تو ماجِرد المحاني تبسّم ريفها

Part 16

سَياف : اجل موضوعك لين اجيك ، مشى يدخل غرفته يطلع له تيشيرت وشورت مع شراب وشوز دخل يأخذ له شور سريع ويستعد لأخر جلسة تضميد لجرحه طلع يلبس اللي طلعه وينشف شعره يأخذ مشط شنبه يرتبه زين بخ من عطره المُعتاد اخذ مفتاح سيارته وبكت دخانه وجواله وطلع لهم يسترسل كلامه وهو واقف : وش عندك من موضوع؟
الجد راجح : ما شاء الله على وين؟
سَياف : المستشفى
حليمه اللي ما كانت تدري : بسم الله عليك وش فيك
سَياف : جرح بسيط له اكثر من يوم واليوم اخر تضميد له
حليمه : الحمدلله اهم شي انك بخير
سَياف : يستاهل الحمد ، انتبه لنظراتها اللي ماشالتها عنه طنشها يسترسل كلامه : جدي تكلم ما ابغى اتأخر
الجد راجح اللي جلس يفكر طول ليله بسالفة زواجه من سُلاف توصل لحله النهائي : دامك ناوي تتزوج سُلاف الله يوجه لك خذ معك جدتك وعمتك حليمه سَياف بصدمه : متأكد ياجدي من اللي تقوله؟
الجد راجح : متأكد الله يوجه لك ياوليدي ، وهج اللي انصدمت اكثر من الخبر اللي مازال يرن بمسامعها عرفت سبب عدم قبوله للرسمه
سَياف : تركي هيا معي
بسام : ورعي ما تأخذه الا انا معه
سَياف : الله يعينك ياعمه انَوار ابتلشتي باثنين الحين
انَوار : مافيه فرق عنك كنت مبتلشه
سَياف بضحكه : لاتقولينها قدامه طيب
انَوار : انت اللي فتحت على نفسك باب
سَياف : يلا فداك انا طالع الحقني انت و ورعك
بسام : طيب
~ عند سيف وجمانه ~
وصلوا المطار وامورهم ماشيه في السليم الى ان صادفتهم هنادي ، هنادي بتصفيقه : براڤو عليك ياسيف
جمانه : معليش بس بصفقتك مين تتحكمين باخوي!
هنادي بضحكه خبيثه : اخوك موقع على تعهد انه مايسحب نفسه الا لين ينفذ مهتمه ويستلم مبلغه
جمانه بصدمه من افعال اخوها : سيف هالكلام صح
سيف اللي كان ناسي موضوع التعهد ماتذكره الا من كلامها : صح ، انصدمت زياده كانت متوقعه انهم وصلوا لنهاية الموضوع ذا وخلاص بيسافرون وتشوف حياتها الطبيعيه مع اخوها بدون خوف وقلق من فقدانه ، لفت عليها ترمي ابشع الكلام اللي المفروض تسمعه من بداية تفكيرها بضرر ولدها الوحيد واللي ماله ذنب ابداً ، هنادي : امسك اختك وارجعوا لشقتكم ومن اليوم ترجع لشغلك ، اخذ سيف جمانه ورجعوا البيت تحت انهيار جمانه من هول الحدث المفاجئ واللي ما كان من ضمن الحسبان
~ عند سَياف اللي وصل مع وصلوا عبدالعزيز ~
استوقفه عبدالعزيز : انت سَياف؟
سَياف : امرني
سحبه عبدالعزيز يبعده عن بسام وتركي يسترسل كلامه بتهديد : بنتي ابعد عنها ولا تحبها لاتشوف لك شي مايسرك
سَياف : اهلين بعمي
عبدالعزيز بتعجب : عمك! الله لايقوله
سَياف : ما ببعد عنها يمكن ابعد عن اظهار حبي لها بس بعـ ...
