تو ماجِرد المحاني تبسّم ريفها

Part 17

سَياف : ما ابغاك تلمحيني وانا ابكي
سُلاف : سَياف معقول حبيتني لذا المستوى اللي يجبرك تبكي!
تنهد يهدي من دقات قلبه اللي تدل على صدق مشاعره ولا هو قادر يتحكم فيها نطق يبتر جميع تساؤلاتها في محبته : ماني بخيل بمشاعري لك لكن لذة الحب في الشي القليل
سُلاف : سَياف ليه كل شي تترجمه بالقصايد ممكن اني ما افهم وش اسوي؟ ، ضحك منها يرفع راسه يتأمل عبوس وجهها من قصايده اللي ماتفهمها استرسل كلامه : ليش معبسه طيب؟ اللي مافهمتيه مستعد اني اوضحه لك مره مرتين ثلاث
سُلاف : لذة الحب في الشي القليل
سَياف : كل شعور حلاوة لذته بالقليل لاكثر تمل منه وتسحب جميع مشاعرك وترحل وانا مانويت لذة حبي تكون لك بالكثير عشان ما ارحل عنك خلي قلبي على ما هواك يا سُلاف ، قبلته على جبينه تسمح لنفسها تستأمنه اكثر
سَياف : مابتروحين لاهلك؟
سُلاف : ما ابغى اروح لهم بدق على ميـ بتر كامل كلامها ينطق بلهفة من قربها اللي يداويه : توافقيني الفكره؟
سُلاف : اي فكره؟
سَياف : وافقي واقول لك
سُلاف : موافقه بس انطق
سَياف : اكلم بسام ونروح بيته وشرايك؟
سُلاف بتردد : طيب جدك ما بيسأل عنك؟
سَياف : بسام هنا يصرفه
سُلاف : تمام ، دق على بسام يجيه بالمجالس وصله الرد : وش عندك؟
سَياف : تعال المجالس وانتبه احد يلحقك
بسام : يلا جايك ، استوقفه الجد راجح : على وين؟ ، مسك يحك راسه من ورا : سَياف يبغاني
الجد راجح : وينه؟
بسام بكذبه : برا عند البوابه
الجد راجح : رح له وناده ابغاه
بسام : ابشر ، طلع وهو يلعن في سَياف من استقعاد الجد راجح له وهو مايحب يكذب على احد مهما كان فتح الباب يدخل استرسل كلامه : تفو عليك يا رجال
سَياف بلخمه : سلامات وش مسوي؟
بسام : كذبت على جدي عشانك بس ياويلك يبغاك
سَياف : بروح له بس ابيك بموضوع
بسام : اللي هو؟ ، ناظر في سُلاف اللي تحاول تشغل نفسها بشي من كثر خجلها استرسل كلامه : ابغى مفتاح بيتك
بسام بصدمه : وش ناوي عليه؟
سَياف : بتعطيني ولا لا
طلع المفتاح يرميه له : يفداك البيت وراعيه ، قرب منه يقبل راسه : والله انك كفو محزمي وقت الشدايد ، ضحك بسام يمشي عنه : الحقني جدي يبغاك
سَياف : يلا جايكم ، لف عليها يعطيها مفتاح سيارته يسترسل كلامه : رحي افتحيها واركبي فيها وانا جايك الحين
سُلاف : وسيارتي؟
سَياف : اكلم بسام يجيبها بالليل
سُلاف : طيب لا تتأخر علي
سَياف : ماني متأخر اطلعي قبل مايشوفك احد
سُلاف : تمام ، على طلعتها من المجالس شافتها وهج وطلع سَياف وراها بالتمام قفلت الشباك بحيث انه مايشوفها ، دخل البيت بعد ماتطمن انها طلعت ولا احد شافها مايدري عن العيون اللي كانت تـ ...
