تو ماجِرد المحاني تبسّم ريفها

Part 30

فتح لها الكام وطاحت عينه على الخاتم المرصع زركون بنك وقفل منها استرسل كلامه يأشر على الخاتم : ابغى ذا
الموظف : شي ثاني؟
سَياف : ورني اشكال السلاسل الي عندكم
الموظف : تبشر ، طلع له اغلب الاشكال الحلوه الي عندهم
سَياف : لا تحيرني يرحم اثنين جابوك
الموظف : عطني شكل ببالك واساعدك فالاختيار
سَياف : عقب الي شفته تزاحمت الاشكال بعقلي
ضحك الموظف : اعطيك تختار طيب شف العقود الي هنا شكلها انيق وناعمه
سَياف : دامها قليله خلاص خلني اختار منها
الموظف : اجل خذ راحتك باختيارك وانا بشيل الي ما تبغاه
سَياف : طيب ، طاحت عينه على عقد مرصع بالزركون الكناري الالماسي
الموظف : اخترت؟
سَياف : خلاص العقد ذا
الموظف : اختياراتك متناسقه مع بعض محظوظه الي بتنهدى لها
سَياف : يا حبيب قلبي انت يعطيك العافيه
الموظف : واجبنا يعطيك العافيه تغليف صح؟
سَياف : اي
الموظف : تبشر
سَياف : تبشر بجنته ، حاسب عليها وطلع بنص مشواره للبيت ارسلت انَوار الفيديو له حفظه واتصل عليها ردت : مزعج صدق
سَياف : وين يدوج فيك ذا الهايم؟
بسام : سد حلقك وجهز بيتنا بس
سَياف بصدمه : هاه!
بسام : فكنا من صدماتك وبيتنا يجهز جايين حنا
سَياف : هادمين اللذات ، ابو غيث
بسام : ها لبيه يابو محمد
سَياف : تمشوا لين اتصل عليكم
بسام : والله حنا طالعين نداهمكم ما طلعنا نتمشى
سَياف : انا داري هيا بالله عليكم لا تخربون تمشوا لين يجيكم اتصال
ضحك بسام : قعده رومنسيه؟ عاد بنتكي معكم
سَياف : عمه هيبتك وينها؟ امسكي رجالك ، غمز لها بسام بمعنى "نبغى نزايده" انَوار : صادق رجالي بنتكي معكم
سَياف : اعقبوا والله انكم خربتوا الجو
بسام : افا يابو محمد
سَياف : حبيبي يابو غيث ادري فيك كله من الراس الي معك اعرفها
انَوار : ضلمتني
سَياف : يا بسام يا الملعون
ضحك بسام : خلاص يابو محمد خذ وقتك
سَياف : انتم كذا عيوني
بسام : حبيب قلبي
سَياف : هيا انقلعوا ، قفل منهم يتصل عليها وصله الرد : لبيه
سَياف : يا حلو ردود زوجتي
سُلاف : ترا تأخرت
سَياف : ادري يام العيون الوسيعات بس فيه اشياء تشفع
سُلاف : وشهي
سَياف : قربت خلاص تشوفينها الحين
سُلاف : وينك بالضبط؟ عشان اجهز الاكل
سَياف : عند لفة البيت
سُلاف : اجل بقوم اجهز
سَياف : ادري اتعبتك
سُلاف : بالعكس طبختها بكل حب مافيه تعب
سَياف : الحمدلله وصلت يتم التعبير الحين
سُلاف : اجي افتح؟
سَياف : انثبري بمكانك
سُلاف : طيب ، قفل منها وقامت ترتب السفره زين وتجيب الصحون والباستا ، وهي شايله صحن الباستا الكبير طلع بوجهها
سُلاف : بسم الله خرشتني
سَياف : بسم الله عليك امشي خليها على السفره
سُلاف : -
