تو ماجِرد المحاني تبسّم ريفها

Part 2

بسام بضحكة : خلاص ما انت اخوي بس انثبر
سُلاف : هيا مُمكن ابدا شغلي
سَياف : عجلي ان طولت يمكن يذبحوني من الخوف
سُلاف باستغراب : مين يذبحك بسم الله؟
سَياف : ياكثر اسئلتك انجزي شغلك بسرعه
بسام : روق روق
سَياف : نروق الحين انا وانت ان شاء الله
بدت تضمد جرحه بعد ما انتهت نطقت بتعب : جرحك عميق مره يبغى له تغيير يومياً يا تغيره بالبيت يا تجي هنا ونغيره لك
سَياف وكرهه للمستشفيات : ما تطلعون ممرضين للبيوت؟
سُلاف : نطلع بس ما اضمن لك انهم يجونك
سَياف قام ونطق بكلامه : نضمنك انتي اللوكيشن يوصل لاخوك وتجين الله لا يهينك ومشى متمسك في بسام
بسام : ياساتر والثقيل
سَياف : مايمشي الا الثقل اسمع مني
بسام : شف لوين وصلت دامني اسمع منك
سَياف : كأنها سبه بس
ضحك بسام : ما اقوى اسبك ياعشيري
سَياف : الله يالدنيا عقب يالرفيق الموازي طلع مصطلح جديد على الساحه
بسام : ما اخبرك شايب ما تدري عن العالم
سَياف : ماني شايب كثر مو ان عقلي ماهو معي
بسام اللي يدري بكل ماضيه : يا سَياف انسى الماضي تراك بتتعب اكثر شف وجهك كيف اصلاً مرهق
سَياف : كيف انسى يا بسام وموضوع امي اللي صادمني؟ كيف قدرت تتخلى عن ضناها ولا فوقها بزر ما يدري عن الدنيا بشيء هيا علمني كيف انسى انهار بالبكاء وكانت اول مره يبكي فيها بعد ما تجاوز عمره ١٠ سنوات
بسام : انساها يا سَياف هي الي تخلت عنك مو انت الي تخليت عنها صدقني بيجي يوم وبتلقاها بوجهك راجعه لك القلبّ يحن مهما قسى
سَياف : مر كوڤي نطلب قهوه ونتقهوى بعدين نروح للمقر اطلب اجازه كم يوم
بسام : كيف اقوى اداوم بدونك هيا والله اني معك باخذ اجازه
سَياف ضحك : ناشب لي حتى بالاجازات
بسام : اي اضحك يا جعلها دايمه على محياك يارب ولا تغيب
سَياف : حبيب قلبي اللهم امين يارب وياك
~ عند نوره وعبدالعزيز ~
نوره : تأخرت سُلاف يا عبدالعزيز خايفه عليها
عبدالعزيز : هدي الحين تجي
نوره : هيا قم نروح نشوف ليش تأخرت
عبدالعزيز : تعالي اجلسي ، لف على ياسر الي منسدح على الكنب ويطالع في التلفزيون نطق بكلامه : ياسر وانا ابوك اتصل على سُلاف شف وينها
ياسر : ابشر ، اتصل و وصله الرد بسرعة البرق
سُلاف : ما اتوقع اني وحشتك لذا الدرجه
ياسر : انقلعي ما وحشتيني
سُلاف : اجل ليش متصل؟
سحبت الجوال نوره منه : وينك يا بنتي تأخرتي؟ خوفتيني عليك
سُلاف : يا بعد كل الناس انتي كان عندي مُصاب عشان كذا تأخرت
نوره : الحمدلله وينك الحين؟
سُلاف : قريب من لفة البيت ، لا تسكرين عطيني ياسر
نوره : طيب ، خذ تبغاك
ياسر : ها وش عندك من علوم؟
سُلاف : علوم ماتسر والله
ياسر : اصبري ، قام متجه لغرفته -
#تو_ماجِرد_المحاني_تبسّم_ريفها

—————————————————————
ياسر : اصبري ، قام متجه لغرفته استرسل كلامه : هاتي ماعندك
