كبار عيلة بيت المال.. الثلاثه هادم مش خوت ولاد عم..كل واحد فيهم عايش في نظام خاص بيه ع حسب افكاره وشخصيته والبيئة اللي تربى فيها.. أكبرهم "مرعي" راجل نشأ في بيئة متدينه فيها شي كبير من التزمت اللي فارضه بوه عليهم ومع ذلك ماتعقدش من الدين ونفر منه بالعكس زاد تمسك بتدينه لكن بطريقة مختلفه عن طريقة بوه..تزوج في سن صغير وجاب ولدين وتلاته بنات اصغرهم "للاهم" اللي جابتها امها وتوفت وموتها دخل حزن كبير لقلب مرعي لكن مع الوقت تخطاه وكرس حياته لعيلته وللاهم بالنسبه ليه احب صغاره لأن فيها شبه كبير من امها.. ••ومن مرعي لمحفوظ.. محفوظ اصغرهم سنا..عقليته منفتحه ومتأثر بالحياة في الغرب لكنه متمسك بدينه الى حد ما تخرج من الجامعه وطلع برا البلاد تزوج وزوجته اردنيه وجاب منها بنتين بس،وحده منهم بطلة الروايه.. وطبعا في الخارج دار لنفسه امبراطوريه كبيره في عالم المال والأعمال وبرغم هدا كله قعدت علاقته قويه بولاد عمه واكثرهم اللي بنحكي عنه توا.. ••تسعة..ايه اسمه تسعة..غريب وعجيب الإسم بس ليه قصة طويله..تسعة هدا كبير هديكا المدينه راجل قيادي وعنده حكمة وقدره كبير جدا حتى عند كبار الدولة.. تسعة راجل محافظ لكن عنده بعض العيوب حتخليه شخصية مثيرة للجدل في بعض الاحيان.. تسعه متعدد الزوجات وكلهم معيشيهم في قصر واحد هالقصر معروف بإسم "قصر ذهيبة" في هديكا المنطقه.. عنده البنات والولاد،وعايشين معاه في نفس القصر امه وخوته من بوه قيس وبلقيس اللي كان عندها ولد حيربيه مع ولاده وكأنه منهم... عيلة بيت المال عندهم ارض كبيرة هلبه عايشين فيها مع بعض فيها قصر "ذهيبه" ومعاه زوز حياش كبار واحد ل"مرعي" والتاني ل"محفوظ" وهالعيله صحاب النفوذ الاكبر في هديكا المدينه ويملكوا نسبه كبيرة منها والباقي تحت سيطرة عيلة "البندار"..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
