تو ماجِرد المحاني تبسّم ريفها

Part 1

~ الساعه ٧ الصباح عند سَياف ~
دق المنبه طفاه ورمى جواله بعيد عنه يدفن راسه تحت مخدته يتهرب من ماضيه الاسود بالنسبه له فتحت الجده عهد باب غرفته بتصحيه يفطر ويتوجه لدوامه استرسل كلامه بعصبيه : مهما كنتي من انتي اطلعي من الغرفه ما بداوم
قربت منه الجده عهد تمسح على ظهره : بسم الله عليك يا وليدي تعوذ من ابليس وقم مسويه لك شباتي ولبنه وزعتر وشاهي على ما تحب
قام سَياف يحضنها : يا محلى حنيّتك يا حلوة المبسم عطيني كم دقيقه اجهز واجي افطر معك
الجده عهد : يلا لا تبطي
سَياف : لا معليك ، اخذ جواله يشيك عليه ارسل له بسام وانصدم ان فيه بلاغ على مستشفى اتصل على بسام
بسام : يا حي هالصوت
سَياف : اي صوت يارجال وش ذا البلاغ الي اول مره يجينا زيه؟
ضحك بسام : بلاغ غلط في غلط
سَياف : ماعرفتوا من بلغ؟
بسام : لا والله باقي نحتري سلمان يطلعه
سَياف : خلوه جايكم انا الحين سلمان يومه بسنه
بسام : عجل اجل لو مسكه قبل ما تجي ماهو فاكه
سَياف : يبطي عظم الرخمه ذا وقفل ، اتجه لدوره المياه ياخذ له شور سريع يصحصه زين لبس بدلته وبخ من عطره القريب من هيبة شخصيته طلع من الغرفه يسابق خطواته
الجد راجح : على وين بذا السرعه؟
وقف سَياف : عندي بلاغ ولازم اروح بسرعه
الجده عهد : طيب خذ الشباتي ذا معك والشاهي اكل مع الخط
سَياف : حبيبة قلبي انتي ما اردك هاتي
تركي : لا تطول يا خالي بتوحشني
سَياف قبله على خده : اذا وحشتك يا حبيب خاله اتصال واجيك طيران
تركي : انت اطلق خال على المجره
انَوار : لا تأخر خالك يا تركي
سَياف : التأخير يهون عنده خليه على راحته ، رن جواله حضن تركي وطلع : جاي جاي مسافة الطريق
بسام : عجل سلمان المروح وصل
سَياف : رح استقعد له لين اوصل ، قفل ودعس على البنزين اكثر بعد ربع ساعه وصل لمقر المعسكر اعطى مفتاح سيارته للحارس يوقفها له دخل بكامل هيبته الكل يرحب ويهلي فيه ما عدا سلمان دخل مكتبه ودخل وراه بسام
سَياف : درى بشي ولا باقي؟
بسام بضحكة انتصار : استقعادي له ما خلاه يتنشد
سَياف : ما تخيب الهقوه فيك يا حبيبي
بسام : وجهك وشبلاه؟
سَياف تذكر كابوسه الي طرا له ببداية يومه : اَجل سؤالك يا بسام مو وقته تعال طلع لي البلاغ
بسام : ابشر
سَياف بصدمه : سيف بن سعود
بسام باستغراب من صدمته : تعرفه؟
سَياف : قد مر علي الاسم بس ناسي شكله
بسام : شف رقمه مكتوب نتصل عليه ونقابله ؟
سَياف : لا بنتعرض لخطر دامه بلغ اكيد انه يشتغل بالمستشفى مشينا لهم
بسام : معك معك ما اقول لا
سَياف : حي عينك ، طلعوا من المقر بسيارة سَياف متجهين للمستشفى على دخلتهم بوابة المستشفى ....
#تو_ماجِرد_المحاني_تبسّم_ريفها

—————————————————————
على دخلتهم بوابة المستشفى صدمته سُلاف الي كانت على عجله من امرها نزلت من سيارتها استرسلت كلامها : معليش انا اسفه ينتظرني مريض داخل وكنت مستعجله عشانه
سَياف نطق بنبرته الحاده : مافيه اسفين يا ماما على كبر عيونك ذي ما شفتي السياره؟
سُلاف : يا حضرة الشرطي وش جايبك لمستشفانا مع صباح الله خير
سَياف : ذا شغلنا وما يخصك يا حضرة الممرضه قرب منها يلقط اسمها سُلاف
سُلاف بخوف : كيف عرفت اسمي ؟ ، تكتف بسام و وقف على السياره شاف ناقشهم طال
سَياف : كيف جيتي ممرضه انتي؟ وانتي غبيه كذا
سُلاف : بعد عن طريقي المريض ينتظرني
سَياف : والتعويض؟
سُلاف : عطني رقمك واخلي اخوي يكلمك بعدين
سَياف : هاتي رقم اخوك انتي
سُلاف : تمام استرسلت كلامها برقم اخوها
سَياف : تشرفنا هيا عرفينا على مستشفاكم
سُلاف بنرفزه منه : اظن ان شغلك مو تعارف ، مشت عنهم واعطت المفتاح المسؤول استرسلت كلامها : اذا بعد وقف سيارتي بمكانها المعتاد
قرب بسام من سَياف : والله ساطيه زيك
سَياف : ماعندها هرجه ذا الشبر
بسام ضحك : شغال طقطقه انت امش نخلص امورنا ونرجع قبل ما يحوس الوضع المروح ذاك
سَياف : لا تجيب طاري الغثيث ذا
بسام : سمّ ، دخلوا المستشفى بعدها اتجهوا للاستقبال نطق سَياف : عندكم واحد هنا اسمه سيف بن سعود؟
سيف سمع اسمه ولف عنهم يبعد نفسه عن انظارهم ، شك سَياف فيه همس لبسام : خلك هنا وراقب الباب لا يطلع شخص منه
بسام : ابشر ، مشى بخطوات سريعه يلحقه مسكه قبل ما يدخل باب الطوارئ عشان يهرب
سَياف : ليش مزعج السُلطات ومبلغ بلاغ كاذب؟
سيف بنكران وجحدان : ما بلغت بشيء انا
مسكه بحلقه ونطق بنبرته الحاده : تجحد على قوة الادله انت تراك ماقاعد تكلم لك خويك بتعترف ليش مبلغ ولا سحبتك قدامي للحجز؟
سيف بخوف منه ومن مدير المستشفى الي ما يدري انه مبلغ : بعترف بس هيا ندخل هنا
سَياف دفه : امش قدامي
دخل سيف وسَياف وراه وقفوا مقابل بعض ، سَياف : اعترف بسرعه
سيف : طيب ، طلع المقص من جيبه بحركه سريعه ما انتبه لها سَياف دخل المقص ببطنه وهرب بسرعه
سَياف : وين بتروح من الحكومه يا كلب قام يسحب نفسه من قو الالم ودمه اللي ينثر وقف على الباب ومرت سُلاف وشافته استرسلت كلامها : حضرة الشرطي وش جاك؟
سَياف : مشيتها لك اولى بس الحين تخسين للتصحيح حضرة الملازم اول
سُلاف : مو وقت تصحيحك هيا معي اعالج جرحك
سَياف : ماني قادر امشي ابغى لي عربيه
سُلاف : ثواني ركضت للاستقبال تطلب عربيه استرسلت كلامها بسرعه : احتاج عربيه سريع عندي مُصاب
بسام بخوف على سَياف كونه طول : سُلاف المصاب سَياف
سُلاف لفت عليه : ......
#تو_ماجِرد_المحاني_تبسّم_ريفها