#تو_ماجِرد_المحاني_تبسّم_ريفها

—————————————————————سَياف : ما ببعد عنها يمكن ابعد عن اظهار حبي لها بس بعدين بنتك موافقه مالك حق تمنعني عنها ، على رفعة يده بيعطيه كف طلعت سُلاف تشوف سبب تأخره عليها مع انه ارسل لها " جايك الحين ابعد اثر الخرشه عنك " ، صاحت تستوقف ابوها : يبه يدك لا تمدها ، مسكها
سَياف ينزلها له يرص على اسنانه : لولا كبر سنك صدقني ما ارحمك ، قربت توقف بينهم تسترسل
كلامها : يبه اذا جاي عشان تهاوشه ارجع البيت
عبدالعزيز : مو انا اللي برجع هو اللي بيروح
سُلاف : يبه هو جاي عشان جرحه مو جاي عشان شي
عبدالعزيز : فيه مليون مستشفى غير ذا يروح يضمد جرحه فيها
سُلاف باستنكار من ابوها : مو رايح انا اللي مناديته
عبدالعزيز : امشي قدامي للبيت انتي
سُلاف اللي تمسكت بسَياف تسترسل كلامها ببكاء : ماراح اروح مكان لين اضمد جرحه ، حضنها بيده يهديها ويطمنها انه مايمشي لين تضمد جرحه له ، سحب عبدالعزيز سُلاف من بين يدينه يسترسل كلامه : بنتي وقلت لك ابعد عنها
سُلاف : يبه فكني خلني اضمد جرحه بس
عبدالعزيز : مافيه قدامي ، ناظرت فيه كيف يناظر فيها وكأنه يناظر بأحلامه اللي تتلاشى منه جلست عند رجول ابوها تبكي تمنت الارض تنشق وتبلعها ولا تعيش ذا الشعور ان ابوها يطرد اللي استأمنته بيوم وليله نطق سَياف : ببكي من يبكيها دم سجل ذا الكلام عندك وخله يتراود بعقلك لين تعيشه ، نزل لمستواها يرفع وجهها اللي منزلته ومغطيته بيدينها بعد يدينها يناظر احمرار وجهها وذبول رموشها بسبب دموعها مسح دموعها يهمس لها : كان ودّي ما امشي لين تضمدين جرحي بس الواضح ابوك مايبغى ذا الشي ودعتك الله يا اللي وداعك علي اصعب من ايّة وداع ، حضنته تحت انظار ابوها اللي ودّه يرحمها ويقول خلاص بس مايقدر كون ان نوره اللي طالبته يسوي ذا الشي وقف سَياف يودعها كعادته بس ذا المره يتنازل عن قبلة العنق اللي ادمنها بقبلة على راسها ، مشى عنها يأشر لبسام وتركي يلحقونه ركب سيارته ينزل راسه على الدركسون يسمح لدموعه تنزل ركب بسام تركي ورا وركب هو قدام يطبطب على ظهره : افا يابو محمد ماهقيتك تبكي
سَياف : انزل سق بدالي ، نزل بسام يفتح الباب يخليه ينزل نطق سَياف : ما ابغى انزل وتشوفني بنقز من هنا للمرتبه
بسام : اجل انقز طيب ، سحب شماغه يغطي وجه عشان ماتلاحظه ، حرك بسام يسترسل كلامه : امر بك مستشفى ثاني؟
سَياف : لاتمر شي خلني اكل تراب ، شغل مخاوي الليل يطلع بكت الدخان يأخذ زقاره يثبتها بين ثغره ويشعلها /
" غنيت حب و وفاء واطياب
واشواقي من لحني وعزفي
احباب وتفارق الاحباب
واللي بقى جرحي ونزفي " ، استوعب على نفسه بعد ماخلص بكت كامل يوم صاح عليه بسام يوقـ ...
