بسم الله الرحمن الرحيم
أرجو عدم التدقيق في الأخطاء الإملائية .....
(معظم المعلومات الي هنا من وحي الخيال، يُرجى عدم تصديُقها)
-يوم ميلادي اليوم، واو مو مصدقة اني دخلت عُمر جدييد!!
_ _ _ _ _ _ _ _ _ _ _ _ _ _ _ _ _ _ _ _ _ _
الساعة :2:10 العصر
دخلت البيت، بعدما تأكدت بانهُم فعلاً ما يشوفونه!
قفلت الباب الباب وراي واستقبلني صوت أبوي العالي من الصالة
"أقول، لا تسوون نفسكُم طالعين منها! كِل واحد فيكُم متزوج لي اربع، وانا عشان واحدة قومتُم الدنِيا؟"
ابتسمت بسُخرية على كلامه، انا مدري هو كلامه صح ولا لا، بس تقريباً ايه، والله ما توقعت يعايرهُم؟
طلعت لـَ غرفتي فوق، ودخلت وقفلت الباب وراي، دخلت الحمام -اكرمكُم الله- تروشت وتوضيت، ثُم طلعت وصليت وبعدها انسدحت على السرير، اليوم كان زي الزفت!
مسكت جوالي الي دق، ولقيته رشيد وباسل! والله موب وقتهُم الحين!
سفهتهُم وسويت نفسي يعني اني مو شايف! وغمضت عيوني بنام لكِنهُم ما بطلوا دق!
فتحت عيوني بعصبية، ومسكت الجوال وفتحته، وبس فتحته ناظروني وقعدوا يضحكون!
رفعت حاجبي باستغراب ورشيد قال "شوفه! بالله عليك، ذا لو سألته سؤالك والله لا يعطيك بلوك، شايف شكله!"
رد باسل وهو يناظرني "لا مشوري مو كِذا، يلا عاد انطم وخليني اسأله!"
سكتت محتريه يتكلم ويسأل سؤاله "هو في الرياضيات يا دحيح!، يعني ادري انك ما ترحم نفسك ما شاء الله تحب الرياضيات، فـَ قِلت ا... "
قاطعته بنفاذ صبر"حبيبي اخلص، مو شحذ هو وش سؤالك، بلشتني!"
ضحك رشيد، وباسل سكت، وانا قعدت اناظر لحظة الصمت هذه، الين ما ابتسم باسل وقال
"كنت ادري انك بتوافق، ميه زائد ميه كم؟"
توسعت عيوني من سؤاله! وقِلت بطقطقه احسبه يطقطق "ابرعميه!"
ابتسم باسل وقال "شفت يا رشيد الكلب! قلت لكَ اربعميه بس انتَ لازم تسويلي فيها الذكي!"
"ياعمّي كلزق، تراه يطقطق عليك! بالله عليك عشره في عشره بـَ أربعين؟"
سكت باسل يفكر! والله ما توقعت انه يسولف صِدق! هذا وش؟
"حبيبي نزل الأربع الصفرين، واجمع واحد زائد واحد؟ اثنين صاروا ميتين! من وين لكَ هالعقل! ياخي ابتدائي يعرفون يحسبونها!"
تكلمت، وهو ناظرني وقال بثقه "طيب يالشاطر الحين مو هي ميه وميتين؟"
رديت عليه بنفس طقطقته "ايه!"