سُلاف : وانا داخله المستشفى صدمت لي ملازم اول مادريت
ياسر : صار فيه شيء؟
سُلاف : لا الحمدلله وضعه كويس
ياسر : طلبك شيء؟
سُلاف : قال ابي تعويض وعطيته رقمك كلم ورشة خويك عشان يجيهم ويصلحونها له
ياسر : خلاص ابشري عجلي علينا مافيه احد اتهاوش معه
سُلاف : انا داريه والله ليه وين مهند؟
ياسر : الدب ذا لا تنشدين عنه من يوم رحتي وهو نايم
سُلاف : يلا سكة الطريق وانا عندكم ان شاء الله تبغون اجيب شيء
ياسر : مشتهي قهوه والله جبي واحول لك
سُلاف : لا اليوم مجاني
ياسر : كريمه اليوم غريبه؟
سُلاف : ما ينتجمل فيك يا سويد الوجه
ضحك ياسر : يازين الشخصونيه بس
سُلاف : حُب عمري
ياسر : الله يكثر من نفسياتك الزينه لايكون الملازم اول له يد في الموضوع
سُلاف : لا تذكرني تكفى والله ياهو غثيث بس يهاوش الله يعين العسكر عليه
ياسر ضحك : ذا الي تطلبه العسكريه ياخوك
سُلاف : الحمدلله مانك زيه
ياسر : انا راعي مطافي ما اكلم احد
سُلاف : احلى رجل وراعي مطافي والله يلا وش طلبك نفس المُعتاد ولا بتغير؟
ياسر : مافيني اغير خليه نفس المُعتاد
سُلاف : يلا حياتي وقفلت
~ عند الجد راجح ~
شهق من وصله الخبر من المعسكر حقه
الجده عهد : عساه خير ان شاء الله
الجد راجح : مامن خير والله وسَياف راكب راسه ، على كلامه دخل سَياف البيت ونطق : وش انا مسوي ان شاء الله؟
الجد راجح : مع مين متمشكل
سَياف : اللي ناقل لك الخبر ناقله بكذبه
الجد راجح : قل لنا الصدق طيب
سَياف جلس ونقل لهم الي صار بالكامل ، الجده عهد : بسم الله عليك يا وليدي ان شاء الله ما تعورت مره؟
سَياف : لا الحمدلله جرح بسيط ، كان يهون لها على حساب نفسه وهو شوي ويموت من قوة الالم والشاهد على ذلك بسام الي ما تركه لحظه وحده
انَوار : الحمدلله عدت على خير
سَياف : وين حبيب خاله؟
انَوار : نايم
سَياف : جدي من بكره بتجي لي ممرضه هنا تداوي جرحي وعقبه تروح
الجد راجح : ومنهي بنته؟
سَياف : ما لمحت الا اسمها
الجد راجح : وش اسمها؟
سَياف : سُلاف
الجد راجح توسعت عيونه من تذكرها ونطق يبعد الشكوك : زين الله يحييها باي وقت والبيت بيتها
سَياف : لا والله البيت مو بيتها يا جدي
الجد راجح الي كان خايف من كلام سَياف وانه مُمكن عارف منهي سُلاف ذي نطق : معليه يا وليدي ذا من الترحيبّ
سَياف : زين داخل انام انا تبون شيء؟
الجده عهد : اكلت شيء؟
سَياف : اي الحمدلله مرينا افطرنا انا وبسام
الجده عهد : الله يرزقه ذا البسام
سَياف : اللهم آمين يارب يلا عاد بعد اذنكم لا احد يجي يصحيني غير تركي
انَوار : ابشر
-
#تو_ماجِرد_المحاني_تبسّم_ريفها

—————————————————————
~ العصر عند سيف ~ رجع للبيت اخذ جواله واتصل على هنادي ينتظر الرد انتهى الاتصال بعدم الرد جلس يتوعد فيها وندم انه سمع بكلامها
~ عند ياسر وسُلاف ~
سُلاف : معقول للحين ما كلمك!
