- عند فيصل وتـوق -
سمع فيصل صوت نداء طيارتهم وقام يصحي تـوق ويطلع تذاكرهم
فزت تـوق وتنهدت تستوعب وينها ونطق لها فيصل: يلا تـوقي طيارتنا جت
قامت تـوق وعدلت شكلها وتقدموا الاثنين يدخلون الطيـاره واخذ فيصل شنطته وشنطتها يحطها بالصندوق الي فوق وجلست تـوق عند الشباك وجلس فيصل جنبها وربط حزامها وربط لنفسه حزامه
ابتسمت تـوق من شافت الطياره اقلعت وقعدت تشوف الغيوم
فيصل: كملي نومك ترانا مطولين
هزت تـوق راسها بـ لا: بشوف الغيوم بعدين اكمل نومي
هز راسه فيصل وحط المخده على راسه ينام على بال مايوصلون وكملت تـوق تشوف الغيوم ولفت على فيصل الي نـام وتركها تجلس لحالها ونطقت : حيوان صدق على طول نام
وحطت راسها على الطاوله تحاول تنام على بال مايوصلون
- عنـد سيّـاف -
وصل باريس ونزل سماعته على رقبته وقام وبعدت جود وهي تناظره باعجاب ولف سيّـاف على اخوياه الي نزلوا وفتح صندوق الشنط يطلع شنطته ونطقت جود بدلع : ممكن تطلع شنطتي ؟
سيّـاف وهو صاد : اي وحده ؟
اشرت جود على الشنطه وطلعها سيّـاف ونزلها على الارض واخذ شنطته ينزل من الطياره وناظر اخوياه الي واقفين ينتظرونه وتقدم لهم ونطق : وش تحسون فيه يوم تحجزون لي جنب وحده ؟ ليه ماحجزتوا لي معكم !
راكان : ياخي الطياره فل ذولي المقاعد الي لقيتهم وحجزتهم على طول
أحمد : بس البنت مُزه تهبل
سيّـاف : ابلشتني الله يبلشها تسولف واجد وقمت حطيت السماعه عشان ما اسمع صوتها
أحمد :طيب وشفيها لو سولفت معها
سيّـاف : انت لو ماسكت بحط حرتي فيك
ورفع يده ياشر على اصبعه الي فيها الدبله : ماتشوف ؟
احمد باستيعاب وضحك : نسسيت ياخي والله
راكان : اقول امشوا بس السياره حقتنا وصلت ابي انااام تعبت
سيّـاف : ننام للمغرب ونصحى نطلع ناكل مالي نفس اكل الحين
أحمد : انا جوعان بنزل اكل مافيني نوم نمت بالطياره
سيّـاف : طيب وصحينا المغرب نقوم نتجهز ونطلع
احمد : تم
دخلوا السيـاره الي طلبوها توديهم الفندق وحطوا الشنط ودخلوا السياره ومشوا للفنـدق واول ماوصلوا تقدم سيّـاف وراكان واحمد للاستقبال
سيّـاف : انا باخذ لي غرفه لحالي وانت يا راكان واحمد غرفه لكم الاثنين
هزوا راسهم وطلبوا غرفتين وصعد سيّـاف لغرفته وراكان واحمد لغرفتهم مع بعض
دخل سيّـاف الغرفه وحط الشنطه وجلس على السرير بتعب وخمول واخذ جواله يفتحه ويدق على هنـاي من تذكرها ودق عليها وتعدل بجلسته وسرعان ماوصلته صورتها بالمكالمه وابتسم ونطق : يامرحبا ياغاية القلبّ وأحب ناسي
ابتسمت هنـاي بخجل ونطقت : وصلت ؟
سيّـاف : اي والله توني وصلت
هنـاي : الحمدلله على السلامه
سيّـاف : الله يسلمك
هنـاي : وين اخوياك مو قلت انك مسافر معهم ؟
سيّـاف : بغرفه لحالهم وانا بغرفه لحالي عشان اكلمك
هزت هنـاي راسها بفهم ونطق سيّـاف : وين وسون ؟
لفت هنـاي على وسـن الي قاعده تطالع بالايباد وجالسه على بطنها ورافعه رجولها ، ضحك سيّـاف على جلستها ونطق : وش هالجلسه
رجعت هنـاي الجوال عليها وضحكت : متعوده كل ماعطيتها ايبادي تطالع فيه تجلس كذا دايم
سيّـاف : زين كيف كان يومك ؟
هنـاي بتفكير وتذكرت المسابقه : حلو وتخيل شاركت انا وميـلاف بمسابقة
عقد سيّـاف حواجبه : مسابقة وشو
هنـاي : بالجامعه وشفنا هذاك تركي خوي نـواف
سيّـاف : اي هو دكتور
هنـاي : اي قال ان الجامعه طلبت منه يجي عشان المسابقه
سيّـاف : يلا يا زوجة سيّـاف ابيك الاولى بالمسابقة
ابتسمت هنـاي : ان شاء الله مع اني ماكنت ابي بس ميـلاف اصرت علي
سيّـاف : ولو اني مكان ميـلاف بسوي نفسها وشدي حيلك ماباقي لك شي وتتخرجين
هنـاي : وش هدية تخرجي ؟
سيّـاف : قصدك وش هدايا تخرجي مو هديه وحده
هنـاي بابتسامه: وشهم طيب ؟
سيّـاف : بتشوفينهم قريب
هنـاي : احتريهم وبذكرك
ضحك سيّـاف : اي زين ان شاء الله ماراح انسى ، وين امي وابوي والباقي
هنـاي : كلهم تحت انا توني صعدت اذاكر عندي كويز بكرا وجالسه اذاكر
سيّـاف : زين ما اطول عليك اذا خلصتي كلميني
هنـاي : تم وصورلي كل شي
ابتسم سيّـاف : بشرط
هنـاي : وشهو
سيّـاف : قولي أحبك سيّـاف
هنـاي : باحلامك
سيّاف: بوسه طيب
هنـاي : لا
سيّاف: وحده منهم يابوسه يا احبك بسرعه وش تختارين
هنـاي : ولا وحده وطير بكمل مذاكره ويويلك ان ماصورت لي ببلكك
ضحك سيّاف: ماقلتي لي ماراح اصورلك
هنـاي : طيب يا سيّاف ان مابلكتك من كل مكان
سيّاف: لا خلاص بصورلك تسوينها اعرفك
ضحكت هنـاي وبانت غمازاتها: شطور
ابتسم سيّاف من لمح غمازاتها الي تاخذ قلبه ونطق لها : لحظه لا تقفلين
هنـاي : ليه
قام سيّاف ووقف عند الشباك وعكس الكام يوريها المناظر والعالم ونطقت : واو تهببل
لف سيّاف الكام لوجهه : انا ولا باريس ؟
هنـاي : باريس طبعاً !
سيّـاف : الايام بيننا ياهنو
ضحكت هنـاي : زين
وقفلوا من بعض وحط سيّاف جواله على الطاوله وشغل المكيف وحط راسه على المخده يعلن نومه بعد سفره طويـله
