تو ماجِرد المحاني تبسّم ريفها

Part 6

الجده عهد اللي خافت من كلامه : بسم الله عليك ياوليدي عمرك طويل ان شاء الله
سَياف : حبيبة قلبي انتي امين ومن يقول
انَوار : ما شاء الله نفسيتك زينه الحمدلله
سَياف : تركي السبب الاول ثم بعدين انتم الله يخليكم لي
الجد راجح : امين ومن يقول لكن ليش تركي الاول عقبه حنا؟
سَياف بضحكه : ماخبرتك تغار يا جدي
الجد عهد : ياويلي عنك غيرته مثل النار
سَياف : تركي محبوب ياجدي عشان كذا ماتليق فيه الا المرتبه الاولى
انَوار : هيا اجحد يا يبه
الجد راجح حضنها : لا يابنتي ما اجحد تركي محبوب زي ما قال سَياف
انَوار اللي شوي وتصيح : يا عيوني انتم
سَياف : لا لا يا عمه لا تصيحين
انَوار وهي تبكي وتضحك : عاد وانا عمتك الدموع ماتنمسك
قام يقبلها على راسها : دامنا كلنا حوليك لا تنزل دموعك الا من فرح
انَوار : ربي مارزقني الا بتركي لكن انت بمثابة تركي واكثر
سَياف اللي انسدح على رجولها : دامني بمثابة تركي العبي في شعري
ضحكت انَوار : ماهقيتك خفيف
سَياف : عاد انتم تحدون الواحد يصير خفيف على طاري خفيف تذكر بسام يوم طاح وفطس من الضحك
الجد راجح : ضحكنا معك
بسام : ما يصلح بفشله
انَوار : تفشل من؟
سَياف : بسام المهبول
الجد راجح : ياحليله ذا البسام وش مسوي؟
سَياف نقل لهم اللي صار بدون ذكر ان سُلاف كانت معهم عشان جده مايجلس يسأله اسئله مالها داعي ، انَوار بضحكه : كلكم خفيفين ومهبل
بسام : ماحنا اصحاب عبث اخذت منه صفات وهو اخذ مني صفات
الجده عهد : هو ماتزوج؟
ناظر سَياف فيها : ليه ناويه تزوجينا مع بعض؟
الجهد عهد : ليه لا بحسبتك بسام
سَياف : مايداني النسوان خليه لين يحبهم بعدين زوجيه
انَوار : وانت تداني النسوان يلا يا يمه هيا ندور له
سَياف : لا اله الا الله عمه انتي ماتصدقين على الله
انَوار بضحكه : امزح معك لا تزعل
سَياف : ما ازعل منكم ، صوت لتركي : فديت الزعلان تعال عندي
تركي : ماني جايك وخر عن امي
سَياف : علامكم انتم علي اليوم؟ مسوي شي لكم وانا ما ادري
انَوار : حبيبي ولدي غيران بس ما انت مسوي شي
سَياف : يابو لسان ما يمسكه احد تعال ابغاك
تركي : وش تبغى؟
سَياف : شي بيني وبينك ، قام تركي له : هيا وش؟
سَياف : هات اذنك
تركي : نزل راسه يسمع وش بيقول له سَياف مادرى عن حركات سَياف النذله ، عض اذنه وتركي اللي جلس يبكي حضنه سَياف : ياويلي يا عمه ما دريت انه بكاي كذا
تركي اللي قام ينتقم لنفسه يشد شعر سَياف بقوه ، سَياف : فكني لاقوم عليك
تركي : قم ، قام سَياف بيمسكه لكن هج تركي ورا الجد راجح : يا جدي انا بوجهك منه
الجد راجح : هيا اقعد بمكانك ان جيتني ضربتك
سَياف : -
#تو_ماجِرد_المحاني_تبسّم_ريفها
-

سَياف : محتمي بكبير العايله بس انا اوريك هين
انَوار : تعال اقعد خلاص حاط دوبك من دوبه
سَياف بطقطقه : خلاص بتزوج يجيني ولد العب معه على كيفي وانت دور لك احد يلعب معك
زغرطت الجده عهد : بالمبارك من بكره ندور لك
انَوار : اخيراً مابغينا
خرب عليهم سَياف الفرحه : اقول انا امزح ما ابغى العبي بشعري
انَوار صفقته على راسه : ليه خليتنا نفرح طيب؟
سَياف : اسوي لكم جدول بس لا تصدقوني
انَوار : لا تتكلم اكرمنا بسكوتك
سَياف بضحكه : افا يا عمه
الجد راجح : وهي صادقه ما ينمزح بذا الامور
سَياف : خلاص بسكت تركي رح جب لوسي
تركي : العب معها انا
سَياف : اي بس رح جبها
تركي : يلا
~ عند سُلاف اللي وصلت البيت ~
نوره : الحمدلله طولتي وانا امك
سُلاف بتعب : الشغل اليوم كثير بعدين يا يمه تطمني مابروح مكان بالمستشفى اخلص شغلي واجيكم ارهقتي نفسك
نوره : هيا رحي ريحي عشان اذا صحيتي تأكلين لك شي
سُلاف : تمام لا احد يصحيني لين اصحى انا من نفسي
نوره : طيب ، دخلت المجلس عند عبدالعزيز والجد راجح
عبدالعزيز : جت؟
نوره : اي بس وجهها مايعجب
الجد سامي : ضغط الشغل بس تطمني
عبدالعزيز : تجي سُلاف يختفي ياسر والعكس
الجد سامي : عيالكم لا تعقدونهم عاد
نوره : ماحنا معقدينهم بس خايفين عليهم
الجد سامي : الجيل ذا ماينخاف عليهم ما شاء الله عليهم واعين
عبدالعزيز : عيالي مصفق يا يبه
الجد سامي : اذا مصفق فهو منكم اتركوهم على راحتهم
عبدالعزيز : ابشر
~ عند سَياف والجد راجح ~
سَياف : جدي ليه ماتكلم عمه حليمه يجونا؟
الجد راجح : اي والله صدقت
انَوار : اي يا يبه تكفى كلمهم واحشتني وهج
سَياف : ياحليلها ذا الوهج كم عمرها الحين؟
انَوار : ١٩
سَياف : كبروا الناس ما شاء الله
الجده عهد : هيا وشرايك اخطبها لك؟ بنت عمتك
سَياف : نروح ونرجع على نفس الموال ارتاحي ان بغيت جيت وعلمتك من ابغى
الجد راجح : عشنا وشفنا تبغى تتزوج على كيفك؟
سَياف : انا اللي بعيش معها من حقي اختارها
الجد راجح : يصير خير ان شاء الله
سَياف : عاد عطيتك خبر من الحين عشان لاجاء وقتها ماترفض
الجد راجح : اي اي ان شاء الله نتفاهم وقتها
سَياف : ان شاء الله ، صاح على تركي : ياكلب ذي اغلى منك لاتغفصها كذا
تركي : تراها قطوه وين اغلى مني؟
سَياف : جبها بس ، دق جواله اللي يتوسطه اسم بسام اخذه يرد : ارحب
بسام : تبقى وينك فيه؟
سَياف : في البيت تجي؟
بسام : جايكم بس بعد المغرب ان شاء الله
سَياف : العلوم كثيره تعال الحين حد انها طازجه
بسام : اما عاد طازجه يعني اذا تأخرت تخرب
سَياف بضحكه : يا السخيف صدق تعال لاتبطي
بسام : ان شاء الله وقفل في وجهه -
#تو_ماجِرد_المحاني_تبسّم_ريفها
-

