تو ماجِرد المحاني تبسّم ريفها

Part 27

ركض بسام من شدة خوفه عليه التواءه اولى من شدة المه جبره يبكي ويحنّ قلبه عليه وصل الاستقبال ما يدري كيف قادته رجوله له نطق بسرعه : الدكتوره سُلاف وين؟
الموظفه : تحصلها بغرفة الطوارئ ، ركض لها بسرعه لمحته سُلاف كيف يركض وقفته : بسام عساه خير وش صاير؟
بسام : انتي هنا؟
سُلاف : اي ليه؟
بسام : سَياف تعبان ابغى له مسكن
سُلاف : وش متعبه؟ كذبه
بسام : عطيه مسكن بعدين نلتفت لذا الموضوع
سُلاف : روح له وانا جايه
بسام : لا تطولين
سُلاف : تمام ، راحت تأخذ المسكن وتروح لغرفته فتحت الباب تحت سماع صوت انينه من شدة المه وقفت تتأمل رخوّ جسده الموضح تعبه رّق قلبها عليه بس هو قلبه قسى عليها مارّق قربت ترفع المخده تسترسل كلامها : ما بتفيدك بشيء المخده ، سحب يغطي راسه وماهي الاثواني وانهار يبكي من قو الالم الي يحسه ولا يعرف الاسباب ، قرب بسام منه يهديه : تعوذ من ابليس يابو محمد امورك كلها سليمه وطيبه الحمدلله
سَياف : طفوا النور
بسام : ابشر ، ركض يطفي كل انوار الغرفه ويقفل الستاير ، قربت تعطيه المسكن استرسلت كلامها : بينفعك ذا اذا حسيت بشي تقدر تناديني
سَياف : خليك
سُلاف : عد وش قلت اذني شكلها سامعه شي غلط
سَياف : الي سمعتيه خليك
سُلاف : بصفتي مين؟ بصفتي الي ما تعرفها عشان تتذكرها
بسام : انا عند الباب اذا تبغاني صّوت لي بس
سَياف : حبيب قلبي يابو غيث ، طلع بسام تاركهم وراه يحلون موضوعهم رفع نفسه يبعد عن المخده يخليها تجلس على السرير وهو ينسدح على رجولها دفن راسه بحضنها استرسلت كلامها من شدة خوفها ما جاوبها على كلامها بالبدايه : سَياف طيب جاوبني تعرفني ولا ناسيني صدق؟
سَياف : من يقوى ينساك يام العيون الوسيعات؟ ، مسكت شعره تلعب فيه استرسلت كلامها ببكوه : قوى ينساني ابو محمد
سَياف : ابو محمد يقوى ينسى جميع الناس ولا يقوى ينسى من خلته يهاب قسّاه وحسسته بحُب الامومه
سُلاف بلهفه : ياكم ان قلبي وحشه كلامك المعسول ، رفع جسده عنها يقرب منها اكثر وخصوصاً من عنقها يروي ظماه وشوقه لقُبلة الوداع ، سُلاف بخجل : ما يردك شي انت؟
سَياف : اذا عن وصالك مايردني شي
سُلاف : ليش وضحت لي انك ناسيني ولا تعرفني؟ ليش يا سَياف
سَياف : ياويلك تبكين
سُلاف : انطم الحين تهددني ابكي ولا اهتميت يوم قلتها!