#تو_ماجِرد_المحاني_تبسّم_ريفها

—————————————————————
دخل البيت بعد ما تطمن انها طلعت ولا احد شافها مايدري عن العيون اللي كانت تراقب من الشباك على دخلته طلعت من الغرفه تجلس معهم استرسل كلامه : سمّ ياجدي وش بغيت؟
الجد راجح : وش مقعدك برا؟
سَياف : ما من شي بس كذا اتأمل الرايح والجاي
الجد راجح : تدخن؟
سَياف : لا
الجد بعصبيه : تقلع عن عيني ، عيني لا تشوفك
سَياف ابتسم كون ان الطرده جت على مايتمنى : خلاص متى ماحبت عينك تشوفني اتصل
الجده عهد : رح ياوليدي ونس خاطرك وشوي يهدأ ويتصل عليك ، قرب منها يقبل يدها ويودعها
انَوار : وحنا مالنا رب؟
سَياف : اما ياعمه طلعتي تغارين؟
تركي : امي ما تغار الا علي وخر عنها بس
سَياف : كله من بسام اللي مغيرك
بسام : ياحظ المظلوم بالجنه ، ضحك يطلع من عندهم ويرمي همومه وراه بمجرد ما طلع من البوابه يستقبلها بوجهه البشوش اللي اعتادت عليه ، ركب ينطق : عسى ما ابطينا بس؟
سُلاف : لا عادي ماقال لك شي؟
سَياف بضحكه : طردني وجاك يامهنا ماتمنى
سُلاف بصدمه : مو طبيعي ول مره يمر علي انسان يضحك انه انطرد
سَياف : ماهي مهمه الطرده المهم اني بحظى بقربك ايام لين ماتحب عين جدي تشوفني
سُلاف : يكون بعلمك بس الليله ذي وبارجع بيتنا
سَياف : تخسين يابنت عبدالعزيز انا ماكودت على الله
سُلاف : زي ما ان كلامك ماينعاد حتى انا كلامي ماينعاد
سَياف : نصيحه لاتجبريني اكسر عنادك
سُلاف بروح التحدي : اتحداك يلا
سَياف : خلي الليله تعدي على خير وبكره تشوفين ، توترت من كلامه خافت تتفشل قدامه بكسر كلامها نطقت بخفوت : سَياف
سَياف اللي خاف من نبرتها وقف : لبيه وش جاك؟
سُلاف ببكاء : بس الليله ذي وارجع لبيتنا
سَياف المصدوم منها كلامه مافيه شي يستدعي انها تبكي نطق يطمنها : خلاص ابشري وان ودّك اوصلك للبيت الحين ماعندي مانع
سُلاف : صدق؟
سَياف : يهبي الا لذا الدرجه ماتبيني؟
سُلاف بضحكه : ممكن اني ما ابيك ماتدري للحين ما أكدت لك مشاعري
سَياف : ما انتظر تأكيدك دام كل شي واضح لي
سُلاف : وش واضح لك ان شاء الله؟
سَياف : محبتك
سُلاف : لا تصدق نفسك عاد
سَياف : ياحليلك راكبتك القوه اللي ما اشوفها الا وين وين
سُلاف : بتشوفها من اليوم ورايح بس سَياف كلم بسام يبحث انا شاكه ان اهلي يعرفونك
سَياف لف يناظر فيها بصدمه مايتخيل انه لقى طرف خيط يوصله لامه نطق بصدمه : يعرفوني! تقولينها صادقه
سُلاف : والله ذا اللي صاير يا سَياف من يوم علمتهم عن الحادث
سَياف : وليه ماعلمتيني من وقتها؟
سُلاف : ماكنت مفكره انك بتعطي الموضوع اهميه ذا الكثر
سَياف : خلاص بكره ويصير خير ، قربت تمسك يده وتحط راسها على كتفه تسترسل كلامها : غريبه وين شخـ ...
