تو ماجِرد المحاني تبسّم ريفها

Part 8

ياسر : حتى انتي انقلعي قدامي
سُلاف : يلا
تبددّ ظلام الليل يُعلن بدايات الفجر وشروق شمس نجد العذيه والبهيه مع اجواء مُبشره بدخول فصل الشتاء
~ عند سَياف ~
قام من كابوسه يلقط انفاسه : اعوذ بالله وش ذا الكابوس اللي بغى يذبحني ، قام يبل ريقه بالماء ويدخل دورة المياه يأخذ له شور سريع لبس ثوبه ولف شماغه على راسه وبخ من عطره المُعتاد وطلع متجه لهم بالصاله
الجد راجح اللي لمح زوله مقبل عليهم : الله حيّه وحي ذا القبال السمّح
سَياف قبل راسه : حبيب قلبي الله يسلمك
الجد راجح : نشيط اليوم ما شاء الله
سَياف : الحمدلله
الجد راجح : عندك شغل؟
الجده عهد : ياراجح اتركه من اسئلتك خله يأكل
سَياف : خليه يسأل ويرتاح بروح المستشفى اضمد جرحي بعدين ما ادري وين بروح
الجد راجح : اذا عرفت وين بتروح عطني علم
سَياف : ابشر
تركي بطفش : خالي خذني معك
سَياف : وين اخذك؟
تركي : المستشفى
سَياف : ماهو ونتر لاند ترا
تركي : خذني وبس
سَياف : تعال سلم على راسي واخذك
انَوار : تذل ورعي انت؟
سَياف : ياعمه تكفين خليني احس ان لي هيبه
الجد راجح : انت لك هيبه من غير
سَياف : الله يطول بعمرك
الجد راجح : اللهم امين ومن يقول ، اخذ تركي وطلع يتصل على بسام يخاويه
~ عند عبدالعزيز والجد سامي ~
عبدالعزيز : سُلاف لا تتأخرين
سُلاف بعصبيه من تصرفات اهلها اللي انقلبت من يوم ماعلمتهم عن الملازم اول : خلاص اعتقوني تكفون ترا شغل اخلصه واجي حسستوني رايحه ادوج
نوره : تكلمي بأدب مع ابوك
طلعت سُلاف تاركتهم وراها ماتبغى تقول شي ثاني وتزعلهم ، صادفها ياسر : انتي علامك بتصيحين؟
سُلاف : بعد عني مو وقتك
ياسر مسكها بيدها : اهدي وعلميني علامك
سُلاف : كل ماجيت اطلع لا تتأخرين ارجعي مافيه مرواح كله من ذا الملازم اول اللي ليتني ماعلمتهم عنه
ياسر : رحي لشغلك ومعليك من احد بحول لك فلوس اشتري لك قهوه على دربك
حضنته وهي تبكي : الحمدلله انك اخوي
ياسر : الحمدلله والشكر حساسه بزياده وانا اخوك ما بتعيشين زين نصيحه
سُلاف : لا معليك يلا تبي شي؟
ياسر : سلامتك انتبهي مع الخط
سُلاف : تمام
~ عند سَياف وتركي وبسام ~
بسام بضحكه : هيا القم الحين
سَياف : انا وش قال لي اخذك معي؟
تركي : احلى وحده تعالجك يا خالي
ناظر فيه سَياف بتساؤل : وش عاجبك فيها؟
تركي : كل شي يكفي انها زوجتك
سَياف : يالله ارزقني صبر ايوب ما العن منك الا بسام
بسام : عودة العلاقات يا حبيب الكل
تركي قام يجلس بحضنه : تم
بسام : اذوب انا من الحركات الطفوليه ذي
تركي : لا تذوب ياعمي احتاجك
بسام بضحكه : خلاص ابشر
~ عند سُلاف ~
دخلت المستشفى واللاب كوت ...
