မော်တော်ပီကယ် ဖမ်းခံရရင် တစ်ယောက်နဲ့ တစ်ယောက် မသိချင်ယောင်ဆောင်ကြတာ အကောင်းဆုံးပါပဲ ။ မဟုတ်ရင် အုပ်စုလိုက် သူတို့ဘေး ငုတ်တုပ်ထိုင်နေရပါလိမ့်မယ် ။
Round (1)
တေးသဝဏ်လွှာ နှင့် လက်ခတ်သံသာ
“လိုင်စင်ပြပါ “
“ဒီမှာပါရှင့် “
“သက်တမ်းကုန်နေပြီပဲ ဘာလို့သက်တမ်း မတိုးထားတာလဲ “
“သက်တမ်းတိုးဖို့ ပိုက်ဆံမရှိသေးလို့ပါရှင့်”
“ဒီလိုစီးနေလို့မရဘူးလေ ဒဏ်ငွေ ၅သောင်း ဆောင်ရမယ် ရုံးမှာ သွားဆောင်မလား ဒီမှာတစ်ခါတည်း ဆောင်သွားမလား “
“ အဟင့် ကိုကြီးရယ် အဲ့လိုမလုပ်ပါနဲ့ သက်တမ်းတိုးဖို့တောင် ပိုက်ဆံမရှိလို့ပါဆို ဘယ်လိုလုပ် ဒဏ်ငွေ ၅ သောင်းကို ပေးနိုင်မှာလဲရှင်”
“ဒါဆိုလည်း ၃သောင်း ဆောင်သွားလိုက် ဒါအနိမ့်ဆုံးဒဏ်ငွေပဲ “
မျက်နှာလှလှလေးကို အတက်နိုင်ဆုံး ငယ်ပစ်လိုက်ပြီး မျက်လုံးထဲတွင်လည်း မျက်ရည်ကြည်များကို ရစ်သိုင်းစေလိုက်သည်။
“ကိုကြီးရယ် ဆိုင်ကယ်လေးကလည်း သူများဆီက ငှားလာတာပါ ဒီလိုလှလှလေး ပြင်ထားတယ်ဆိုတာကလည်း အလှုမှာ ဧည့်ကြိုအငှားလိုက်ဖို့ပါရှင်
မုဆိုးမအမေအိုကြီးရဲ့ ဆေးဖိုးအတွက် ညီအစ်မနှစ်ယောက်လုံး ရုန်းကန်နေရတာပါရှင်
ဘယ်က အပိုဝင်ငွေနဲ့ ဒဏ်ငွေဆောင်နိုင်ပါ့မလဲ ကိုကြီးရယ်”
ပန်တျာကျောင်းတက်နေတဲ့ ကျောင်းသူ တစ်ယောက်အနေနဲ့ ဒီလိုမျက်ရည်ခြူဖို့ဆိုတာ မခက်ခဲပါဘူး ။ နောက်ကနေ မောင်းမောင်းကလည်း ပါဝင်အားဖြည့်သည်။
“မမ သမီးတို့ နောက်ကျနေလို့ နေ့စားခ မပေးတော့ဘူးဆိုရင် ဘယ်လိုလုပ်ကြမလဲဟင်”
“ဘယ်တက်နိုင်မလဲ ညီမလေးရယ် အိမ်မှာရှိတဲ့ပစ္စည်း တခုခုကိုပဲ ဒေါ်ဘုတ်မဆီ သွားပေါင်ရမှာပေါ့ မေမေ့ဆေးဖိုးလေး ရရင်ကို ဖြစ်ပါတယ်လေ “
မော်တော်ပီကယ်ကောင်လဲ ငိုနေတဲ့ ကောင်မလေးလှလှလေး နှစ်ယောက်ကြောင့် အခက်တွေ့နေရသည်။
YOU ARE READING
// Sinn in Rhythm //
Fantasyအချစ် က တေးသွား တခုသာ ဆိုလျှင်...... သူက ကျွန်တော် ရှာဖွေတွေ့ရှိခဲ့တဲ့ အဖိုးမဖြတ်နိုင်သော ' တေးသွားထဲက ရတနာ တပါး ' ပါပဲ..... Start Date - 12. 2 . 2022 #Owncreation #Boylove
