🌿 رائحة ضعفك هي من تجعل اولائك القساة
يأتون اليك من كل اتجاه 🌿
______________________________
كانو جالسين بالصاله ، هدير على كنبه وادهم وجبل على الكنبه الأخرى بجانبه
بدء ادهم الحديث بجديه تامه "من خلال مراقبتنه للكاميرات اكتشفنه شي غريب وهو انو غرفتك اشتغلت بيها الأضويه لمدة نصف ساعه وطفت وحضرتك كلت ان هاي الغرفة مقفوله ومحد يكدر يدخلها؟!"
جاوب الأخر بهدوء وهو يحط رجل فوق الأخرى " خالتي عدها نسخه من المفاتيح وحسب ما گلتو ان بس هي كانت موجوده اذاً اكيد هي الي دخلت!"
الجواب كان منطقي بالنسبه لأدهم الي باوع على صديقة بس الأخر جان صافن على جوان الي يحوس بالمطبخ بكل اريحيه ولا كأن اكو ضباط هنا وديحجون على شخص متوفي!
ضربه الأخر بخفه على خاصرته وهو يتحمحم حتى يجذب انتباهه بس جبل كان صافن على جوان وحركاته ولا كأنه نفس الشخص الي قبل شوي اجته حالة هستيريه بسببه
باوع هدير على جبل بقلة اعصاب ونطق بجديه "اذا ماكو شي مهم اعذروني اني تعبان!"
باوع عليه جبل ونطق "منو هذا؟" كان يقصد جوان والي بس سمع سؤال جبل تقدم وحاوط بأيديه كتف الجالس "يلا كمل بسرعه حتى نتغده" قالهه بهدوء ودلع وهو يرص على الحروف ويباوع على الجالس امامه بنضرات غير مفهومه
همهم هدير وهو يشد على ايد الأخر الي ابتسم بخفه وغادر عائد للمطبخ
تحمحم هدير وهو يعرف ان الأخر استقصد الحركه هاي لكن فضل مجاراته "صديق"
بنضرات مشتته باوعوا جبل وادهم على بعضهم وبعدهه على هدير الي كمل "صديقي جوان مصمم ازياء"
همهموا الأثنين وقام ادهم وسحب ويا الأخر الي كان يسترق نظرات من الأصغر الي مااعاره اي اهتمام
"احنه نروح وبس تطلع نتائج التشريح بعد يوضح السبب الرئيسي" قالهه وهو يودع الأصغر ويسحب جبل ويا
صعدوا الأثنين بالسيارة ونطق ادهم بضحك "الگواد طلع مو هيّن" بعدها باوع على صديقة الي مبين عليه الأنزعاج وكمل "وانت لا هيچ كلش تسنح عليه ! "
جبل وهو يتجاهل كلام الأخر تماماً وهو يحط راسه على الشباك "روح لمطعم قريب من المركز "
ضحك ادهم وحرك السيارة "هذا جبل الي اعرفه "
بعد نصف ساعه تقريباً وي الأزدحامات وصلوا للمطعم الي دائماً يرحوله بسبب قربه من مكان عملهم
نزلوا الأثنين من السيارة وتوجهوا للداخل وجلسوا على طاولتهم المعتاده ثواني وتقرب منهم شخص مألوف، قامو وهمه يرحبون بي "اهلا اهلا ابو علي تفضل ويانه" نطق ادهم وهو يأشر على الكرسي الفارغ بجانبهم