#تو_ماجِرد_المحاني_تبسّم_ريفها

—————————————————————استوعب على نفسه بعد ماخلص بكت كامل يوم صاح عليه بسام يوقفه : ارحم نفسك بكت كامل يا سَياف في اقل من ساعه!
سَياف : مادريت
~ عند سُلاف وعبدالعزيز ~
جلست تعاتب ابوها وتبكي : ليش يوم شفتوني مبسوطه خربتوا علي! ليه يايبه ما انا بنتكم يوم تسوون فيني كذا اذا تعرفونه وتبعدوني عنه ف انا اقولها لك ماعشتوا تبعدونه عني ، مشت عن ابوها تركب سيارتها تتصل على سَياف مره مرتين اخيراً رد بالمره الثالثه استرسلت كلامها : ليش ماكنت ترد علي؟
سَياف : ما انتبهت
سُلاف : وينك؟
سَياف : عند البيت
سُلاف : اقدر اجيك؟
سَياف : مو انا اللي منعتك تقربين مني ابوك اللي مانعك
سُلاف : سكة الطريق وانا عندك
سَياف : حيّاك الله
سُلاف : الله يسلمك ، بعد مرور نص ساعه وصلت وشافته جالس على عتبة الباب ويدخن وقفت قدامه تسحب الزقاره من بين ثغره تنطق : سألتك بالله ذي الزقاره كم؟
سَياف : ٢٢
سُلاف بصدمه : سَياف تستهبل صح؟
سَياف : احط حرتي فيه
سُلاف : بنجلس هنا؟
سَياف : لا تعالي ندخل المجالس ، دخل وهو ماسكها بيدها استرسل كلامه : ادخلي بجيب لنا مويه واعلم بسام واجيك
سُلاف : لاتطول علي
سَياف : سمّي ، دخل البيت يأخذ مويتين نادى بسام برا البيت يعلمه استرسل كلامه : بسام تكفى المجالس لا احد يجيها وان احد بيجيها ارسل لي طيب
بسام : ليه من عندك؟
سَياف : سُلاف
بسام : ابشر خلاص
سَياف حضنه : والله انك اعظم من حظيت به
بسام : ياويلي تراني خفيف
سَياف : حبيب قلبي والله
بسام : هيا رح خلاص
سَياف : يلا ، رجع لها يدق الباب تفتح له فتحت وبخوف حضنته : ليش مخلي لوسي هنا؟
سَياف بادلها الحضن : نسيتها من جدي
سُلاف : بعدها طيب عشان اقدر اجلس ، مسكها بيده وبيده الثانيه مسك سُلاف يخليها تجلس وينسدح على رجولها يطلبها تلعب بشعره وهو يلعب مع لوسي نطقت : ليش استسلمت لابوي؟
سَياف : حسيت وراه شي يعرفه عشان كذا يبعدني عنك
سُلاف : وشهو هالشي؟
سَياف : ما ادري عن ابوك اسأليه انتي
سُلاف : من زمان وانا اسألهم يعلموني رافضين ماتقدر تبحث انت!
سَياف : اقدر بس مأخذ اجازه انا باقي ما انتهت
سُلاف : تجيني المستشفى بكره اغير على جرحك
سَياف : ماعاد يحتاج خليه
سُلاف : مريت مستشفى؟
سَياف : ما مريت شي
سُلاف : ليش مستهتر بصحتك؟
سَياف : بيمنعك ابوك ما عاد تجيني ما عاد بحياتي شغف انتي اللي زرعتي شعور الحب بداخلي والحين ما عاد فيه انتي ولا عاد فيه شعور حب ، بكت من كلامه ماتشوف بيدها شي تسويه رفع راسه يناظر فيها يسترسل كلامه : ليش تبكين؟ يسألها كأنه مايعرف وهو باكي معها
سُلاف : ليش غطيت وجهك بشماغ بسام؟
سَياف : ما ابغاك تلمحيني وانا ابكي
-
#تو_ماجِرد_المحاني_تبسّم_ريفها