بسم الله الرحمن الرحيم
أرجوا عدم التدقيق في الأخطاء الإملائية .....
( مُعظم المعلومات الي هِنا مِن وحي الخيال، يُرجى عدم تصديُقها)
_ _ _ _ _ _ _ _ _ _ _ _ _ _ _ _ _ _ _ _ _ _ _
توسعت عيوني يوم اني ما شفت شيء، كِل شيء كان مُكانه وما تحرك، ولا في صوت أصلاً! وحتى هالأشياء الي موجودة ما تسوي ذا الصوت العالي!
أجل وش هالصوت؟؟ ركضت لـَ غرفتي وقفلت الباب وراي ...
قعدت على السريروانا اتنفس بسرعة!، اخاف احد يطلع لي الحين!
بعدها بشوي هديت شوي، ثُم قِمت اناظر حولي، الين ما تذكرت اني كنت ادور على الشيء...
قِمت وتوجهت لـَ الدولاب مرة ثانية، فتحت الدرج ولقيت هداية وصور الله لا يوريكُم، حتى ان كِل شيء كان مترب...
لفت نظري صُندوق ان مكتوب عليه *مِن جدتي الغالية* الله يرحم ايام البزوة!
ابتسمت وفتحته، لقيت صندوق صغير داخله، فتحته ولقيت فيه خاتم فضة يلمع حرفياً...
رفعت حاجبي باستغراب، كيف يلمع والصُندوق حقه أصلاً مترب؟ غريب! ...
مسكت الخاتم ولبسته، صراحة ما اذكر هي ليه عطتني اياه، بس الي اذكره انها قبل لا تموت بيوم مدري يومين، عطتني وقالت لي اني اهتم فيه ولا اعطيه لأي احد مهماً كان ...
كان كبير عليّ مرة! وأصلاً لو هي معطتني اياه عشاني، كيف كبير عليّ كِذا؟ مُمكن هذا الي هُم يدرون عليه؟ وِلا وش هالهبل الي انا افكر فيه؟ بالله ما هُم صغيرين عقل عشان ذا! وبعدين مو هذا الي بيدمر عالم ثاقب على قوله ...
خلعته وبغيت احطه بالصندوق لكِن فزيت بخرشة يوم جاء ثاقب فجأة وراي
"امم، يعني هذا هو الورث؟"
رفعت حاجبي على كلامه الغريب، بالله! هذا صادق؟
"ها؟ ثاقب صِدق؟"
"أي، انا ما توقعت شكله يكون كِذا، تشوف شكله ولا شيء لكِن قوته مُمكن انها تذبح عالم كامل!"
حتنا ما توقعت يكون خاتم؟ كيف؟ وبعدين هذا هو الورث؟ انا توقعته يكون شيء كبير مرة!
"طيب ثاقب؟ ليش ما تأخذه وتقضي عليهُم فيه دام انه قوي كِذا؟"
"هالختام لازم له شروط، وانتَ مسوي هالشروط لِذلك انتَ وهُم بس الي تقدرون تستعملونه ... "
