تو ماجِرد المحاني تبسّم ريفها

Part 21

حضنته ونامت ماعدا هو الي جلس يلعب بشعرها ويفكر يعجل بدوامه من بعد ما علمته ان اهلها يعرفونه وهو مختبص ، تبددّ ظلام الليل يُعلن بدايات الفجر وشروق شمس نجد العذيه والبهيه مع اجوائها المُمطره
~ الساعه 10 صباحاً عند سُلاف وسَياف ~
فزت على صوت المطر حضنها يسمي عليها استرسلت كلامها : مانمت انت؟
سَياف : لا
سُلاف : وليه طيب؟
سَياف : الي يحظى بقربك يعوف النوم
سُلاف : ما انت صاحي
سَياف : مريض الهوى دايم منقود ، ضحكت تقوم تسوي لهم فطور وتستعد لدوامها
~ عند الجد راجح وبسام ~
الجد راجح : بسام
بسام : سمّ
الجد راجح : وين السربوت ذا؟
بسام : والله ما كلمني بس الاكيد انه نايم باقي
الجد راجح : افطر ورح شفه لي
بسام : تبشر
بتال : ياعمي اتركه على كيفه هو بيجي ما يقوى يبعد عنكم
حليمه : وهو صادق يا يبه اتركه
الجد راجح : اعقبي عني انتي ورجالك
ضحكت انَوار : ليه مشخصنها؟
الجد راجح : تعالي انتي جنبي ابيك
حليمه : فكنا وجاء دورك
انَوار بتوتر : كلمني من عندك ما بجي
ناظر في الجده عهد نطق بكلامه : وخري انتي خليها تجي
الجده عهد : وش جايك انت اليوم؟
الجد راجح : عجلوا علي لازم ترفعون ضغطي
انَوار : خلاص يمه خليك بجي ، قام تركي معها يجلس بحضن بسام
بسام : الله حيّ الشيخ
تركي : حبيبي
انَوار : مو وقت سوالفكم وخروا شوي
بسام : من كبرك عاد يوم ما ياسعك المكان
انَوار : يبه تفاهم
بسام : ياوجه الله نمزح خلاص بنوخر
تركي : يمه اقعدي والله يشيلك المكان
انَوار : ياثقل دمك انت وياه ، ضحك بسام وتركي معه جلست مابين الجد راجح وبسام والخجل متملكها همس لها الجد راجح : هاه وانا ابوك استخرتي
ما توقعت ابوها بيسألها بوسطهم ابتسمت : يبه مو وقته خل لين سَياف يجي ، تارك كل الي بالجلسه عيونه ماتشوف الا هي الي يشوفه يقسم ان له سنين مو ايام طايح بهواها ، جت بتقوم ماهي مرتاحه بالجلسه ابداً مسكها تركي ينطق : خليك هنا مافيني اقوم معك
انَوار : ماقلت لك الحقني خلك عند بسام
تركي : لحول جدي جلسها
الجد راجح : خلها تبغى تقوم
تركي : ماش ياجدي ، رفع نظراته لبسام ينطق : املي فيك خلها تجلس
اشر بسام على خشمه بمعنى " على خشمي " ناظر فيها : خليك هنا ونبعد شوي عنك
انَوار : هيا وخروا ولا قمت
بسام : ابشري ، سحب نفسه بمسافه ماهي نفس الي كانت تبغاها
~ عند الجد سامي وياسر ~
الجد سامي : اتصل على اختك بتطمن عليها
ياسر : بجوالك؟
الجد سامي : اجل بجوالك
ياسر : ليش الشخصنه؟
الجد سامي : اتصل ولا يكثر ، ماهي الا ثواني وردت : يا مرحبا بالي واحشني كثير
الجد سامي : وينك يا حبيبة فؤادي؟
سُلاف بكذب : عند ميرا
الجد سامي : عطيـ ...