مسك راسه من ورا يحكه : ما عندي شي اقوله والله ودّك اكذب عليك راضيه؟
سُلاف : هيا وخر عني طيب
سَياف : تخسين وين بتروحين؟
سُلاف : اذا حاولت تصلح كسرك جيتك
سَياف : طلعيني من المستشفى واصلحه
سُلاف : اي ان شاء الله وين حاب انطلك؟
سَياف : بيت بسام وانتي معي
سُلاف : اكلم خالد واشوف
سَياف : -
#تو_ماجِرد_المحاني_تبسّم_ريفها

—————————————————————
سُلاف : اكلم خالد واشوف
سَياف : اي على طاريه ليش حضنتيه؟
سُلاف : متى حضنته؟
سَياف : يوم طلع لكم ينادي بسام
سُلاف : يمه وشعرفك انت؟
سَياف : استخبارات
سُلاف : ردة فعل بس
سَياف : وردات الفعل ما تطلع لي؟
سُلاف : يمه والغيره
سَياف : ادعي انك ما تشوفين غيرتي بس ذي غيرة التـ ، بترت كلامها بتقبيلها على خده
سُلاف : خلاص ارضيناك؟ ، انسدح على رجولها : ياحلو خفقان العذوبه
سُلاف : قم عني بروح
سَياف : لا خليك ما شبعت
سُلاف : تراني بكون معك اربع وعشرين ساعه يعني يمديك تشبع وتطفش مني
سَياف : اشبع منك ممكن اما اطفش منك لا والله ما صارت ولا بتصير ، قبلته على جبينه تسترسل كلامها : حُب عمري
سَياف : هيا ماني موخر جاز لي الوضع
سُلاف : يا حيوان وخر ، ضحك على نفسه يوم قام عنها
سُلاف : حلو يمشي معك الاسلوب ذا العذوبه ما عاد تمشي
سَياف : تمشي معليك بس الحين من التعب ما ودّي انك تروحين
سُلاف : رايحه وراجعه ماني مطوله
سَياف : انتظرك اجل خلي ابو غيث يجي اذا طلعتي
سُلاف : تمام ، طلعت متجه لخالد كونه هو الي ماسك حالة سَياف وقفت عند الباب تسترسل كلامها : سَياف يبغاك
بسام : انحلت اموركم؟
سُلاف بابتسامه : مصفوق سَياف انحلت الحمدلله
بسام : والله صادقه مصفوق ، ضحكت : يلا عن اذنك بس ترا يبغى يطلع بشوف اذا خالد وافق طلعناه
بسام : فيه عجله الله يهديه
سُلاف : ادخل وتفاهم معه وانا بشوف خالد اذا وضعه كويس طلعناه
بسام : يعطيك العافيه
سُلاف : الله يعافيك
~ عند جمانه وهنادي ~
هنادي : حاولت اني اوصل لحل يطلع اخوك بس ما حصلت شي عطيني وقتي وابشري
جمانه : اعطيك وقتك لين اخوي يخمج في السجون صح؟ اذا انتي قلبك مارّق على ولدك ولا اهتميتي يوم ضريتيه انا ماني زيك حلي موضوعك باسرع وقت ولا كل شي بيوصل لولدك ونرتاح منك
هنادي بترجي : جمانه تكفين اعطيني وقتي بس والله لاطلع اخوك لك
جمانه : ما يمشي معي اسلوب الترجي ذا دامك خايفه من ولدك ليش قررتي تضرينه؟
هنادي : الوحيد الي بيخليني انسى مُر عذاب محمد ولده
جمانه : متخلفه انتي تراه ولدك اصحي على نفسك بتندمين بعدين
هنادي : لا يوصل شي لسَياف واخوك بطلعه
جمانه : يصير خير ، طلعت من عندها راجعه لبيتهم ترتاح ومن بكره تروح تزور اخوها
~ عند الجد راجح وبتال ~
الجد راجح : اختفى بسام ما عاد وصل لنا خبر
بتال : دام مافيه اخبار اكيد طيبين مافيهم الا كل خير
الجده عهد : ان شاء الله يارب
حليمه : ودّكم نكلم سُلاف تطلعه لنا اذا حالته مستقره؟
انَوار : مجنونه انتي واذا انقطع التنفس عنده وش تسوين؟
حليمه : نخليها تكون معه هي
انَوار : لا خلوه لين يطلعونـ ...