#تو_ماجِرد_المحاني_تبسّم_ريفها

—————————————————————
قربت تمسك يده وتحط راسها على كتفه تسترسل كلامها : غريبه وين شخصية مخاوي الليل اليوم؟
سَياف : ماينفع ماني مرسم اليوم عليك شغلي اللي تبين
سُلاف : متأكد؟ واذا ما اعجبك ذوقي
سَياف : انتي كلك مستحله اعجابي ماوقفت على ذوقك ، قربت تمسك يده وتحط راسها على كتفه ، بعد مرور ٥ دقايق اشتغل المسجل باغنيتها المفضله والبارت اللي يجسد مشاعرها لسَياف /
" يامن بوسط العين والقلب ساكن
شوفك يرد الروح فيني وحسي
مشاعري لك يا غناتي مساكن
وانت ضيا عمري وضلي وشمسي " ، نقص الصوت يسترسل كلامه : افهم من الاغنيه انك متأكده من مشاعرك خلاص؟
سُلاف : ارفع الصوت وكمل الاغنيه بعدين افهم
سَياف بضحكه : صامله تكابر ياويلي
سُلاف بابتسامه : سَياف اسكت خلني اتسمع زين
سَياف : على خشمي
~ عند الجد سامي وعبدالعزيز ~
الجد سامي : وش صار؟
عبدالعزيز : طردته وقلت له وخر عن بنتي وعاد ما ادري عن ولد هنادي
الجد سامي : تراه ولد خالتها ماهو مأذيها ريحوني انت ونوره
نوره : يايبه وش يضمن لنا انه ما يسوي شي لو عرف ان امه خالة سُلاف!
الجد سامي : انتي ريحينا وشكوك ذي سَياف ماهو مسوي شي الا انه بينبسط لو عرف
عبدالعزيز : اجل علمه
الجد سامي : خلوه يبحث هو ويعرف من نفسه
نوره وعبدالعزيز بِتزامن : ان شاء الله
~ عند هنادي وسيف ~
هنادي : ابغاك تبدأ من بكره ان شاء الله يقولون انه يدور علي الحين ابغاك تنهي المهمه قبل ما يلقاني
سيف بعدم اهتمام لها : طيب ، طلع من عندها يرجع لاخته يأخذ مشاورتها ، بعد مرور اكثر من نص ساعه وصل دخل وهو مهلوك تفكير
جمانه : بسم الله عليك وش بلا حالك كذا؟
سيف : عطيني حل وانا اخوك
جمانه : بوش؟ ، نقل لها اللي صار بدون نقصان : وش توصيني اسوي
جمانه : اتركه ثلاث ايام بعدين سو اللي قالته وفكنا منها
سيف : بس استوعبي تراه رجال حكومه كيف بعدين اهج منهم!
جمانه : بنفس اليوم احجز طياره ونسافر خلاص لبينا مطلبها
سيف : على خير ان شاء الله
~ عند سُلاف وسَياف ~
سَياف : مافيه الا غرفة النوم ذي
سُلاف : والطريقه والله ما انام معك ، سحبها يحصر وجهها بوجهه نطقت : بعد عني خلاص ما بستسلم لك
سَياف : اص ، انحنى يقبلها بعنقها واللي صارت عنده باسم قبلة الوداع
سُلاف : خلاص فكني يع ما احب
سَياف : حبيتي ولا ماحبيتي انا البي مطلبي ، مشى عنها تاركها معصبه منه استرسل كلامه : رايح اجيب اغراض للمطبخ عشان ماتموتين علي من الجوع
سُلاف : ياربي ذا كيف بعيش معه مستفزف وبس يتأمر معاملني معاملة جندي يشتغل عنده ، مشت تتعرف على البيت بأكمله لفت انتباهها غرفه بابها صغير قادها فضولها للغرفه فتحت الباب اللي ما كان مقـ ...
#تو_ماجِرد_المحاني_تبسّم_ريفها