بسام : ان شاء الله وقفل في وجهه ، سَياف انت قدها جايني انت صبرك علي
الجد راجح : وراك تكلم نفسك مهبول انت؟
سَياف : ارد بس لف على عمته استرسل كلامه : عمه جهزي القهوه
انَوار بمزايد : قم جهزها انت
سَياف : جده خلاص دوري لي عروس
الجده عهد : ماعاد اني مدوره انت تقول الي ابيها بجي واعلمك
سَياف : معليه سجلوها عندكم
انَوار : يا الضيوق خلاص بقوم اسويها
سَياف : اطلق عمه وام
انَوار : عشت الجو والله
سَياف بغمزه : عشان بعض العرب بس
تركي : بعض العرب له اسم
سَياف : ياحليلك بس اذا جاء بسام هيا معي نطفشه
تركي : ازهلني
سَياف : ما شاء الله عليك مو على صغرك وانا خالك
تركي : عمري صغير بس انا كبير
سَياف : امش يالكبير بس
~ الساعه ٩ مساءً عند سُلاف ~
قامت تدور لها شي تأكله وتنسى اللي صار ببداية يومها ، دخل ياسر المطبخ فزت منه : وجع فجعتني
ياسر : توني اقابلك وش مسوين انتي وسَياف ليش كان متوتر مهند؟
سُلاف : والله ما سويت شي رفع صوته علي ورديت عليه بنفس رفعة الصوت
ياسر : بس؟
سُلاف : يعني بكذب عليك انا
ياسر : لا مستغرب اذا بس ذا السبب و وضع مهند ما كان يدل بس ذا
سُلاف : سألت مهند قال لك شي؟
ياسر : ما ينوخذ بكلام مهند ، مهند صغير
سُلاف : زين جيعانه تطلب لي اكل؟
ياسر : ذا وراتبك اعلى مني بكثير مزريه تطلبين؟
سُلاف : خلك كريم المره ذي
ياسر : كريم بكل مره بس ما يملى عينك
سُلاف حضنته : حبيبي انت
ياسر : وراك مصالح ما تجين بذا الاسلوب الا وراك شي
سُلاف بضحكه : شدعوه عاد حرام اقول لك كلام حلو واحضنك؟
ياسر حاوطها بكتفها ومشوا نطق : اختي انتي اللي يجي منك حياه الله
سُلاف : تراني بصيح
ياسر : اتحداك
سُلاف : يلا ، وبدأت تعد واحد اثنين ثلاثه وهي تصيح
ياسر : يلعن شكلك اسكتي كنت امزح
سُلاف : في دموعي ما احد يمزح
ياسر : زين وش تبغين؟
سُلاف : لا تشاورني اطلب اي شي ابغى اشبع
ياسر بضحكه : والله لو اننا مجوعينك اسبوع وش ذا الجوع؟
سُلاف : اسكت واطلب لي بسرعه
ياسر : يلا
~ عند الجد راجح والجده عهد ~
دق الجد راجح على حليمه يلبي طلب سَياف ماهي الا ثواني و وصله الرد : ياهلا وسهلا
الجد راجح : هلا فيك اخباركم طيبين كلكم؟
حليمه : الحمدلله بخير والله ما نسأل الا عن اخباركم؟
الجد راجح : كلنا بخير دامكم بخير فاضين يابنتي؟
حليمه : اي والله فاضين ليه فيه شي؟
الجد راجح : لا والله مافيه شي الحمدلله لكن القلب ولهّ عليكم
حليمه : يابعد قلبي يا يبه خلاص اكلم بتال ونجيكم الاربعاء
الجد راجح : بتال حولك؟
حليمه : اي
الجد راجح : عطيني اياه
حليمه مدت الجوال لبتال : سمّ ابوي يبغاك
بتال : -
#تو_ماجِرد_المحاني_تبسّم_ريفها