بــارت 8
عنـود : دورنا بكل مكان مالقيناها
تـوق بصوت باكي: هنـاي مب موجوده!
وسع عيونه سيّاف وانصدم: كيف مب موجوده!!!
غنـد : كانت موجوده قبل شوي ومدري وين اختفت !!
طلع فيصل على اصواتهم : وشفيكم
سيّاف : هنـاي مختفيه وماحصلوها البنات
اخذ فيصل وسـن يهديها : قوموا دوروها خلصوني
قام اكل من صغير لكبير يدورها وبعد مده نطق فهد : مخطفوه اكيد ولا مستحيل تبعد عننا !
عنـد هنـاي بالمستودع صحت وكانت تتلفت يمين ويسار على المكان وليه هي هنا ! وحاولت تفك يدها بس كانت مربوطه بقوه
لف طارق من شافها صحت وتقدم لها وابتسم: هلا والله كيفك
هنـاي بحده : فكوني شتبون مني !!!
طـارق : صوتك لا يعلى على زوجك !
انصدمت هنـاي صارت ترجف وتحسب بيسوي لها شي : تخسي وتعقب زوجي وخررر عننني
وصلـت دانـه المستودع وابتسمت بسخريه من شافت هنـاي وتقدمت لها : اووه هنـاي اشتقت لك تتذكرين لما دقيت لك وقلت لك بتندمين !
هنـاي : وتتذكرين وش قلت لك صح ولا !
دانـه : اي يلا خل نشوف اخوك البطل ذا كيف بيجيبك
ناظر طارق على دانـه ونطق : وش بنسويها فيها ؟
دانـه : بنخليها مخطوفه ومحد بيعرف مكانها ولا بنعطيها اكل ويويل الي اشوفه يعطيها اكل خلوها تتعذب زي ماتعذبت بحياتي بسببها هي واخوها
هنـاي : تعذبتي ؟ هذا الي تستاهلينه وبيجيك اكثر
تنرفزت دانـه من كلام هنـاي وقربت منها وطلعت موس حاد وجرحتها بفكها
تهاؤهت هنـاي بالم : وخررري يا حيوانه
دانـه بسخريه : وش شعورك ومحد يعرف مكانك ومستحيل يلقونه !
هنـاي : نفس شعوري لما تشوفين اخوي وراك !
دانـه بحده : يخسي ويعقب يشوف مكانك
طلعت دانـه تكلم خالد وطارق بعيد عن هنـاي ونطقت : خلو عيونكم عليها تراها مب هينه بأي لحظه ممكن تنحاش منكم وبجي كل يوم اشيك تمام !
خالد : تمام
لف طارق لها وهو يفكر كيف ياخذها وينحاش ومستحيل يخلي اي احد ياخذها منه دامه حطها براسه !
لف على دانـه ونطق : طيب
تقدمت دانـه وطلعت ورجع طارق عند هنـاي ونزل لين ركبها ونطق بابتسامه : تدرين انك بتكونين زوجتي !
رفسته هنـاي برجلها ودفته ع الارض : تخسي وتعقب
، فار دمه من حركتها وتعدل بجلسته ومسكها من خصرها ونطق بسخريه : بتكونين زوجتي غصب عنك رضيتي ولا انرضيتي
استسلمت وهي تحاول تفك نفسها وتبعد طارق عنها ونزلت راسها تبكي
مسكها طارق من فكها يرفع راسها ويمسح دموعها ونطق : حتى دموعك حلوه! ، تقدم يقبّل فكها بمكان الجرح وبابتسامه
، حاولت تبعد راسها عنه ورفسته برجلها على وجهه ونطقت : وخر عني وخر ياحيوان ما احل لك عشان تبوسني !!!
طارق بحده : قسم بالله لو عاد تسوين حركه ماتسلمين مني ! وبتكونين زوجتي غصب عليك
هنـاي بعصبيه وصوت عالي : وتخسي وتعقب اكون زوجتك !
تقدم خالـد لهم ونطق : طارق وشبك خلاص خلها
لف طارق على خالد ونطق بحده : مايخصك وانقلع انا بقعد معها وانتبه لها
طلع خالد من المستودع يدخن وتركهم لحالهم
عنـد عائلة الجـد عقّـاب كلهم جالسين ويفكروا كيف يوصلوا لهنـاي واصلاً كيف اختفت ومن الـي خطفها وكيف اختفت من انظارهم ومحد انتبه !
سيّاف الي كان يهز رجوله ويفكر : جوالها معها ؟
غنـد : اي اي هي اصلاً قامت والجوال معها
فهـد : اعرف اطلع موقعها من الجوال !!
كانت تبكـي الجـده على هنـاي ونطقت : تكفى يافهد طلع لي هنـاي مابي افقدها نفس مافقدت جدكم
فهـد : احتاج لابتوب !
ريـوف : انا جايبه لابتوبي لحظه اروح اجيبه
دخلت ريـوف بيت الشعّر واخذت اللبتوب ومدته لفهد
، اخد فهـد اللابتوب وصار يحاول يطلع مكانها وبعد مُده طويُله وكلهم متجمعين حول فهـد نطق فهد : طلعتتتهه
سيّاف : عطني الموقع خلصني !
فهـد : مقدر ارسله على الجوال بناخذ اللابتوب اذا ماعندك مانع ياريوف !
ريـوف : اكيد ماعندي مانع خذوه
فيصل: انا بروح انا ونـواف وسيّاف الباقي اقعدوا هنـا
ابو سيّاف : انا بجي معكم لا تروحون لحالكم
ابو نـواف : دقو علي اول ماتلقونها سامعين !
فيصل : تمام
ركب فيصل وفهد ونـواف وابو سيّاف بسياره وحده وسيّاف بسيارته لحاله وصار يمشي وراهم
فهد : فيصل الموقع اختفى !!!
فيصل بعصبيه : تستهبل كيف اختفى
فهد : في احد طفى الموقع !
دق فيصل على سيّاف : سيّاف الموقع اختفى !
سيّاف بدهشه : كيف اختفى مو كان شغال !!!!!
فيصل: يقول فهد في احد طفى الموقع خلينا نتزوع روح مكان ثاني وانا بروح مكان ثاني واذا لقيت شي كلمني
سيّاف : طيب
قفل سيّاف من فيصل واسرع بسيارته وعبر طريق كان فاضي وبعيد وصار يمشي وبعد مُده طويله نوعاً ما شاف مكان مهجور وظلام وشاف واحد يدخـن ، نزل ومشى بخطواته عنده ووصل ونطق : السلام عليكم
خالد : عليكم السلام نعم ؟
سيّاف : بسالك ماشفت بنت لابسه فروه وشعرها طويل ؟
عرف خالد ان هالشخص يدور على هنـاي وتوتر وبلع ريقه ونطق : لا ماشفت ماتشوف المكان مهجور وش بيجيبها !
استغرب سيّاف من اسلوبه وتوتره ونطق : تمام شكراً
تقدم سيّاف يدخل سيارته ودخل خالد مسرع بخطواته عند طارق ونطق وهو يلهث : طارق في شخص يدور على البنت
ارتاحت هنـاي من حست ان اهلها يدورون عليها وصارخت باعلى صوت : فيصلل
مسكها طارق من فمها يسكتها ونطق بحده : انطمي !!!
عضت يده بقوه وصارخ من الالم : احح فكيييي
تقدم خـالد وضربها كف على خدها ومسكها من كتوفها : انطمي ولا وربي لاتصرف معك تصرف ثاني
مسك طارق خالد من ياقته وضربه كف ونطق بصور عالي : تمد يدك عليها ياحيوان !!!!
