🌿 لا سلاماً على من استهلكونا فأهلكونا فأفقدونا انفسنا 🌿
________________________________
"بس هذا المبلغ كلش جبير نحتاج كم يوم حتى نأمنه" تكلمت الموظفه بأدب وهي تشوف ان المبلغ فوق استيعابهم بهواي واكيد مراح يقدرون يسحبونه كله بنفس اليوم
"بس اني محتاج المبلغ هذا ! واني من تعاملت وي هذا البنك على اساس انه من افضل البنوك بالمنطقة وهسه مبلغ متقدرون تسحبو اليه! واني اصلا من زمان مخلي المبلغ هنا يعني المفروض حتى ارباح احصل عليه!!" قالهه هدير بقلة صبر وهو يباوع على الموظفة بأستصغار
هو فعلاً قبل اكثر من ٣ سنوات ارسل شخص اودعله المبلغ بهذا البنك التابع ل مجموعة عقارات جمال الطائي وهذا كان ضمن الخطه الي هو ماشي عليهه وهسه بعد وقت طويل اخيراً حان وقت تنفيذها
تكلمت الموظفة بهدوء ناحية هدير وهي توجهه ل مكان استراحة الزبائن "تفضل استريح وثواني بس احاول احل الموضوع"
"تمام" قالهه وتوجه ناحية الأريكة وجلس عليهه ينتظر
اما الموظفة ف اجرت اتصالات كثيره بحيث وصلت الموضوع ل جمال حتى تشوف شنو يقول وتنفذه
"استاذ اكو موضوع مهم يحتاج تدخلك" قالهه قيصر وهو متوجه ناحية جمال
"شنو" نطق بينما كان يراجع اوراق كثيره امامه والضاهر انها عقود
"اكو زبون اسمه هدير الوادي ديريد يسحب مبلغ هو اودعه مسبقاً بالبنك التابع لحضرتك" تكلم وهو يدخل بصلب الموضوع مباشرتاً
"خلي يسحب وشنو المشكله!" قالهه بأستهزاء من غباء موظفينه
"مو المبلغ ضخم ميتأمن بنفس اليوم اضافه الى انو نصف الأموال الموجوده بالمصرف احنه تصرفنه بيها بالأستثمار الخارجي" طرح اصل المشكله
تنهد جمال ونطق بهدوء "خلي احمد يحل السالفه، خلي ينفع بشغله عاد مو اكل ومرعى وقلة صنعه!"
اومئ قيصر وفعلاً اتصل بأحمد حتى يحل الموضوع بمعرفته...
"ليش دتسوي هيج!" قالهه وهو يجلس جنبه على الأريكه
التفت اله وبأبتسامه "شنو شدا اسوي؟"
تنهد وقام من مكانه وهو يمد ايده للأخر "قوم خلي نروح لغرفة كبار العملاء منقدر نحجي هنا براحه!"
باوع هدير على ايده الممدوده تجاهه وبعدها باوع عليه وهو متجاهل ايده "رجلي دتأذيني مااقدر امشي هواي"
رجع احمد ايده وهو يشد عليها ويرجع يجلس جنب هدير "ليش دتريد تسحب هذا المبلغ كله! انت تعرف انظمة المصارف كلش زين! اكو حد معين للسحب واحنه منقدر نأمن لك المبلغ!!"
