بــارت 4
في الصبـاح صحـت هنـاي وسوت جريش لجـدها وجهزت الاكل وكل شي وحطته بالحافظه وتقدمت تطلع تصحي جدتها وفيصل
دخلت غرفة الجـده وشافتها تصلي الظهر ، خلصت صلاة ونطقت هنـاي : جده تجهزي بصحي فيصل يودينا الحين
هزت الجـده راسها بالموافقه وقامت تتجهز وطلعت هنـاي من غرفة جدتها وراحت تصحي فيصل
فتحت الباب وكان صاحي استغربت وقالت: فيصل يصحى قبل لا نصحيه !!!! معجزه ذي
ضحك فيصل ونطق : لا بس دق علي عمي محمد يقول جدي يبي هنـاي ووسـن وجدتي يجون
نزلت هنـاي راسها ونزلوا دموعها : فيصل تتوقع افقد جدي زي مافقدت امي وابوي ؟
ضمها فيصل وحاول يمسك دموعه : كل شي بيد ربي مالنا اعتراض على اقدار ربي ياهنوي وامسحي دموعك لا تخلين جدي يشوف دموعك يلا
هزت راسها بالموافقه وطلعت تتجهز
وبعد مده تجهزوا وتوجهوا للمستشفى ، وصلوا المستشفى وكانت هنـاي تحاول تتماسك دموعها عشان مايشوفها جدها وهي تبكي
دخلوا الغرفه وكان الجـد صاحي ومعه ابو عنـود لف من شاف الباب انتفح ودخلت هنـاي ووسـن والجـده وفيصل
تقدمت هنـاي لسرير جدها تحضنه : اشتقت لك ماقدرت انام امس وقمت الصبح سويت لك جريش اعرفك تحبه
ابتسم الجـد بتعب وقبلها : ياجعلني ما انحرم منك والله انك اجمل حفيداتي
نزلت دموع هنـاي لا إرادياً : ولا افقدك
شاف الجـد وسـن الي تطالعه وخايفه تقرب منه لان بيده ابره
لفت هنـاي على وسـن واخذتها : شوفي جدو
اشرت وسـن على يد الجـد الي فيه ابره : واوح
ضحكوا الكل على وسـن ونزلتها هنـاي وجابت طاولة الاكل وفتحت الحافظه وبدت تأكل جدها ، نطق ابو عنـود : جابوا له اكل بالصباح وحاولت أأكله بس ماعجبه
كانت الجده قاعده ع الكرسي والود ودها تضم زوجها عقاب لان تحسه بيروح وهي ماودعته بس كان ولدها واحفادها موجودين
نطقت هنـاي وهي تأكل جدها : اكل المستشفيات مره ماينبلع
الجـد : بس خلاص شبعت
هنـاي : لا تكفى يجدي وش شبعت ما اكلت زين
الجـد : لا خليه لليل مابي الحين
بعدت هنـاي الطاوله وقعدت جنب جدها
نطق ابو عنـود : فيصل تقدر تجلس اليوم عنده ؟ لان اليوم عندي اربع عمليات وماراح اكون فاضي اشوف ابوي
هز فيصل راسه : اي اي اكيد بقعد عنده وعمي ابو سيّاف قال بيجي
هز ابو عنـود راسه بالموافقه : استاذنكم عندي عمليه الحين بروح
فيصل : اذنك معك
طلع ابو عنـود وقعدوا يسولفون مع الجـد وبعد مده وصل ابو سيّاف وعياله وزوجته
كانت هنـاي تسغل يدها لفت من شافت الباب انفتح ودخل سيّاف واهله
شاف سيّاف هنـاي وتجاهلها ودخل يسلم على جـده
تقدمت تـوق تحضن جـدها : ماتشوف شر ياجدي قدامك الف عافيه
ابتسم الجـد : الشر مايجيك يبنيتي
شاف فيصل تـوق وتضايق لانه مايقدر يتقدم لها هالفتره بسبب تعب جـده
ناظرت فيه تـوق وابتسمت وصدت عنه ، لفت تـوق على هنـاي ونطقت : انتِ مو كان عليك فاينل اليوم !!!
هزت هنـاي راسها : ايوا وغبت
تـوق : هنـاي تستهبلين ضروري تختبرينه
هنـاي بعصبيه : ماني مختبره خلاص عاد
ناظر الجـد هنـاي ومسك يدها : ليه يبنيتي مارحتي تختبرين وتجين بعد الاختبار ليه تغيبين
هنـاي : شوفتك اهم من الاختبار
الجـد : ارجعي البيت ذاكري وداومي بكرا واختبري وبعدها تعالي لي ولا بزعل
هزت راسها بالموافقه واخذت وسـن وكانت بتطلع ونطقت تـوق : هنـاي لحظه لحظه بجي معك مايصير تقعدين لحالك
هنـاي : طيب يلا
طلعت هي وتـوق وشافت فيصل وتقدمت له : فيصل وصلني البيت
استغرب فيصل ونطق : ليه توك جيتي
تنهدت هنـاي : عندي فاينل بكرا بذاكر ، لف وراه وشاف تـوق وابتسم : تمام يلا
طلعوا من المستشفى متجهين للبيت ولفت هنـاي لفيصل ونطقت : جوعانه ابي من ماك
فيصل: احد يتغدى من ماك ؟
هنـاي : انا
وقف فيصل عند ماك : وش تبين
هنـاي : امم ابي جراند تشيكن ديلوكس
لف فيصل على تـوق : توق وش طلبك ؟
تـوق : مابي
فيصل : الا تبين بطلب لك نفس هنـاي
ابتسمت تـوق بخجل ولفت تناظر الشباك
هنـاي : لا تنسى تطلب لوسـن هذي اول وحده تطلب لها عشان ما تناشبني بوجبتي
ضحك فيصل وطلب لوسـن وجبة اطفال وطلب له
تقدم واخذ الطلب ووقف بمكان عشان ياكلون
لفت هنـاي تشوف تـوق اذا تاكل : عافيه
ابتسمت تـوق : تعافيك
فيصل : من عمكم ؟
هنـاي : يليل الحين بيذلنا ذل عشان جاب لنا من ماك
فيصل: اكيد بذل بفلوسي
هنـاي : امشي يلا وراي مذاكره
فيصل: يقدمي من باقي يدرس
هنـاي : فيصل خل اليوم يعدي على خير
ضحكت تـوق وسمع فيصل صوت ضحكتها وابتسم
وصلوا البيت ودخلت هنـاي وتـوق ووسـن وطلع فيصل لدوامه
دخلت تـوق المطبخ تشرب مويا ولفت على هنـاي الي دخلت معها المطبخ : تـوق احس خايفه احساسي بيصير شي اليوم
حضنتها تـوق ومسحت على ظهرها : تعوذي من ابليس وروحي ذاكري ولا تفكرين كثير
تنهدت هنـاي وطلعت غرفتها وبدلت ملابسها وبدت تذاكر