—————————————————————
سُلاف لفت عليه : سَياف هو حضرة الملازم اول؟
بسام : وصلتي خير بس مين الي اصابه
سُلاف : ما عندي خلفيه عن الموضوع ما عندنا وقت جالس ينزف بيخسر دم كثير على اسئلتك ذي ، مشت عنه تركض وبسام وراها
بسام : سلامات سلامات يا مِلازمنا
سُلاف : يحتاج نعطي اهلك خبر اذا ضمدت جرحك اتصل عليهم
سَياف من طرت طاري الاهل والي صار له عصب عليها : اهتمي بشغلك مالك دخل تتصلين
سُلاف نطقت بنبرتها المُعلنه لانهيار دموعها : تمام
بسام رفعه وجلسه على العربيه ، سُلاف : الحقوني للطوارئ
بسام : طيب ، نزل راسه لسَياف يشوفه يتعصر من المه استرسل كلامه : تهون انت اقوى من الجرح
سَياف خبطه على يده : حبيبي انت دامك جنبي تهون
سُلاف آسرتها حنيّتهم على بعض ولفت عليهم بعيون مليانه دموع : الله يخليكم لبعض
سَياف : اللهم امين يارب
بسام : اذا مافيه خطر على حياتك عادي نسأل سؤال؟
سُلاف ضحكت : مافيه خطر ان شاء الله اسألوا
بسام : ليه تبكين؟
ناظره سَياف بمعنى وش دخلك فيها تبكي ولا ما تبكي مالك دخل ، شافته سُلاف كيف يناظر وفهمته نطقت : اظن ملازمكم ما يبغى جوابي ف تلبيه له بسكت
سَياف انلخم كيف فهمته وبسام مافهمه انحولت عيونه وهو مافهمه : وذا الصدق حنا جايين عشان شغل مو عشان نستفسر عن اشياء مالنا لزوم فيها
سُلاف : سدحه هنا خلني اضمد جرحه وامشي
سَياف : عنك عنك بقوم انا انسدح
بسام : هيا بشويش فكني من دفاشتك
سَياف ضحك بضحكته المُعتاده والجذابه للشخص يتأمله لف عليها وانتبه لها سرحانه فيه كح ينبها وما زالت سرحانه نطق بعصبيه : ممرضه فاشله
سُلاف رفعت اصبعها : لو اني فاشله ما عالجت ذا الناس وانت من ضمنهم كذا تتعامل مع الناس اللي ماتعرفهم انت؟
بسام : اعذريه من قو المه مايدري وش يقول عالجيه وخلينا نمشي وتمشين انتي بعد
سُلاف : تمام ، اتجهت للغرفه المليانه بالمستلزمات الخاصه فيهم اخذت اللي تحتاجه عشان تضمد جرحه
سَياف : ياشين اليوم ذا اوله سلمان وبعده الكلب سيف وبعده ذا الممرضه العلّه
انتبه لها بسام وشغل اُغنية "آه يا دكتورة جروح الغرام عالجي قلبٍ جروحه من ولهّ له ثلاث شهور ماذاق المنام السهر سبب لعينه مشكله" وضحك من نظرات سَياف اللي تدل على التوعيد فيه ونطق : بس للتصحيح عالجي قلبٍ جروحه من ولهّ له نص ساعه ماذاق طعم الراحه الالم سبب لنفسيته مشكله
ضحكت سُلاف وحطت الاغراض تبدا شغلها
ناظر سَياف : اشوفها جازت لك
سُلاف : محظوظ باخوك ذا ، قالتها متوقعه انه اخوه من قو علاقتهم
ضحك سَياف : مو اخوي للمعلوميه بس هو بمثابة اخوي صدق
بسام : ذا من قو علاقتنا ياخوي
سَياف : لا تشوش راسي انسى وجعي واقوم احضنك
-
#تو_ماجِرد_المحاني_تبسّم_ريفها