#تو_ماجِرد_المحاني_تبسّم_ريفها

—————————————————————
سَياف : بسم الله عليك امشي خليها على السفره
سُلاف : وش ورا ظهرك؟
سَياف : امشي وتشوفين الحين
سُلاف : تمام : مشت تنزل الباستا ، وقف وراه ينطق : هيا لفي
لفت تناظر فيه طلع باقة الورد اخذتها من يده بعيون مليانه دموع نطق : تبكين بصفقك
سُلاف : مقدر يا سَياف دموعي جزء من تعبيري
سَياف : هيا ماني مطلع الباقي
سُلاف : لا خلاص بسكت طلعه بسرعه ، مسك يدها يجلس على الكنبه ويجلسها بحضنه طلع الاكياس من وراه ظهره وصاحت : الله سَياف الماركه الي احبها وشعرفك فيها؟
سَياف : لعل الصدفه ناسبت
سُلاف : وش جايب؟
سَياف : هاتي يدك طيب ، مدت يدها وطلع الخاتم يلبسها
سُلاف : طلعت ذويق
سَياف : ماش ردة الفعل
سُلاف : مسكتني لا اصيح ويبغاني اعطيه ردة فعل
ضحك بغمزه : باقي شي ثاني ابغى ردة فعل احلى
سُلاف : متمرد زوجي
سَياف : اعتذري
سُلاف : بعتذر بطريقه تعجبك بس طلع الي بالكيس
سَياف : يلا نشوف وش عندك ، طلع العقد يسترسل كلامه : ارفعي شعرك عني
سُلاف : قولها باسلوب حلو جايب هديه لكن اسلوب جاف
سَياف : عيون ودنيا سَياف ارفعي شعرك
ضحكت : اي كذا وش حلوك
سَياف : شكواي على الله حاب لي ورعه ما كأن عمرك كبير
سُلاف : لبسني بس
سَياف : انجزنا يلا اشوف الاعتذار لاخذ هديتي
سُلاف : بيذلني من الحين ، قربت تقبله على خده وتحضنه استرسلت كلامها : والله انك حب عمري
سَياف : ماش ما الجاف غيرك
سُلاف : قليل ادب انت ما يعجبك الي ما يجي على هـ ، بتر كلامها يقبلها بعمق استرسل كلامه : كذا التعبير يكون
سُلاف : والله انك وصخ خل التعبير يكون كذا
ضحك يلعب بشعرها : لو نتعمق وش تسوين انتي تموتين علي؟
سُلاف : يع قرف حامت كبدي ما ابغى اتعشى
سَياف : اقول قدامي بس
سُلاف : قلت ما ابغى وشوي راجعه بيتنا
سَياف : تخسين اصلاً انَوار وبسام جايين ما انتي رايحه مكان
سُلاف : سَياف طيب ماعندي ملابس كلها شورتاتك
سَياف : عادي انثبري وحطي على رجولك لحاف ولا تقومين ابداً
سُلاف : مين يقوم؟ انت
سَياف : راضي اهم شي ما تروحين واذا عن الملابس نطلع بكره نشتري لك
سُلاف : ما تقدر تعيش بدوني؟
سَياف : لاعبه في حسبتي ولك وجه تقولين ما تقدر
سُلاف : انت الي طحت بكيفك ، قطع النقاش يلعب بخصال شعرها ويتمتم ببارت /
" احلى من العقد لباسه
يزهى بها العقد في جيده
الماسةٍ تلبس الماسه
ما زادها الجوهر تزيده
ما زانها الجوهر تزينه "
سُلاف : خلاص بتعشى الحومه راحت
ضحك : والله انك مجنونه بس قومي نتعشى
سُلاف : انا مجنونه اجل هيا شوي محروم من نومة الحضن
سَياف : نشوف كلام مين يمشي ، مسكها بيدها يجلسها على السفره ويتعشون بعد ما انتهوا رتبوا البيت وبـ ...
