيّاف ناشب لي ومكرهني بحياتي ومو مخليني اخذ راحتي وينشب لي بكل شي اقوله ويطقطق علي ارجع وجيب معك امي وابوي ارجعوا جددو البسمه على وجهي من رحتوا عني وانا ماعمري ضحكت من قلبي احاول انسى واعيش حياتي بس كل شي حولي يذكرني فيكم ارجعوا ولا خذوني معكم تروحون وتخلوني لحالي ليه !!! ليه قاعده اعيش كل هالتعب !
شافت موس بالمغسله واخذته وبدت تجرح نفسها وكانت تجّرح بشكل قوي لين ماشافت الد*م على الارض ينتشر طلعت من ( الحمام ) الله يكرمكم ودخلت غرفتها تلبس فستان نوم كم عشان مايشوفون يدها وحطت كريمات ونزلت لهم وعيونها منتفخه من كثر مابكت
، دخلت المجلس الي كانوا متجمعين بس حريم وكل الرجال نايمين ماعاد العيال الي صاحيين ، دخلت وجلست جنب عنـود ، لفو عليها البنات مستغربين من يوم راحوا البقاله الين الحين وهم فيهم فضول يعرفون وش فيها هنـاي الي مو راضيه تتكلم
مسكت ميهـاف فك هنـاي ونطقت : قلبي وشفيك من يوم رجعنا وانتِ مو على بعضك ؟
نزلت هنـاي راسها تمسك دموعها وقالت : مافيني شي شوية تعب بس
وصلـت سيـارة سيّاف ودخلوا البنات ودخل سيّاف وطلع غرفة هنـاي وحط القهوه بالطاوله ودخل المجلس جلس بتعب : تعبت توبه اطلعهم انا
حط فهـد راسه على حضن بـدر ونطق : اي والله حتى انا
ناظرت فيهم تـوق وميلت راسها : عادي مشعل الحب يودينا
ناظر فيها مشعل : لا تكفين شيليني من بالك
مثلت تـوق بوجه حزين : افا يا مشعل كذا تقول وانا احبك اكثر من فهـد وسيّاف ؟
مشعـل : مشكله مقدر ارد لك طلب تبشرين
فهـد : ترا كذاب يقول كذا عشان يسلك لك
تـوق : انطم انت كلنا ندري انك تغار
ناظرت هنـاي بسيّاف الي كان يناظرها ولا شال عيونه عنها ، قامت ونطقت : انا بروح انام
عنـود : تو الناس
غنـد : منجد كنا بنلعب لعبه !
هنـاي : خلوها للكشته ازين
وتيـن : تصبحي على خير
هنـاي : تلاقيه حبي
ناظر فيصل بهنـاي الي من يوم جت وهي مو على بعضها ونطق : هنـاي تعالي شوي ابيك
لحقت هنـاي بفيصل وراحوا الحوش وحضنها : وشفيك ياقلب اخوك من مزعلك ؟
تذكرت هنـاي سيّاف وتصرفه بالبقاله : مافيني شي بس شوي تعبانه
فيصل: متاكده ؟ ناقصك شي تبين فلوس ؟
هنـاي : لا تسلم ياعيوني انا بطلع غرفتي ارتاح
هز راسه وهو عارف انها للحين مكسوره من موت جـدها ولا قدرت تنساه وتنسى موته وكان يحاول قد مايقدر يعوضها ويخليها تنسى وتعيش حياتها بس كل شي حولها يذكرها بجدها