#تو_ماجِرد_المحاني_تبسّم_ريفها

—————————————————————
انَوار : لا خلوه لين يطلعونه هم من كيفهم
تركي : عمه حليمه كلميها خليها تطلعه والله وحشني خالي
انَوار : اي واذا جاء تسحب عليه وتروح مع بسام
تركي : لا خلاص بجلس معه ما عاد بسحب عليه
وهج : وتسحب علي؟
تركي : ما اعرفك خلاص عفتك
انَوار : يمه ذا ماهو ورعي
تركي : الا ورعك لكن تربية بسام وسَياف
الجد راجح : ونعم التربيه والله
تركي : حبيبي يا جدي
~ عند سَياف وبسام ~
بسام : سمعت انك تبغى تطلع
سَياف : اموري طيبه وش يردني ما اطلع؟
بسام : مايردك شي راكب راسك
سَياف بضحكه : شدعوه يابو غيث بس خلاص نفسيتي بخشمي لو جلست زياده يمكن افصل عليكم كلكم
بسام بغمزه : نفسيتك بخشمك متأكد؟
سَياف : مسوي صايد الجو انت وراسك
بسام : دامك بتحن عليها ليش سويت كل ذا السيناريو من البدايه؟
سَياف : والله ما ادري شياطيني كانت راكبتني
بسام : الله يشفيك
سَياف : ليه وش قالوا لك مريض يوم تدعي علي؟
بسام : هدها يا الشخصوني ، قطعت عليهم النقاش تفتح الباب استرسلت كلامها : جاهز؟
سَياف : دايم جاهز
سُلاف : يخلصون اوراق الخروج وتطلع
بسام : بذا السرعه؟
سُلاف : وضعه كويس ولو احتاج شي انا بكون معه
بسام : حلو اجل بروح اشغل السياره واجي
سَياف : اعرفك نقنوق ياويلك تعلم احد
بسام : شخص واحد ما يأثر نعلمه
سَياف : منهو ذا الشخص؟
بسام : ام تركي
سَياف : ام تركي مالها اسم؟
بسام : سد حلقك بس
سَياف : خلني لين اقوم اذا ما طلعت حرتي فيك
بسام : امسكي زوجك المجنون ذا
سُلاف : اسكت عنه وهو يقعد عاقل
سَياف : اويلي على ردود زوجتي
بسام : رايح اخذ لي مكالمه تقويني عليكم
سَياف : ما اغبى منك الا عمتي سر امها بس
بسام : بيوصلها كل شي
سَياف : ما قلت نقنوق عبث
سُلاف : معك ملابس؟
سَياف : فيه بدله في السياره جبها معك
بسام : تبغاها الحقني
سَياف : الحقك وين يا الغالي
بسام : خلاص خل زوجتك تجي تأخذها انا اجيبها معصي
سُلاف : خلاص هيا
بسام : مشينا ، راحت مع بسام تجيب له ملابس وماهي الا دقايق محسوبه ورجعت له رمت الملابس عليه استرسلت كلامها : يلا امسك البس بروح اشوفهم خلصوا ولا لا
سَياف : زوجك اعتني فيه
سُلاف بتعجب : اعتني فيه البسه!
سَياف : مافيها شي
سُلاف : اقول البس وخلصنا
سَياف : خلاص البس الشورت وانتي تلبسين التيشيرت
سُلاف : خلاص طيب
سَياف : طيب ساعديني قوميني زين
سُلاف : التغلي بدا من الحين
سَياف بضحكه : ما شفتي شي باقي
سُلاف : كل ذا وباقي؟ ياراسي بس
سَياف : امشي اخلصي علي خليني اطلع اشوف الدنيا
سُلاف : ما شاء الله على قلة الادب ماهي الدنيا واقفه قدامك
سَياف : ياوجه الله ونرجسية زوجتي ، قربت تساعده يقوم يغـ ...
#تو_ماجِرد_المحاني_تبسّم_ريفها