# تو_ماجِرد_المحاني_تبسّم_ريفها

—————————————————————
~ عند سُلاف ~
دخلت المستشفى واللاب كوت بيدها وقهوتها بيدها الثانيه لمحها تركي وركض يحضنها ، سُلاف : حبيبي وش جابك هنا؟
تركي : جيت مع خالي سَياف
سُلاف : وينه خالك؟
تركي : ينتظرك
سُلاف بتعجب : ينتظرني انا ليه؟
تركي : عشان تعالجينه
سُلاف : مو انا اللي بعالجه خالك رفض ، على كلامها كح سَياف يلفت انتباهها بتواجده
سُلاف بضحكه : ها بشر لقيت من يضمد جرحك غيري؟
سَياف : لايكثر هرجك وراي شغل
سُلاف : مو انت اللي طردتني من بيتك وقلت لي لاعاد اشوفك جايتني! ولا ذا خيالك اللي قاله
سَياف : انا رايح للطوارئ الحقيني واكرميني بسكوتك
سُلاف : يع بجيح مره ، كانت مستقصده تقولها عشان يسمعها ، ضحك سَياف وكمل يمشي
بسام : خفف من الثقل يا الحبيب
سَياف : ان سمعت كلامك طارت هيبتي
بسام : ماودّي احطمك مع صباح الله خير
سَياف : تركي تعال سكت عمك
تركي : طفشتوني انتم ، ردت عليه سُلاف : اخذك منهم؟
لف عليها تركي بفرحه : ياليت تسوين خير كبير
ضحكت سُلاف : من عيوني
همس بسام له : توافق؟
سَياف : تبطي عظم ما تأخذه
مسك تركي ثوب سَياف نطق كلامه بترجي : خالي تكفى كلم امي
سَياف : من عندي مافيه
تركي : خالي تكفى
بسام : لعنبوا حيك تكفى تهز الريجيل ولا من فم تركي بتهزك كليًا معليك من خالك اكلم جدك انا وهو يكلم امك
تركي : نزل راسك بسلم عليك
سَياف : وانا اولى اقول لك سلم على راسي مسوي انك زعلان دواك عندي
تركي : ليتك مثل عمي بسام
سَياف : اول مره يسوي فيك معروف اعرفك تقلب عليه بعدين
بسام : ياوجه الله يا الرجل الشرقي الغيور هدها
سَياف لف عليها وهي متكتفه تناظر فيهم بعيون مليانه حُب نطق بكلامه : ما جبناك عشان تتأملين اقضي شغلك
سُلاف : صوتك لا عاد يرتفع علي سكتّ لك بما فيه الكفايه
سَياف بضحكه : يا حليلك يا شبر ونص
سُلاف بنرفزه منه ومن شخصيته المُتعدده : رايحه انادي لك ممرضه غيري
تركي : لحول منك يا خالي
سَياف : بسام اخذه رجعه للبيت
قام تركي يمسك يد بسام : هيا ياعمي ذا ما يستاهل نجلس معه
سَياف : بربيك بس خلني اوصل البيت ان شاء الله
بسام : اعوذ بالله اليوم راكبتك شياطينك؟
سَياف : يمكن ماندري
~ عند سيف وجمانه ~
جمانه : ليش ماداومت اليوم؟
سيف : بريحي
جمانه : وش فكرت فيه؟
سيف : ما ادري ياخوك بس وش رايك احجز لنا طياره ونسافر واغير رقمي وخليها تتلايط مع نفسها
جمانه بفخر من تفكير اخوها : تعجبني خلك كذا لا تغرك ابدًا باي شي تقدمه لك
سيف : موافقه يعني؟
جمانه : موافقه ماوراي شي بذا الحياه غيرك
سيف : يا حبيبتي انتي
~ عند تركي وبسام ~
بسام : هيا نزلنا يلا
تركي : يلا ، شاله يدق الجرس ، الجد راجح : ..
