بسم الله الرحمن الرحيم
أرجوا عدم التدقيق في الأخطاء الإملائية .....
( مُعظم المعلومات الي هِنا مِن وحي الخيال، يُرجى عدم تصديُقها)
_ _ _ _ _ _ _ _ _ _ _ _ _ _ _ _ _ _ _ _ _ _ _
ثاقب انطعن!
توسعت عيوني من شِفت الي صار! مسك ثاقب بطنه وتراجع لـَ ورا، والنائب أبتسم بقوة وناظر لي
"هذا انتَ يا مشاري، بعنادك قاعد تأذي الي حولك! وهذا هو أول واحد فيهُم ثاقب الي يساعدك ويحميك، وبعدها عايلتك وكِل الي تعرفهُم، ولا تستانس كثير فـَ المرة الجاية بتكون موتك!"
خلص كلامه وأختفى، ناظرت ثاقب بسرعة وقِلت
"ثاقب انتَ كويس؟، تحتاج شيء؟، طيب يمديك تعالج نفسك؟"
ناظرني بنظرات واضح عليها الألم، رد عليّ بتقطيع من آلمه
"م...ما اقدر يا م..مشار..مشاري، ما ع...عندي طا..طاقة ذحين!"
خفت عليه، لِذا قِمت بسرعة ومسكته من يدينه وحركته بصعوبة، سدحته على السرير وناظرت بطنه باستغراب!
كيف يتألم ومافي دم أصلاً؟ وأصلاً بطنه شكلها عادي ولا كأنه توه مطعون!
"ثاقب؟ كيف مطعون وما تطلع دم؟"
"مانت شايف لكِني حاسس يا مشاري، بطل غباء!"
"طيب...طيب انا وش أسويلك مدري... مدري كيف اعالجك ذحين؟؟"
ما رد عليّ ثاقب وانا قِلت مرة ثانية "صح! ثاقب انتَ مو أقوى من أبوك ومدري مين ومين، ليش اجل تأثرت بهذه؟"
"جت غدر يا... يا مشاري... "
كنت توي بسولف، لكِن ظهر شيء من وراي، لِذا التفت بسرعة ولقيته بو ثاقب؟
"اوه، اوه! ثاقب ولدي؟ أقوى واحد بعالمنا، يتألم مِن ذي الطعنه البسيطة؟"
ناظرته بانزعاج! ذا وش يقول؟ بدال لا يجي ويشوف ثاقب أيش فيه قاعد يهرج؟
"طعنه بسيطة؟ انتَ مو خايف على ولدك؟؟ تعال شوفه كيف تعالجه!!"
ابتسم بِهدوء وقال "صح ولدي، لكِن علاقتي فيه مو بذي القوة، فـَ إذا مات عادي، يجي غيره، واما عن سؤالك فـَ هذا الشيء في يدك؟"
رفعت حاجبي باستغراب على كلامه، مدري أتفاجئ على كلامه عن موته ولا كلامه عن ان علاجه في يدي؟
"كيف؟؟"
"تقدر تعالجه بالخاتم الي معك، لكِن إذا كِنت تعرف كيف تتصرف فيه!"
ناظرته بضيقة، انا صِدق ما اعرف كيف استعمله بس هل كِذا معناه انه بيموت؟
"طيب.. طيب هو مُمكن يموت؟"
