#تشويق
هناء وهي تمرر في نظرها ع المحل قالت..
/للا..
شافتلها للاهم وقالت..
/امم..
حطت يدها ع ذقنها وقالتلها بريبه..
/مش ملاحظه ياوخيتي ان المحل فاضي مافيشي الا حني والشباب اللي يبيعوا..
للاهم قالت بإبتسامه..
/احسن شي بش نشروا براحتنا..
قالت هناء بضحكه..
/اظني سمعوك نهارها لما قلتي كان جيت مرة تانيه لقيته زحمه مش خاشتله..
ضحكت للاهم والضحكه اختفت فجأه وحلت محلها ملامح الصدمه لما سمعت صوت تعرف صاحبه يقول..
"نفضوا ع خاطرها الالف والخمسين غير تعطينا فرصه"
هناء رفعت حواجبها وهي متفاجئه بقوة..غيرت نظرها للاهم لقتها منزله عيونها لإيديها اللي كانت تفرك فيهم ببعض بخجل وتوتر ووجهها محمر اللون...
قدملها وهو يشوفلها كيف عاطيه بالظهر بعدين وقف قدامها وقال..
/وكان مصرة تحرميني من فرصتي معاك خليني نخدمك اليوم بعيوني اللي تعجبك قوليلي عليها واني نجيبهالك لعندك..
