تو ماجِرد المحاني تبسّم ريفها

Part 25

تركي بزعل : ما سويت شي تراني
سَياف : خلاص خلني اقوم بصحتي وعافيتي وابرد خاطرك ، دخل الجد راجح والكل دخل وراه
الجد راجح : ما شاء الله طيب بس روعنا عليه
الجده عهد : لا والله شف وجهه كيف تعبان
انَوار : يمه لا تجلسين تزينين له الوضع الحين يتدلع علينا
سَياف وعيونه عليها : الله ما اقواك يا عمه غيرك بسام
صفقه بسام : هيه من باقي ماغيرته عليك؟
سَياف : جده اطردي ذا الثور عني
الجده عهد : يمه بسام قم قم عنه نفسيته شينه
الجد سامي : طهور ولا بأس عليك ياوليدي
سَياف : الله يسلمك بس من انت؟
ياسر : ذا جدي سامي
سَياف : ماهو قدرك ولا كان قمت اسلم عليك بس تدري انت بالوضع
الجد سامي : واصل سلامك وماتشوف شر
سَياف : الشر مايجي الجميع ، كانت تناظره تنتظره يبادر يسألها بشي اهم شي يكلمها ولا انه يتجاهل وجودها ، مشت بتطلع من الغرفه استوقفها جدها : على وين يابنتي؟
سُلاف : برجع البيت
ياسر : اجي معك؟
الجد سامي : ما شاء الله وانا ياسيد ياسر
ضحك ياسر : يوه نسيتك العذر والسموحه منك
لفت على الجده عهد : الحمدلله تطمنتي وهذا هو قدام عينك بأحسن حال ، فتحت الباب وطلعت بدون ما تسمع رد من احد هو الوحيد الي عارف بحركاتها ذي ماعدا الكل الي انصدم منها ركبت سيارتها تعاتب نفسها يوم باكمله وهي تصيح من خوفها عليه والحين مو معبرها ابداً عشان وش؟ ماتدري عن السبب مشت تاركه كل شي صار وراها
~ عند جمانه ~
انتابها الخوف على اخوها ركبت السياره متجهه للمستشفى تسأل عن اخوها مو طبيعي يومين ماله خبر ولا حس ابداً بعد مرور ساعه وصلت دخلت للاستقبال : لو سمحتي سيف الي يشتغل هنا وينه؟
الموظفه : سيف بن سعود؟
جمانه : اي
الموظفه : قبل يوم اخذته الشرطه وما عاد له خبر ، انصدمت كون اخوها تم القبض عليه من يوم ولا كانت تدري عنه طلعت والحقد ماليها على هنادي
~ عند سُلاف ~
دخلت البيت ونفسيتها بخشمها من سَياف وحركاته استوقفتها نوره : كيف مريضك؟
سُلاف : ماعندي مريض
عبدالعزيز بتعجب : وسَياف!
سُلاف : مو مريضي ، مشت تتجاهل كثرة النقاشات الي تخصه بالذات دخلت دورة المياه تأخذ لها شور يهديها وترتاح من بعده دخلت في سُباتها العميق بعيد عن العالم
~ عند سَياف ~
الجد راجح : دامك طيب نستأذن حنا تطمنا والحمدلله نترك بسام عندك وان شاء الله نزورك بكره
سَياف : بطلع ماني جالس
ياسر : وش تطلع؟ ترا توك صحيت اجلس كم يوم لين يشوفون حالتك بعدها توكل
سَياف : ياليل والطفش
بسام : اسوي لك احلى جدول بس انطق ما حنا رايقين تنصرع علينا
سَياف : عمه اخذي رجالك عني
انَوار : مايعرف لك الا هو ياجعله يقعد على قلبك بعد
سَياف : -
#تو_ماجِرد_المحاني_تبسّم_ريفها

—————————————————————
سَياف : من مسلطكم علي انتم؟
بسام : مالك دخل ، ضحكت انَوار على شخصنته مع سَياف استرسل كلامه بابتسامه كون الضحكه طلعت منها بسببه : عجبتك؟
انَوار : خلك على كذا وبس
بسام : ابد على جوي ابشري
الجد سامي : نستأذنكم والله يمدك بالصحه والعافيه
سَياف : امين ومن يقول يارب ، طلع الجد سامي وياسر معن متجهين للبيت ، الجد راجح : مشينا اجل حنا
بسام : اوصلكم؟
الجد راجح : بنتعبك بتصل على بتال
فز بسام : تعبكم راحه لا تتصل ولا شي
سَياف : اثقل طيب وراك بتطير من الفرحه كذا
بسام : سد حلقك
سَياف : رح عني قبل ما ارثمك
بسام : ياشين نفسيتك القرنبع ذي ، ضحك سَياف يمسك بطنه ، نطقت الجده عهد بخوف : هيا يا دفاشتك خلاص اسكت ريح نفسك
سَياف : اسحبوه عني واهجد
بسام بتمثيل للزعل : يلا ودعتك الله سجلها عندك
الجد راجح : مانوصي هبيله على نفسه
سَياف : افا عليك بس
الجده عهد : استودعناك الله ، قربت انَوار تقبله وتحضنه
سَياف : وش جاك انتي؟
انَوار : مشاعر اسكت
سَياف : اتحداك تبكين ، بعدت تناظر فيه بتعجب : ترا دمعتي بطرف عيني تتحداني ليه؟
همس لها : بشوف ردة بسام بس
انَوار : يلا ، وصاحت على طول لف مفجوع وش مبكيها ذي!
بسام : سامع غلط شكل اذني فيها بلا
ضحك سَياف : شل زوجتك البكايه
انَوار : كل تراب يا حيوان
بسام بصدمه : توك تبكين!
انَوار بنكران : من قال لك اني ابكي
الجد راجح : ياكثر هروجكم امشوا قدامي بسرعه
سَياف : عليك فيهم ياجدي
الجد راجح : ودّك احطك معهم؟
سَياف : لا خلاص انا مؤدب ، طلعوا من عنده تاركينه لوحده يحارب طفشه بعد مرور عدة دقايق دخل عليه خالد : ما شاء الله صحتك في تحسن اذا جلس وضعك لبكره كذا ان شاء الله نقدر نطلعك
سَياف : ان شاء الله خير
خالد : توصي شي؟ ، بما ان الطفش ذابحه ولا من عادته يستسلم للطفش يحب يشغل نفسه عشان مايعذب عمره بالتفكير نطق بتخطيط : الدكتوره سُلاف موجوده؟
خالد : لا والله لكن اذا الامر طارئ نقدر نتصل عليها ونشوف اذا تقدر تجي او لا
سَياف : اجل اتصل شف تقدر ولا ما تقدر
خالد : ابشر ، اتصل حدود الخمس مرات يدق لين يفصل استغرب وضعها بقوه استرسل كلامه : يعطيك العافيه اجل
خالد : الله يعافيك انا هنا احتجت شي كلمهم بس
سَياف : حبيب قلبي ماقصرت
خالد : ابد واجبنا
~ عند جمانه ~
جلست تفكر وش تسوي عشان تنقذ اخوها تبغى طرف خيط يوصلها لسَياف عشان تعلمه بأدق التفاصيل الي يبحث عنه هو من مده طويله الشخص الي يحتاجه موجود لكن وينه وهو وين؟ ولا احد يعرف يدل طريقه للثاني انسدحت على الكنب بتعب مرهق للنفس ونامت على طول
~ عند سلمان واحد الجنود ~
سلمان : وصل خبر من سَياف؟
#تو_ماجِرد_المحاني_تبسّم_ريفها