# تو_ماجِرد_المحاني_تبسّم_ريفها

—————————————————————
تركي : يلا ، شاله يدق الجرس ، الجد راجح : انَوار يابوك افتحي الباب
انَوار : ابشر ، راحت تفتح ومازال تركي يدق الجرس استرسلت كلامها : بتنصفق يا سَياف ، فتحت الباب وشافته سيطر عليها خجلها ونطقت بالقوه : معليش حسبتك سَياف
بسام : لا عادي ماهو انا اللي كنت ادق تركي
انَوار : يا مزعج يلا تعال معي
تركي : مابدخل الا مع عمي بسام
بسام بضحكه : رح رح مع امك ناسي خالك اللي بالمستشفى بدون سياره!
انَوار : ليه جلس؟
بسام : باقي مشغولين ما ضمدوا جرحه
تركي : ادخل خله يخسس في المستشفى
انَوار : وش مسوي لك؟
تركي : معصب على زوجته
انَوار بضحكه : حاطها زوجته وحارق دمك على الفاضي
تركي اللي جلس يبكي وحضنه بسام : افا ياحبيب الكل تبكي على شي مايسوى
انَوار اللي تكتف على الباب تناظر فيه وكيف انه مليان حنيّه رغم ان مالها احد من صغره بس ما شاء الله عليه من مظهره الخارجي يظهر انه متربي على يد اهل شديدين جداً ، نطق يقطع عليها سرحانها : امسكيه بروح لسَياف
انَوار : مشكور ، ماتدري ليش نطقت بذا الكلمه بس ذا اقصى شي تقوله من دقات قلبها المُتسارعه ماتدري هي جد طاحت وما احد سمى عليها ولا مجرد مسأله لحظيه وتروح
بسام : العفو ولو واجبنا يلا ودعتك الله ياحبيب الكل
تركي : مع السلامه ، طلع من البيت يركب سيارة سَياف يحاول يبعد مشاعره اللي داهمته لو القسم بيده اقسم بإن جمالها وعذوبتها تنجدر تحت مُسمى تسرّ الناظرين
~ عند سَياف وسُلاف ~
سُلاف : ميرا تعالي ضمدي جرحه وانا بشرف بس
ناظر سَياف فيها المصدوم ماتوقعها تسويها ابدًا ، ميرا : ليه ما انتي واثقه فيني؟
سُلاف : هيا عاد مو سالفة اني مو واثقه بس بمتع عيني
ميرا اللي فهمت قصدها : اجل تم
سُلاف : رجع ظهرك على السرير عشان تبدأ شُغلها
سَياف : طيب ، رجع ظهره
ميرا : لابس ثوب ليه وانت عارف جرحك بوسط بطنك؟
سَياف : سهله اصبري ، فتح سحاب ثوبه ونزله من فوق لحد الجرح ورجع ظهره استرسل كلامه : تقدرين تبدين شغلك الحين
ميرا بهمس لسُلاف : تكفين يع ما اقدر
سُلاف بضحكه : لا تفشليني تكفين
ميرا : تكفين انتي وخري عني انتي وياه ، طلعت من غرفة الطوارئ تاركتها وراها
سَياف بضحكه : وين ما اكون مردك لي لو انك مختصرتها على نفسك ومسويه شغلك من البدايه كان احسن لك
سُلاف : تقدر تسكت ولا اكتم فمك بالقطن ذا؟
سَياف : مدي يدك اذا تقدرين
سُلاف : يارب صبر من عندك ، بدت بشغلها تفك الشاش اللي على بطنه ، مسك يدها ناظرت فيه بمعنى " وش تبغى؟" ، سَياف : بعدي بفكه انا
سُلاف : كان من اول طيب
سَياف : هيا ماني فاكه حط يدينه تحت راسه واسترسل كلامه : كملي شغلك انتي
سُلاف اللي سحـ
# تو_ماجِرد_المحاني_تبسّم_ريفها