#تو_ماجِرد_المحاني_تبسّم_ريفها

—————————————————————
مسكها بيدها يجلسها على السفره ويتعشون بعد ما انتهوا رتبوا البيت وبخروه انسدح على الكنبه ينطق : الله يعينكم طلع الموضوع متعب
سُلاف : اي حس فيني من بدري
سَياف : خلاص اجيب لك شغاله تساعدك بس ارحميني انا
سُلاف والفوبيا حقتها من الشغالات : راضيه اشتغل لوحدي ولا انك تجيبها
سَياف : السبب؟
سُلاف : اخاف منهم
سَياف : ماش حساسه وخوافه كذا كثير ابتليت فيك انا
سُلاف : اجل رايحه بيتنا دامني بلوه ، سحبها بيدها ارتمد جسدها بصدره العريض نطقت : وجع اوجعتني ساحب انسانه ترا مو ريشه
ضحك بعيون ما تبشر بالخير : كل ما خالفتي كلامي كل ما كرهتك عيشتك ، منعها من الرد بقبلته السريعه
سُلاف : ما قلت متمرد عبث
سَياف : هيا اهجدي وامسكي ارضك ، جلست جنبه بأدب تغطي رجولها اخذ جواله يتصل على بسام وصله الرد : ارحب يابو محمد هاه قضيتوا نجي؟
سَياف : قضينا حيّاكم الله البيت بيتكم يابو غيث
بسام : وهو صدق بيتي ، قفل في وجهه يناظر فيها كيف متعجبه استرسل كلامه : علامك؟
سُلاف : ابد ما فيني شي بس بجيح
سَياف : تسدين حلقك ولا اسده لك؟ ، بكت عجزانه تفهمه مره يألفها ويستأمنها ومره يعاديها ويكرهها سحبها يحضنها : وش قلت من كلمه بكتك؟
سُلاف : محيرني يا سَياف
سَياف : بوش ان شاء الله!
سُلاف : بتعاملك الي يتغير على مزاجك
سَياف : وش يرضيك يا بنت عبدالعزيز
سُلاف : بيتنا
سَياف : متأكده؟
سُلاف : اي
سَياف : مالك رجعه بكلامك؟
سُلاف : لا ومليون لا افهمها عاد
بعد عنها يسترسل كلامه : تقدرين تروحين
سُلاف : مفتاح سيارتي ، مد لها المفتاح ينتظر منها تنطق خلاص ماني رايحه بجلس حولك وفي امانك لكن خيبت ظنه لما استدارت تعطيه ظهره وتمشي عنه بدون كلمه وداع حتى ركضت تركب سيارتها تبكي من صدمة نفسها كيف قدرت تمشي وتتركه وراها بكل ذا القسوه والشجاعه
~ عند بسام وانَوار ~
وصلوا للبيت شد انتباه انَوار سيارة سُلاف استرسلت كلامها لبسام بتعجب : مو هذي سُلاف!
بسام : الا والله هي اعرف النجس وحركاته
انَوار : روح شف وش صاير وانا بروح لها
بسام : يلا ، ركض يدق الباب بقوه وصله صوته : اكسر الباب احسن ، فتحه تحت ذهول من عصبية بسام استرسلت كلامه : عساه خير؟
بسام : كل ما زينا احوالك خربتها بيدك حمار انت
سَياف : اقصر صوتك
بسام : ماني قاصره يمكن العصبيه ترجع عقلك لمكانه
سَياف : هي الي طلبت بيتهم وقلت تقدرين تروحين
بسام : كذاب
سَياف : تصدق انسانه ما عرفناها الا بكم شهر ومكذب اخوك الي جلست معه 22 سنه جرحك وصل يابو غيث ، مشى يرجع للصاله يترك الباب مفتوح دخل فالنهايه البيت بيته مادخل بكيفه جلس على الكنبه يرفع راسه يمنع نزول دمـ ...
#تو_ماجِرد_المحاني_تبسّم_ريفها