#تو_ماجِرد_المحاني_تبسّم_ريفها

—————————————————————
الجد سامي : عطيني هي بكلمها
سُلاف : جدي يعني مكذبني
الجد سامي : لا من قال بس بصبح عليها
سُلاف : وصل معليك
الجد سامي : يا الكذابه صدق مع من؟
سُلاف : سر بيني وبينك
الجد سامي : افا عليك سرك في بير ما احد بيدري
نطق سَياف : مع ولد محمد بن راجح اذا تعرفه ، ناظرت فيه بصدمه وقفلت من جدها
سُلاف : ليه طيب؟
سَياف : اختصرت عليك جهزتي خلاص؟
سُلاف : اي خلاص سيارتي وينها؟
مسك راسه يحكه : ما انزاحت الفرصه اكلم بسام هيا بروح معك انا عشان تضمدين جرحي واكلم بسام بعدها
سُلاف : تمام ، اخذت اللاب كوت وطلعت معه محاوط كتفها كعادته ويتأملها قابلهم راعي العماره : سَياف صح؟
سَياف : امرني ياحبيبي
ابو راكان : لا بس بغيت بسام
سَياف : وش بغيت؟
ابو راكان : مطوف يومين مادفع حق الاستئجار
سَياف : الملك بكم؟
ابو راكان : 350 الف
سَياف : خلاص اخذ رقمك من بسام وبينا اتصال
راعي العماره : على خير ان شاء الله
سَياف : تأمرني على شي؟
ابو راكان : لا ابد الله يحفظك ويخليكم لبعض
سَياف : حبيبي ابو راكان الله يسمع منك ، قصرته تخليه يستوعب زين
سَياف : يلا نستأذنك
ابو راكان : اذنكم معاكم ، ركبت سُلاف وسَياف وابو راكان الي رجع بيته
سُلاف : كلم بسام الحين قدامي
سَياف : وش يطردك؟
سُلاف : كلمه وانت ساكت
اتصل على بسام وصله الرد : الله حيّ ابو محمد
سَياف : الله يسلمك يابو غيث خدمه انسانيه؟
بسام : ابشر بي بس علومك اخبارك غطيت عنا يوم وكأنها سنه
سَياف : حبيبي يابو غيث يقول ابعد بعيد يزيد حبك ابشرك في خير ونعمه علومك انت يا النسيب
بسام : اي علوم يا رجال بغت تفصل علينا عمتك مع صباح الله خير
ضحك سَياف : وش مسوين؟
سرد له كل الي صار وانتهى ب : حلاوتها تشفع لها
سَياف : ايا الخفيف صدق
بسام : الخفه زينه عادي
سَياف : مفتاح سيارة سُلاف تلقاه على مكتبة المجلس خذه وجبها للمستشفى
بسام : ابشر مسافة الطريق بس
سَياف : حبيب قلبي يابو غيث ، قفل منه يناظرها : هاه كذا ارتحتي
سُلاف : الحمدلله ، شغل مخاوي الليل /
" على كل البشر اغليك
وانا لك روح مرهونه
اذا كان النظر يرضيك
عطاك خالد عيونه " نقص الصوت يسترسل كلامه : عطاك سَياف عيونه وما يملك من الدنيا ، تعجز ترد عليه لسانها ماهو فصيح زيه مسكة يده تسترسل كلامها : ليش لسانك معسول بزياده؟
سَياف : ذا الي تستاهلين ينقال لك
سُلاف : ياحب عمري صدق
سَياف : ياويلك يا سَياف من حبها الي يذبح له قوم
ضحكت سُلاف : ذا وانت باقي ما شفت شي
سَياف : وش باقي عندك؟
سُلاف : اشياء كثيره بس كل شي بوقته حلو
سَياف : مافيه شي بحلاتك
سُلاف : تقول لبسام خفيف وانت ماشفت نفسك
سَياف : -
