🍃 متنه هواي محد ميت بگدنه🍃
"يمه راح اطلع" صاح بصوت عالي حتى تسمعه امه الي كانت بالمطبخ
طلعت وبأيدها منشفه تنشف بيها "وين طالع من الصبح!"
"راح التقي بصديق" بفرح نطق وعيونه تلمع
"هو انت منيلك اصدقاء! ولا واحد يرضى يحجي ويانه بسبب ابوك!" نطقت بغضب من صيت زوجها وكأنه اول مجرم ع الأرض وهيج الناس تعاملهم بسببه!
"رايح اني يلا" تجاهل حديثه وانطلق للخارج بفرح وبما انو الفرع ضيق ف البيوت كلها تكون طاله ع بعض
فجأءه وهو يركض انشمر عليه ماعون فافون من البيت الي مقابيله، كسر الجام واتجه عليه، تفاداه وتقدم للبيت ضناً منه انهم الناس الكارهين هيج ديسوون حتى يجبروهم يشيلون من المنطقه!
باوع من الشباك المكسور ولگه طفله او بالأحرى طفل ولكن بسبب شعره الطويل ضن انه بنت، متلحفه بالبطانيه وكأنها خايفه
"انتي زينه؟" نطق بتردد ....
"استاذ هواي بحثنه عليه بس بسبب الأمطار الغزيره ليلة البارحة ضاع اثره وحتى الكلاب مگدرت تشم رائحته!" نطق السكرتير تجاه الجالس ع الكرسي بشموخ
"ي؟" نطق بنظره غاضبه
"راح ندور عليه اليوم هم بالمنطقه والمناطق المجاوره" سكت شويه وكمل "سيدي بالنسبه لزوجة الرئيس؟ دتسأل ع ابنها هواي"
"كول الها متشوفين ابنج اذا متحجين وي ضامه الوصيه و اوراق الأملاك!" نطق بنبره ثابته وهو يتوعد لهاي المرأءه الي خدعت ابوه ع كِبر وخلته يتزوجها وفوق هذا كله انجبت اله ولد يشاركه بالورث!
بذاك المنزل الكبير نزل جبل من غرفته وبأيده الشمسيه الصفره، قابلته اخته الصغيره " جبل خلي اروح وياك فدوووه" نطقت بغنج وهي تتشبث بي
"ريمه حبيبتي ميصير تجين ويايه! روحي ل ماما يلا " نطق وهو يحاول يبعدها عنه
هو يحب اخته مينكر لكن امها! لا ابد ولا راح يحبها بيوم!
لقه زوجة ابوه كاعده بالصاله لذا عبرها وراد يطلع بس اوقفته بكلامها "وين رايح؟"
"مااعتقد لازم انطيج تقرير ع الأماكن الي اروح الها!" بصق كلامه بغيض ناحيتها
"اوك لتكول بس لازم تعرف ابوك اتصل هسه وكال ان جدك توفى!" هي وتشرب فنجان القهوه مالتهه قالت كلماتها بهدوء
"شنو!" نطق جبل بدهشه
"ع شنو منصدم! هو انت وين شايفه لجدك بحياتك!" ردت بنبرة سخرية....
سنان كان كاعد ع الأرجوحه وينتضر جبل ضناً منه انه راح يفي بوعده ويجي مثل ما كال اله!
هو انتظر اكثر من ساعتين، كان يحرك اقدامه الصغيره ع بقعة الماء المتجمعه بفعل ليلة ممطره