ياسر : مافيها شيء يا دكتورتنا
سُلاف : يخوف يا ياسر والله يخوف
ياسر بضحكة : هبلك ذا الملازم
سُلاف : يارب يا حبيبي ماعاد اشوفه عند مستشفانا
ياسر : لازم اقابله ذا الملازم
سُلاف : عينت خير والله ، قامت ونطقت بكلامها : هيا نجلس عند امي وابوي وجدي عشان ما يشكون ان ورانا شيء
ياسر : يلا لاحقك
الجد سامي : يا مرحبا لين ما تبقى من المرحبا شيء
ركضت سُلاف تحضنه : يالله والترحيبّ اللي يعشقه قلبي
الجد سامي : تستاهلينه يا نوري كيف دوامك اليوم؟
سُلاف : حلو بس خرب علي واحد الله يستر عليه
عبدالعزيز : منهو؟
سُلاف : الملازم اول سَياف
الجد سامي لف يناظرها : منهو ابوه؟
سُلاف : ما اعرفه لكن صاحبه اللي علمني باسمه
نوره : رحي صحي مهند بسرعه
سُلاف : سمّي
عبدالعزيز : لا يكون ولد محمد يا يبه؟
الجد سامي : ان شاء الله ماهو هو
نوره : ياسر تعال
ياسر : سمّي وش عندك مستعجل
عبدالعزيز : على وين؟
ياسر : سُلاف اليوم صادمه ملازم اول ورايح اشوف عشان نصلحها
انصدموا كلهم نطق الجد سامي يبتر لحظة الصمت اللي صارت : الله يستر عليك يا وليدي انتبه لنفسك
ياسر : ان شاء الله يلا سلام ، طلع تاركهم يجهل سبب صدمتهم وسكوتهم
عبدالعزيز : يبه لازم نعلمهم السالفه من طقطق لسلام عليكم
الجد سامي : لا يا عبدالعزيز ما نقدر
نوره : ليه يا يبه ما نقدر؟ فالاخير هو ولد خالتهم
الجد سامي : نوره يابنتي الله فرق بينها وبينك هي تخلت عنه وانتي ما تخليتي عن عيالك
نوره بحسره على سَياف : ما يستاهل الي سوته فيه بس صدقني يا يبه بيجي لها يوم وتندم
عبدالعزيز : ما جاء لها عيال هي؟
نوره : لا اصلاً تطلقت
الجد سامي : الله لا يبلانا ليتها جلست عند ولدها احسن لها
~ عند الجده عهد وسَياف وتركي ~
تركي : خالي ليه ما تتزوج؟
سَياف : ليه تبغاني اتزوج؟
تركي : تريح جده وتجيب لي اخو
ناظر فيه سَياف ورّق قلبه من طاري الاخوه : باقي وانا خالك مالقيت الي تليق فيني
الجده عهد : ان كانك تبغى تتزوج علمني ادور لك انا وعمتك انَوار
انَوار : تبشر والله بس اشر انت
سَياف : ماتقصرون والله ادري فيكم بس ماني مخطط اتزوج
الجده عهد : الله ييسرها لك يارب
سَياف : تركي اقول لك شيء حلو؟
تركي فز : وشهو
سَياف : جهز نفسك بكره ان شاء الله ابغاك تكون مرافق لي
تركي : جاهز انا بس وين؟
سَياف : في غرفتي بتجينا ممرضه
تركي : وش اسمها؟
سَياف : سُلاف
تركي : لقيناها خلاص
سَياف بعدم فهم : ...
#تو_ماجِرد_المحاني_تبسّم_ريفها