#تو_ماجِرد_المحاني_تبسّم_ريفها

—————————————————————
سَياف : انتي لعبتي في حسبتي وتقولين ماشفت نفسك ارفقي في قلب هام في حبك
سُلاف : يمه يا ساتر ما اعرف ارد
سَياف : اللسان ينبلع وقتها عرفت وش يسكتك
سُلاف : اص ولا يكثر
سَياف : على خشمي ، بعد مرور ربع ساعه وصلوا مع بعض سَياف وبسام
حضنه بسام : والله يا لك وحشه يابو محمد كثيره
سَياف : لو اني مسافر وش تسوون انتم؟
بسام : بلحقك
سَياف : الحب يقودك
بسام : اي والله ، مد المفتاح لها يسترسل كلامه : ترا عبيتها بنزين
سُلاف : ماقصرت نرجعها لك ان شاء الله
سَياف : تعقبين ماهو ابو غيث الي يأخذ
بسام : هدها طيب
سَياف : هيا معي بغير على جرحي بعدها نروح البيت
بسام : مشينا ، ناظرت في بجاحته ماهو سَياف الي قبل دقايق مشت تدخل المستشفى وقفت تستوعب الي تشوفه سيف مداوم !
قربت من الاستقبال تسترسل كلامها : اخيراً شرفت لي معك تفاهم بس اخلص شغلي
سيف بعصبيه : توكلي عني
طلع سَياف من الغرفه على صوته : جابك الله وجيت
سيف باستهتار : الحمدلله
قرب سَياف يمسكه من حلقه ينطق وهو يرص على اسنانه : الاسلوب ذا ما يمشي معي
بعد يدينه سيف : والله ماجيت اشاورك وش الاسلوب الي يمشي معك
ضربه كف بكل ما اوتي بقوه يسترسل كلامه : فيك خير ارفع صوتك مره ثانيه عليها
سيف : يا عسكري طلع برا المستشفى
ضحك سَياف : تطرد من انت؟
سيف : عيناتك
سَياف : بسام بطاقتي بالسياره رح جبها ، طلع بسام يجيبها
سيف : يلا شفوا شغلكم طلعوه
سَياف : صاحي انت؟ وخر يدك عني انا عسكري
العسكري : هات ما يثبت لي انك عسكري
رفع بسام البطاقه بوجهه يسترسل كلامه : هذا الي يثبت
سُلاف : خلاص هيا معي
سَياف : لا خليني اوقف ذا الكلب عند حده
بسام : هيا ماهو وقته الحين
سَياف : متى وقته؟ ناوي يكمل علي صح
بسام : امش امش الله يهديك
دخلت ودخلوا وراها قفلت الغرفه بالمفتاح تسترسل كلامه : غبي انت علمني؟
سَياف : يخسى اسكت له وش ناويه انتي وبسام يكمل علي صح؟
سُلاف : بعد عنه وماهو مكمل عليك
سَياف : خلصي شغلك وراي جدي
بدت تغير على جرحه ولاخر مره ما عاد تشوفه جاي لها بمقر شغلها ، قام ينطق : رقمي عندك اي تحركات من الكلب الي برا دقي
سُلاف : بسام اخذه عشان ما اجرم فيه انا مو سيف
سَياف : العلم وصلك
جلست على السرير تحس باليوم ذا ما بيعدي على خير ، طلع سَياف وبسام وراه ركبوا السياره وطلع وراهم ينفذ المطلوب منه ويريح نفسه ، سَياف : ياخي وغباء ذا الدلخ
بسام : تنزل اسوق بدالك؟
سَياف : لا
بسام : نصيحه
سَياف : وفر نصايحك لك
بسام : والله يا انك ما تسمع العلم لين يصير فيك شي
سَياف : ماهو صاير شي تفائل خير
واسئ سيارته بسيارة سَياف نطق بسام : سَياف خفـ ...
#تو_ماجِرد_المحاني_تبسّم_ريفها