🍃 يخيفني الهدوء اللذي يأتي بعد الأنهيار🍃
"يعني اني عفتك خمس دقايق اجي الكاك هيج مسوي شنو من بشر انت ولك!" نطق الرجل وابعد صديقه عن سنان الي كأنه مات من شدة الضرب والشي الفضيع الي تعرضله
"كوم هسه حتى فلوس مينطونه بعد على سوايتك المصخمه هاي !" جر صديقه للخارج وهو يحاول يصحيه من السكر ونسى ان يقفل الباب وراه كونه كان ملتهي بالأخر
باوع جبل على سنان الي كان ينزف من راسه و وجهه كله كدمات هذا غير بنطاله الي منزوع ومرمي على صفحه...
واخيراً انفتح حبل ايديه وترك الزجاجه، حاول يكوم من مكانه بس وكع اكثر من مره، رجليه مكانت تحمله بس هو لازم يهرب بعد الي شافه هو ميأمن على نفسه بهذا المكان
تمسك بالحايط وصار يمشي ببطئ وهو يباوع على سنان الي كان فاتح عيونه بس ميتحرك وكأنه جسد بلا روح يباوع فقط ميكدر ينطق اي كلمه ولا حتى يكدر يحرك جسمه
بجى جبل بحرقه وكل الي طلعت منه كانت كلمة اسف...
طلع من المكان تارك وراه صديقه الي ضحى علموده وعلمود ينقذه! هو مو اناني ويحب سنان كلش بس الظروف اقوه منه ولازم واحد يهرب حتى يكدر يبلغ الشرطه!
طلع من المكان وهو كلساع يلتفت على سنان "راجعلك صدكني راجعلك مراح اخليك هنا بس انتظرني" تمتم بينه وبين نفسه وهو يطلع من هذا المكان المهجور
كان سنان يباوع عليه ونزلت دموعه للمره الي مكدر يحصيها لهذا اليوم! هو ميصدك ان جبل عافه وراح وهو بهاي الوظعيه...
بعد دقائق دخلوا الرجال للمكان وشافوا الحبل مفتوح والولد ماكو
"ولك شرد! شرررد راحت الفلوس !" صرخ الرجل الأول وهو يبحث عن جبل بالمكان بس ماكو اله اي اثر
"خلينا ندور عليه مراح يكدر يبتعد هواي" نطق الأخر وطلعوا من المكان تاركين خلفهم سنان الي بعده بمكانه
بعد فتره قام سنان بصعوبه، باوع على بنطاله بقهر التقطه من الأرض ولبسه وطلع هو الأخر من المكان...
المكان كان مهجور والأرض كلها ماء بفعل المطر جبل كان يركض بين الأشجار بس يريد يلكه بيت او محل حتى يطلب المساعده لكن وكأنه يركض بدائره مغلقه الظلام يحيط بي والأشجار بكل مكان ميشوف اي شي
واخيراً بعد فتره من الركض وصل للشارع العام والي على الجهه الثانيه من الشارع شاف اضويه يعني اكو بيوت هناك!
ركض عابر الشارع ومتوجه لهذي البيوت ودق اول باب كدامه، طلع رجال عجوز
"ساعدني فدوه اني مخطوف وديلحكون ورايه" نطق دفعه وحده وهو يتلفت يخاف يجون ورا
