🌿 آنه المبيوگ حلمه
وضحكته ونبضه
آنه السويت كلشي
وماگعد حظه ...🌿
______________________________________
ب اقل من ساعة كانت القاعة فارغة تقريباً، البعض رحل بالفعل والبعض الأخر على وشك الرحيل، هو كان واقف بمكانه، نفس المكان الي اخذو منه جوان امام عيونه ومقدر ان يسوي شي ويمنعهم! هلشي م كان بين مخططاته ابد ومحسب ان يجي يوم ويتعرض لهيج موقف! هو بالفعل اجرى اتصالاته بالمحامي الخاص بي وقال له ان يتوجه للمركز فوراً
سمع صوت ينادي بلكنه معروفه والتفت بسرعه وهو يباوع بأرجاء المكان خوفاً من ان يشوفهم احد
"شدتسوي روح منا ليشوفونه الناس!!" تكلم هدير بتوتر و هو يباوع بالأرجاء
"انت بخير خو مصارلك شي؟" تجاهل كلام الأصغر وسأل عن حالته وهو متأكد انه مو بأفضلها الأن وبعد الي صار!!
"قيصر لتخبلني!! ليشوفك جمال!!" حاول هدير ان يتمالك اعصابه وي الشخص العنيد الي امامه
"لتخاف هو راح واني بنفسي صعدته بالسيارة! و رجعتلك لأن مستحيل اعوفك وانت وحدك وبهاي الحاله!!" تكلم قيصر و هو بالفعل يخاف ع الأصغر وقلق عليه
"اكدر ادبر نفسي روح هسه" قالهه وهو يبتعد عن الأخر الي اتلقى اتصال من جمال يجبره على ان يقابله مع انهم فقط للتو افترقوا...
قهقه بشماته واضحه وهو يضع كأس الويسكي الي بأيده على الطاوله امامه "مسوي نفسه رجل اعمال وهو بأول ظهور اله صارت فضيحه!" تكلم جمال بنبره تملئها الغيض من ذاك الرجل، هو رجع للبيت بعد ما شاف ان الوضع خربان هناك وهو رجل معروف واله مكانته الأجتماعية، ميصير يدخل بهيج معمعه او حتى ينذكر اسمه بالي صار! ف كان من الأفضل اله ان ينسحب بهدوء
"لهذا الواحد لازم يمد رجليه على گد غطاه لأن المستقبل ابد مو مضمون! بعده بگد زري! و توّه يطلعله ريش و واقف گبالي ويتناقش وياي بالأعمال! اني الي صارلي عمر بسوق العمل!!" رجع يتكلم وهو فعلاً مغتاض من هذا الأمر والأن يحس براحه بعد ما صارت مشاكل للأخر ممكن ان تخسره ثقة الروس الكبار!
كان قيصر جالس على الأريكة مقابل الأخر ويستمع بهدوء للحديث المتفاخر الي يطلع منه ولكنه متدخل ولا تناقش بشيئ ميخصه، كان مستمع جيد فقط لا غير!
لحظات و اندق الباب ودخل احمد للمكتب، "طلبتني استاذ؟" نطق احمد كلماته وهو بالفعل اتصل بي جمال لما طلع من الحفله واخبره ان يحضر للبيت
"احمد اريدك تبحثلي عن الولد الي كان وي هدير الوادي بالحفله! اريد تنبشلي سابع جد اله!!" نطق وهو يريد يعرف منو هذا الشخص وشنو علاقته بالقضية هاي بالذات!!!