—————————————————————
~ عند سلمان و واحد من الجنود ~
سلمان : وصل خبر من سَياف؟
حسين : ماوصل شي باقي ننتظر
سلمان : اول مايوصل يا ليت تعطوني خبر
حسين : ابشر طال عمرك
~ عند بسام وتركي ~
بسام : تزعج حبيبة قلبي ياويلك ، ناظرت فيه بصدمه وش الي حبيبة قلبي! ماتعودت تستأمن شخص ثاني عقب الي صار لها من عقد نفسيه بزواجها الاول
تركي : يمه انا ازعجك؟
انَوار : ازعاجك عسل على قلبي
بسام بغيره : مالنا ربع حكي من كذا؟
انَوار : مو وقته باقي
بسام بتصريفه لتركي : تركي رح جب لي مويه
مشى تركي : ماني خدام عندك
ضحك بسام : ياقوك قواه
انَوار : طبعاً مين امه؟
بسام : بس انتي مانتي قويه زيه
تركي : قوتنا وحده
انَوار : ياحبيبي انت
بسام : اخلصي علي وقوليها لي
انَوار بضحكه تمشي عنه : ممنوع ، سحبها يرجعها قريب منه كحت تخليه يستوعب استرسلت كلامها : بدنا ننتبه على الاماكن لو سمحت
بسام : تجذبين الواحد يمك بعدين تقولين ننتبه على الاماكن! ما اقوى يابنت راجح اول وحده احبها من بد النسوان كلهم
انَوار : على الطاري صدق وش مكرهك فينا؟
بسام الي تقريباً في الماضي حقه يكره احد يسأله زي سَياف لكن هو اهون منه مايواجهه بعصبيه لكن يواجهه ببرود : الماضي نتركه بالماضي ونركز على الجاي
انَوار : تمام
بسام : نقدر نطلب طلب؟
انَوار : الحين صرت مؤدب
ضحك : عاد وش اسوي فيك لازم اصير لسواد عيونك
انَوار : وش؟
بسام : ابغى رقمك
انَوار : ماتقدر بدونه؟
بسام : تجيبينه ولا لا؟
انَوار : لا
بسام : زين ، لف يمشي عنها استوقفته تنطق رقمها بسرعه
بسام : تهبين الا اصبري شوي شوي ما امداني احفظ شي ، ضحكت على شكله وهو يطلع جواله بسرعه يهبد اخر رقمين قالتهم
انَوار : مو كذا ياغبي ، سحبت الجوال تسجل الرقم وتعطيه : قضينا كذا؟
بسام : كذا حلوين على حلوين
انَوار : خلاص رح سَياف ينتظر الحين يقوم القيامه لو قعد لوحده ، قرب يقبلها على خدها يكسر الحواجز مابينه وبينها يجبرها تبعد عن خجلها كونها معه كانت تنتظر احد يطلعها من خجلها عشان تبادر وفهمها بسام كثر ماهو يتمنى قربها حضنته تلعب بشعره من ورا
بسام : انا خفيف جبتي راسي بين يدينك وشرايك اسحب على سَياف ، ضحكت تصفقه على راسه تسترسل كلامها : ياخفيف صدق انقلع
بسام : معليه ان قالها الله هي كم يوم ان شاء الله وناشب لك
انَوار : بطلع ادور لي زوج غيرك
بسام : بسوي نفسي ماسمعت شي
انَوار : بكيفك عاد
بسام : تبغين شي؟
انَوار : سلامتك
بسام : يلا ادخلي ، دخلت البيت تحت انظاره بعد ماتطمن عليها ركب السياره متجه لسَياف
~ عند سُلاف ~
صحت بتعب كلي بجسدها اخذت جوالها تشوف كمية الاتصالات من خالد 5 مكالمات ليش! ...
#تو_ماجِرد_المحاني_تبسّم_ريفها